ಎಂ.ಎನ್.ಕೋಟೆ: ವೃದ್ಧೆಯನ್ನು ಹೆದರಿಸಿ 51 ಗ್ರಾಂ ತೂಕದ 4 ಚಿನ್ನದ ಸರ ಕಸಿದುಕೊಂಡು ತಲೆಮರೆಸಿಕೊಂಡಿದ್ದ ಕಳ್ಳನನ್ನು ಪ್ರಕರಣ ದಾಖಲಾದ 48 ಗಂಟೆಯಲ್ಲಿ ಗುಬ್ಬಿ ತಾಲೂಕಿನ ಚೇಳೂರು ಪೊಲೀಸರು ಬಂಧಿಸಿದ್ದಾರೆ.ಗುಬ್ಬಿ ತಾಲೂಕಿನ ಚೇಳೂರು ಹೋಬಳಿ ಮಾದೇನಹಳ್ಳಿ ಗ್ರಾಮದ ಮನೋಜ್ (31) ಬಂಧಿತ. ಏ.11ರಂದು ಮಧ್ಯಾಹ್ನ ಹೊಸಕೆರೆ ಗ್ರಾಮದ ವೃದ್ಧೆ ರಾಜಲ್ಮ (75) ಅವರು ನಡೆದು ಹೋಗುತ್ತಿದ್ದಾಗ ಡ್ರಾಪ್ ಕೊಡುವ ನೆಪದಲ್ಲಿ ಕರೆದೊಯ್ದು ಶಿವೇನಹಳ್ಳಿ ಕೆರೆ ಏರಿ ಸಮೀಪ ಹೆದರಿಸಿ ವೃದ್ಧೆ ಕೊರಳಿನಲ್ಲಿದ್ದ ಸರಗಳನ್ನು ಕಿತ್ತುಕೊಳ್ಳಲು ಯತ್ನಿಸಿದ್ದ. ವೃದ್ಧೆ ಪ್ರತಿರೋಧವೊಡ್ಡಿದ ಹಿನ್ನೆಲೆಯಲ್ಲಿ ತುಂಡಾದ 51 ಗ್ರಾಂ ತೂಕದ 4 ಚಿನ್ನದ ಸರಗಳನ್ನು ಕಿತ್ತುಕೊಂಡು ಪರಾರಿಯಾಗಿದ್ದ. ಚೇಳೂರು ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. ಸಿರಾ ಉಪ ವಿಭಾಗದ ಡಿವೈಎಸ್ಪಿ ಶೇಖರ್ ಮಾರ್ಗದರ್ಶನದಲ್ಲಿ ನಡೆದ ಕಾರ್ಯಾಚರಣೆಯಲ್ಲಿ ಗುಬ್ಬಿ ವೃತ್ತ ನಿರೀಕ ರಾವೇಂದ್ರ ಅವರ ನೇತೃತ್ವದಲ್ಲಿ ಚೇಳೂರು ಪಿಎಸ್ಐ ನಾಗರಾಜು, ಸಿಬ್ಬಂದಿಗಳಾದ ರವಿಕುಮಾರ್, ನಾಗಭೂಷಣ್, ಪದ್ಮನಾಭ, ಮಧುಸೂದನ್, ಚಾಲಕ ದೇವರಾಜಯ್ಯ ಅವರನ್ನೊಳಗೊಂಡ ತಂಡ 48 ಗಂಟೆಯಲ್ಲಿ ಕಳ್ಳನನ್ನು ಬಂಧಿಸಿ ಸರವನ್ನು ವಶಕ್ಕೆ ಪಡೆದಿದೆ.