ಅಪಾಯಕ್ಕೆ ಆಹ್ವಾನ ನೀಡುತ್ತಿರುವ ಪಾದಚಾರಿ ಮಾರ್ಗ

ಹಾನಗಲ್ಲ: ಹಾನಗಲ್ಲ-ತಡಸ್ ರಾಜ್ಯ ಹೆದ್ದಾರಿಯನ್ನು ಮೂರು ವರ್ಷಗಳ ಹಿಂದೆ ಡಿಆರ್​ಎನ್ ಕಂಪನಿ ನಿರ್ವಣಗೊಳಿಸಿತ್ತು. ರಸ್ತೆಯ ಎರಡೂ ಪಕ್ಕದಲ್ಲಿ ಗಟಾರಗಳನ್ನು ನಿರ್ವಿುಸಿ ಅದರ ಮೇಲೆ ಪುಟ್​ಪಾತ್ ನಿರ್ವಿುಸಲಾಗಿತ್ತು. ಆದರೆ, ಫುಟ್​ಪಾತ್ ಕುಸಿದು ಅಲ್ಲಲ್ಲಿ ತಗ್ಗು ಗುಂಡಿಗಳು ನಿರ್ವಣವಾಗಿದ್ದು, ಪಾದಚಾರಿಗಳು ಸಂಕಷ್ಟಪಡುವಂತಾಗಿದೆ.

ಇದೇ ಪುಟ್​ಪಾತ್ ಈ ಹಿಂದೆಯೂ ಒಮ್ಮೆ ಹೀಗೆ ಕುಸಿದಿದ್ದರಿಂದ ಲೋಕೋಪಯೋಗಿ ಇಲಾಖೆಯಿಂದ ದುರಸ್ತಿಗೊಳಿಸಲಾಗಿತ್ತು. ಒಂದೇ ವರ್ಷದ ಅವಧಿಯಲ್ಲಿ ಮತ್ತೆ ಕುಸಿತಗೊಂಡಿರುವುದು ಅವರ ಕಾಮಗಾರಿಯ ಗುಣಮಟ್ಟವನ್ನು ಪ್ರಶ್ನಿಸುವಂತಾಗಿದೆ. ಪುಟ್​ಪಾತ್​ಗೆ ಹಾಕಲಾಗಿರುವ ಪೇವರ್ಸ್​ಗಳು ಕುಸಿದು ಅಲ್ಲಲ್ಲಿ ತಗ್ಗು ಗುಂಡಿಗಳಾಗಿವೆ. ಗ್ರಾಮೀಣ ಪ್ರದೇಶಗಳಿಂದ ತಾಲೂಕು ಕೇಂದ್ರಕ್ಕೆ ಪ್ರತಿದಿನವೂ ಆಗಮಿಸುವ ಖಾಸಗಿ ವಾಹನಗಳು ಈ ರಸ್ತೆಯಲ್ಲಿ ನಿಲುಗಡೆಗೊಳ್ಳುತ್ತವೆ. ವಾಹನಗಳಿಂದ ಇಳಿದ ಗ್ರಾಮಸ್ಥರು ಪಾದಚಾರಿ ರಸ್ತೆಯ ಮೇಲೆ ತೆರಳುತ್ತಾರೆ. ಈ ವೇಳೆ ಮಹಿಳೆಯರು, ಮಕ್ಕಳು, ವೃದ್ಧರಾದಿಯಾಗಿ ಎಲ್ಲರೂ ಈ ತಗ್ಗುಗಳಲ್ಲಿ ಕಾಲು ಸಿಕ್ಕಿಹಾಕಿಸಿಕೊಳ್ಳುವಂತಾಗುತ್ತಿದೆ. ಕೆಳಗೆ ನೋಡದೆ ಚಲಿಸುವಾಗ ಕೆಲವರು ಗುಂಡಿಯಲ್ಲಿ ಕಾಲು ಇಟ್ಟು ಬಿದ್ದ ಘಟನೆಗಳೂ ನಡೆದಿವೆ. ಒಂದೆರಡು ಬದಿಗೆ ಕುಸಿತವಾಗಿಲ್ಲ, ಹತ್ತಾರು ಕಡೆಗಳಲ್ಲಾಗಿರುವ ಈ ಗುಂಡಿಗಳನ್ನು ಸರಿಪಡಿಸದೇ ಹೋದರೆ ಜನರು ಕಾಲು ಮುರಿದುಕೊಳ್ಳುವುದು ನಿಶ್ಚಿತ.

ಈ ಕುರಿತು ಈ ಪ್ರದೇಶದಲ್ಲಿನ ಹೋಟೆಲ್​ಗಳವರು, ವಾಣಿಜ್ಯ ಮಳಿಗೆಗಳವರು ಸೇರಿದಂತೆ ಸ್ಥಳೀಯ ಸಾರ್ವಜನಿಕರೂ ಲೋಕೋಪಯೋಗಿ ಇಲಾಖೆಯ ಅಧಿಕಾರಿಗಳಿಗೆ ಮನವಿ ಮಾಡಿದ್ದಾರೆ. ಆದರೆ, ಪ್ರಯೋಜನವಾಗುತ್ತಿಲ್ಲ. ಹೆದ್ದಾರಿ ಕಾಮಗಾರಿ ಮುಗಿದಿದ್ದು, ಸ್ಥಳೀಯ ಲೋಕೋಪಯೋಗಿ ಇಲಾಖೆಗೆ ಹಸ್ತಾಂತರಿಸಲಾಗಿದೆ. ಪಿಡಬ್ಲುಡಿ ಅಧಿಕಾರಿಗಳೇ ಈ ರಸ್ತೆಯನ್ನು ದುರಸ್ತಿ ಮಾಡಬೇಕಿದೆ. ಆದರೆ, ಕಾಮಗಾರಿ ಕೈಗೊಂಡ ಗುತ್ತಿಗೆದಾರರು ನಿರ್ವಹಣೆ ಜವಾಬ್ದಾರಿ ಮರೆತಿದ್ದಾರೆ. ಈ ಹಿನ್ನೆಲೆಯಲ್ಲಿ ಪಾದಚಾರಿಗಳು ಅಧಿಕಾರಿಗಳು ಮತ್ತು ಜನಪ್ರತಿನಿಧಿಗಳಿಗೆ ಪ್ರತಿದಿನ ಶಾಪ ಹಾಕುತ್ತ ಓಡಾಡುವಂತಾಗಿದೆ.