ಕಲಬುರಗಿ: ಲೋಕ ಕಲ್ಯಾಣಾರ್ಥವಾಗಿ ಜಿಡಗಾ, ಮುಗಳಖೋಡ ಮಠದ ಶ್ರೀ ಡಾ.ಮುರುಘರಾಜೇಂದ್ರ ಸ್ವಾಮಿಗಳು ಸೋಮವಾರ ಬೆಳಗ್ಗೆ 6ಕ್ಕೆ ಕೋಟನೂರು ಮಠದಿಂದ ಮಹಾದಾಸೋಹಿ ಶ್ರೀ ಶರಣಬಸವೇಶ್ವರ ದೇವಸ್ಥಾನದವರೆಗೆ ಮಹಾ ಪಾದಯಾತ್ರೆ ನಡೆಸಲಿದ್ದಾರೆ ಎಂದು ಶ್ರೀಮಠ ತಿಳಿಸಿದೆ.
ಬೆಳಗ್ಗೆ 6ಕ್ಕೆ ಕೋಟನೂರು ಮಠದಿಂದ `ಶಿವಯೋಗಿ ಶ್ರಾವಣ ಪಾದಯಾತ್ರೆ' ಆರಂಭವಾಗಲಿದ್ದು, ಹಳೇ ಜೇವರ್ಗಿ ರಸ್ತೆ, ತಿಮ್ಮಾಪುರಿ, ಕೋರ್ಟ್ ರಸ್ತೆಯ ಮೂಲಕ ಶ್ರೀ ಶರಣಬಸವೇಶ್ವರ ದೇವಸ್ಥಾನ ತಲುಪಲಿದೆ. ಶ್ರೀಗಳೊಂದಿಗೆ ಅಪಾರ ಭಕ್ತರು ಹೆಜ್ಜೆ ಹಾಕಲಿದ್ದಾರೆ. ಬಳಿಕ 11ಕ್ಕೆ ಸಿದ್ಧಶ್ರೀ ಡಿವೈನ್ ಪ್ಯಾಲೇಸ್ನಲ್ಲಿ ಶ್ರೀಗಳಿಗೆ ಶ್ರಾವಣ ಬಿಲ್ವ ಪಾದಪೂಜೆ ನಡೆಯಲಿದೆ.