ಆತಂಕದಲ್ಲೇ ವಿದ್ಯಾರ್ಥಿಗಳ ಓಡಾಟ

ಜೊಯಿಡಾ: ನಾಗೋಡಾ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ವಾಗೇಲಿಯಲ್ಲಿ ವಿದ್ಯುತ್ ಕಂಬಗಳು ಮುರಿದ ಪರಿಣಾಮ ಶಾಲೆಯ ಮುಂದಿನ ಆವರಣದಲ್ಲಿ ವಿದ್ಯುತ್ ತಂತಿ ಜೋತು ಬಿದ್ದಿವೆ. ಇದರಿಂದ ಶಾಲಾ ಮಕ್ಕಳು ಆತಂಕದಲ್ಲೇ ಓಡಾಡುವಂತಾಗಿದೆ.

ಕಳೆದ ವರ್ಷ ಭಾರಿ ಮಳೆಗೆ ಮರಗಳು ಬಿದ್ದ ಕಾರಣ ಇಲ್ಲಿನ ಟ್ರಾನ್ಸ್​ಫಾರ್ಮರ್ ಕಂಬಗಳು ಹಾಗೂ ಇತರೆ 5 ಕಂಬಗಳು ಮುರಿದಿವೆ. ಸ್ಥಳೀಯರೇ ಈ ವಿದ್ಯುತ್ ಕಂಬಗಳಿಗೆ ಮರದ ಎಳೆಗಳ ಆಸರೆ ನೀಡಿ ಬೀಳದಂತೆ ನಿಲ್ಲಿಸಿದ್ದಾರೆ. 7 ತಿಂಗಳಿಂದ ಇಲ್ಲಿನ ವಿದ್ಯುತ್ ಟ್ರಾನ್ಸ್​ಫಾರ್ಮರ್ ಹೊಂದಿರುವ ಕಂಬಗಳು ಮುರಿದು ಬೀಳುವ ಸ್ಥಿತಿಯಲ್ಲಿವೆ. ಶಾಲೆ ಮಕ್ಕಳು ಇಲ್ಲೇ ಓಡಾಡುವುದರಿಂದ ಯಾವಾಗ ಅನಾಹುತ ಸಂಭವಿಸುತ್ತದೋ ಎಂಬ ಆತಂಕ ಪಾಲಕರು ಹಾಗೂ ಶಿಕ್ಷಕರಿಗೆ ಕಾಡುತ್ತಿದೆ. ಕೂಡಲೆ ಇದನ್ನು ಸರಿಪಡಿಸಬೇಕು ಎಂದು ಸ್ಥಳೀಯರು ಆಗ್ರಹಿಸಿದ್ದಾರೆ.