"ಜನಗಣಮನ ಬೆಸೆಯೋಣ' ಬೈಕ್​ ರ್ಯಾಲಿ

ಗದಗ:
ಮೂರನೇ ಭಾರಿ ಮೋದಿ ಜಯಭೇರಿ ಎಂಬ ಘೋಷಣೆಯೊಂದಿಗೆ ನಮೋ ಬ್ರೀಗೇಡ್​ ಮುಖ್ಯಸ್ಥ ಚಕ್ರವತಿರ್ ಸೂಲಿಬೇಲಿ ನೇತೃತ್ವದಲ್ಲಿ ಬುಧವಾರ ಜಿಲ್ಲೆಯಾದ್ಯಂತ ಬೈಕ್​ ರ್ಯಾಲಿ ಯಶಸ್ವಿಯಾಗಿ ಜರುಗಿತು.
ಜನ ಗಣ ಮನ ಬೆಸೆಯೋಣ ಎಂಬ ಧ್ಯೆಯ ವಾಕ್ಯದೊಂದಿಗೆ ನಮೋ ಬ್ರಿಗೆಡ್​ ಕಾರ್ಯಕರ್ತರು ಬೈಕ್​ ರ್ಯಾಲಿಯಲ್ಲಿ ಪಾಲ್ಗೊಂಡರು. ಪ್ರಧಾನಿ ನರೇಂದ್ರ ಮೋದಿ, ಬಿ.ಆರ್​. ಅಂಬೇಡ್ಕರ, ಬಸವೇಶ್ವರರು, ಸುತ್ತೂರು ಮಠದ ಸ್ವಾಮಿಜೀಗಳ ಭಾವಚಿತ್ರವಿರುವ ವಾಹನವು ಜಾಥಾದಲ್ಲಿ ಭಾಗವಹಿಸಿದ್ದು ವಿಶೇಷವಾಗಿತ್ತು.
ಗದಗ ಜಿಲ್ಲೆಯ ಲಕ್ಕುಂಡಿಯಿಂದ ಬೈಕ್​ ರ್ಯಾಲಿ ಆರಂಭವಾಗಿ, ಹಾತಲಗೇರಿ ಗ್ರಾಮ, ಬೆಟಗೇರಿ, ಗಾಂಧಿವೃತ್ತ ಸೇರಿದಂತೆ ವಿವಿಧ ಮುಖ್ಯರಸ್ತೆಗಳಲ್ಲಿ ಸಂಚರಿಸಿ ಮುಳಗುಂದ ನಾಕಾ ಮೂಲಕ ಧಾರವಾಡ ಜಿಲ್ಲೆಯ ಅಣ್ಣಿಗೇರಿ ತಲುಪಲಿತು. ಬೈಕ್​ ರ್ಯಾಲಿ ವಿವಿಧ ಸ್ಥಳಗಳಲ್ಲಿ ಸಂಚರಿಸುತ್ತಿದ್ದ ಸಂದರ್ಭದಲ್ಲಿ ಕಾರ್ಯಕರ್ತರು ಸೂಲಿಬೇಲಿ ಚಕ್ರವತಿರ್ ಅವರನ್ನು ಹೂಮಾಲೆ ಹಾಕಿ ಸ್ವಾಗತಿಸುತ್ತಿದ್ದರು.
ಶರಣು ಅಂಗಡಿ, ವಿಜಯಕುಮಾರ್​ ನಂದಿಕೋಲಮಠ, ಸಂಜಯ್​ ರೆಡ್ಡಿ, ಕಿಶನ್​ ಮೆರವಾಡೆ, ಮುತ್ತಣ್ಣ ನವಲಗುಂದ ಇತರರು ಬೈಕ್​ ರ್ಯಾಲಿಯಲ್ಲಿ ಭಾಗವಹಿಸಿದ್ದರು.