ತುಮಕೂರು: ನಗರದ ವಸಂತನರಸಾಪುರ ಕೈಗಾರಿಕಾ ಪ್ರದೇಶದಲ್ಲಿರುವ ಲೋರಸ್ ಬಯೋ ಫ್ಯಾಕ್ಟರಿ ಸಂಪ್ ಕ್ಲೀನಿಂಗ್ಗೆ ಇಳಿದಿದ್ದ ಇಬ್ಬರು ಕೂಲಿ ಕಾರ್ಮಿಕರು ಬುಧವಾರ ಉಸಿರುಗಟ್ಟಿ ಮೃತಪಟ್ಟಿದ್ದು, ಮತ್ತಿಬ್ಬರ ಸ್ಥಿತಿ ಗಂಭೀರವಾಗಿದ್ದಾರೆ. ಕೂಲಿಗಾಗಿ ಬಂದಿದ್ದ ಶಿರಾ ತಾಲೂಕು ತರೂರು ಗ್ರಾಮದ ವೆಂಕಟೇಶ್(32), ಮಧುಗಿರಿ ತಾಲೂಕಿನ ಮಾಗೋಡು ಗ್ರಾಮದ ಪ್ರತಾಪ್(23) ಮೃತರು. ಯುವರಾಜ್, ಕುಮಾರ್ ಎಂಬುವವರು ಆನಾರೋಗ್ಯಗೊಂಡಿದ್ದು, ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಶಿರಾ ತಾಲೂಕಿನ ತರೂರು ಗ್ರಾಮದ ಮಂಜುನಾಥ್ ಎಂಬುವವರು ಲೋರಸ್ ಬಯೋ ಫ್ಯಾಕ್ಟರಿಯಲ್ಲಿ ಸಂಪ್ ಕ್ಲಿನಿಂಗ್ ಕೆಲಸಕ್ಕೆ 4 ಜನ ಕಾರ್ಮಿಕರನ್ನ ಕರೆತಂದಿದ್ದ ಎನ್ನಲಾಗಿದ್ದು, ತರೂರು ಗ್ರಾಮದಿಂದ ವೆಂಕಟೇಶ್, ಯುವರಾಜ್, ಕುಮಾರ್ ಸಂಪ್ ಕ್ಲಿನಿಂಗ್ ಕೆಲಸಕ್ಕೆ ಬಂದಿದ್ದರು. ಆರಂಭದಲ್ಲಿ ಸಂಪ್ಗೆ ಇಳಿದ ಮಂಜುನಾಥ್ ಉಸಿರುಗಟ್ಟಿದ್ದು, ಅವರನ್ನು ರಸಲು ಫ್ಯಾಕ್ಟರಿ ಸೆಕ್ಯುರಿಟಿ ಪ್ರತಾಪ್, ವೆಂಕಟೇಶ್ ಹಾಗೂ ಯುವರಾಜ್ ಸಂಪ್ಗೆ ಇಳಿದಾಗ ಅವಡ ಸಂಭವಿಸಿದೆ. ಮಂಜುನಾಥ್, ಯುವರಾಜ್ ಸ್ಥಿತಿ ಗಂಭೀರವಾಗಿದ್ದು, ತುಮಕೂರು ಸಿದ್ಧಗಂಗಾ ಆಸ್ಪತ್ರೆ ಐಸಿಯು ಟಕದಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಮೃತದೇಹಗಳನ್ನು ಜಿಲ್ಲಾಸ್ಪತ್ರೆ ಶಾವಾಗಾರದಲ್ಲಿಡಲಾಗಿದ್ದು, ಕಾರ್ಮಿಕರ ಸಾವಿಗೆ ಫ್ಯಾಕ್ಟರಿ ಮಾಲೀಕನ ರ್ನಿಲಕ್ಷ್ಯವೇ ಕಾರಣ ಎಂದು ಸಂಬಂಧಿಕರು ಆರೋಪಿಸಿದ್ದಾರೆ. ಕೋರಾ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.