ಚಿರತೆ ದಾಳಿಗೆ ಮೇಕೆ ಬಲಿ

ಹನೂರು: ತಾಲೂಕಿನ ಬಸಪ್ಪನದೊಡ್ಡಿ ಗ್ರಾಮದಲ್ಲಿ ಚಿರತೆ ದಾಳಿಗೆ ಮೇಕೆಯೊಂದು ಬಲಿಯಾಗಿದೆ.

ಬುಧವಾರ ರಾತ್ರಿ ಬಸಪ್ಪನದೊಡ್ಡಿ ಗ್ರಾಮದ ಮಾದೇವ ಎಂಬುವರ ಜಮೀನಿಗೆ ಲಗ್ಗೆ ಇಟ್ಟ ಚಿರತೆ ಕೊಟ್ಟಿಗೆಯಲ್ಲಿದ್ದ ಮೇಕೆಯನ್ನು ತಿಂದು ಹಾಕಿದೆ. ತಾಲೂಕಿನ ಗಂಗನದೊಡ್ಡಿ, ಬಸಪ್ಪನದೊಡ್ಡಿ ಹಾಗೂ ಕಾಂಚಳ್ಳಿ ಭಾಗದಲ್ಲಿ 3 ತಿಂಗಳಿಂದಲೂ ಬೋನಿಗೆ ಬೀಳದ ಚಿರತೆ ಆಗಾಗ್ಗೆ ಮೇಕೆಗಳನ್ನು ಬಲಿ ಪಡೆಯುತ್ತಿದೆ. ಕೆಲ ದಿನಗಳ ಹಿಂದೆ ಕಾಂಚಳ್ಳಿ ಗ್ರಾಮದಲ್ಲಿ ಮೇಕೆಯೊಂದನ್ನು ತಿಂದು ಹಾಕಿತ್ತು. ರಾತ್ರಿ ವೇಳೆ ಜಮೀನಿನಲ್ಲಿರುವ ಕೊಟ್ಟಿಗೆಗಳ ಮೇಲೆ ದಾಳಿ ನಡೆಸಿ ಮೇಕೆಗಳನ್ನು ತಿಂದು ಹಾಕುತ್ತಿದೆ ಎಂದು ಗ್ರಾಮಸ್ಥರು ಅಳಲು ತೋಡಿಕೊಂಡಿದ್ದಾರೆ.