ಹನೂರು : ತಾಲೂಕಿನ ಚಿಕ್ಕಮಾಲಾಪುರ ಗ್ರಾಮ ಪಂಚಾಯಿತಿ 2ನೇ ಅವಧಿಗೆ ಅಧ್ಯಕ್ಷೆಯಾಗಿ ಬುಧವಾರ ಪುಷ್ಪಾ ಅವಿರೋಧ ಆಯ್ಕೆಯಾದರು. 15 ಗ್ರಾಪಂ ಸದಸ್ಯ ಬಲ ಹೊಂದಿರುವ ಈ ಗ್ರಾಪಂ ಅಧ್ಯಕ್ಷೆ ಚಾಮಮ್ಮ ರಾಜೀನಾಮೆ ನೀಡಿದ್ದರಿಂದ ಈ ಸ್ಥಾನ ತೆರವಾಗಿತ್ತು. ಈ ಹಿನ್ನ್ನೆಲೆಯಲ್ಲಿ ಜಿಲ್ಲಾಧಿಕಾರಿಗಳು ಚುನಾವಣೆ ನಿಗದಿಪಡಿಸಿ ಆದೇಶ ಹೊರಡಿಸಿದ್ದರು. ಬುಧವಾರ ನಡೆದ ಚುನಾವಣೆಯಲ್ಲಿ ಪ. ಮಹಿಳೆಗೆ ಮೀಸಲಿದ್ದ ಸ್ಥಾನಕ್ಕೆ ಪುಷ್ಪಾ ಮಾತ್ರ ನಾಮ ಪತ್ರ ಸಲ್ಲಿಸಿದ್ದ ಕಾರಣ ಅವಿರೋಧ ಆಯ್ಕೆ ಘೋಷಣೆ ಮಾಡಲಾಯಿತು. ಚುನಾವಣಾ ಅಧಿಕಾರಿ ಕೇಶವಮೂರ್ತಿ, ಪಿಡಿಒ ಮಹದೇವಪ್ರಭು, ಗ್ರಾಪಂ ಉಪಾಧ್ಯಕ್ಷ ಚನ್ನಯ್ಯ, ಸದಸ್ಯರಾದ ಚಾಮಮ್ಮ, ನಾಗಣ್ಣ, ಅಶೋಕ್ಕುಮಾರ್, ನಂಜುಂಡಸ್ವಾಮಿ, ಮಲ್ಲೇಶ್, ಪ್ರಭುಸ್ವಾಮಿ, ಗುರುಮೂರ್ತಿ, ಕಲಾವತಿ, ರಾಜಮಣಿ, ಮಹದೇವಮ್ಮ, ಪಲ್ಲವಿ, ರಾಜೀಬಾಯಿ, ಮುಖಂಡರಾದ ಕೆ.ಸಿ ಮಾದೇಶ, ಉದ್ದನೂರು ಸಿದ್ದರಾಜು ಇತರರು ಇದ್ದರು.