ಮೈಸೂರು: ವಿಜಯನಗರದ 4ನೇ ಹಂತ ಆರ್ಎಂಪಿ ಬಡಾವಣೆಯ ಎಲೆಕ್ಟ್ರಿಕ್ ಮತ್ತು ಹಾರ್ಡ್ವೇರ್ ಅಂಗಡಿಯ ಬಾಗಿಲಿನ ಬೀಗ ಒಡೆದು ಒಂದು ಲಕ್ಷ ರೂ. ಮೊತ್ತದ ವಸ್ತುಗಳನ್ನು ಕಳ್ಳತನ ಮಾಡಲಾಗಿದೆ.
ಮಿಸ್ಟರ್ ಫಿಕ್ಸ್ ಇಟ್ ಹೋಂ ಸೆಲ್ಯೂಷನ್ ಎಂಬ ಅಂಗಡಿಯಲ್ಲಿ ಫೆ.16ರಂದು ಈ ದುಷ್ಕೃತ್ಯ ನಡೆದಿದೆ. ಎಲೆಕ್ಟ್ರಿಕ್ ವೈರ್ಗಳು, ಟ್ಯೂಬ್ ಲೈಟ್ಗಳು, ಎಲ್ಇಡಿ ಬಲ್ಬ್ಗಳು, ಡ್ರಿಲ್ಲಿಂಗ್ ಮಿಷನ್ಗಳು ಸೇರಿದಂತೆ ಇನ್ನಿತರ ವಸ್ತುಗಳನ್ನು ದೋಚಲಾಗಿದೆ.
ಅಂಗಡಿ ಮಾಲೀಕ ಕಾರ್ಯಪ್ಪ ನೀಡಿದ ದೂರಿನ ಮೇರೆಗೆ ವಿಜಯನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ತನಿಖೆ ನಡೆಯುತ್ತಿದೆ.