ಬೈಲಹೊಂಗಲ: ಪಟ್ಟಣದ ಸಂಗೊಳ್ಳಿ ರಾಯಣ್ಣ ವೃತ್ತದಿಂದ ಅಂಬೇಡ್ಕರ್ ಉದ್ಯಾನವರೆಗಿನ ಬಜಾರ್ ರಸ್ತೆ ಇಕ್ಕಟ್ಟಾಗಿ ಸಾರ್ವಜನಿಕರಿಗೆ ತೊಂದರೆಯಾಗುತ್ತಿರುವುದನ್ನು ಪುರಸಭೆ ಅ-ಧಿಕಾರಿಗಳು ಗಮನಿಸಿ ರಸ್ತೆ ಬದಿ ಅಂಗಡಿಗಳ ಮಾಲೀಕರು ಪುಟಪಾತ್, ಚರಂಡಿ ಮೀರಿ ಅತಿಕ್ರಮಣ ತೆರವುಗೊಳಿಸಲು ಮುಂದಾಗಿದ್ದಾರೆ.
ಪುರಸಭೆ ಮುಖ್ಯಾಧಿಕಾರಿ ವೀರೇಶ ಹಸಬಿ, ಇಂಜನಿಯರ್ ಗೌರಿಶಂಕರ, ಸ್ವಚ್ಛತಾ ವಿಭಾಗದ ಅಧಿಕಾರಿ ಸುರೇಶ ಪಾಟೀಲ ಮತ್ತು ಸಿಬ್ಬಂದಿ ಪೊಲೀಸ್ ಸಹಾಯದಿಂದ ಶನಿವಾರ ಬೆಳಗ್ಗೆ ರಸ್ತೆ ಅಗಲೀಕರಣ ಕಾರ್ಯಾಚರಣೆ ಕೆಗೊಂಡು ಸಂಗೊಳ್ಳಿ ರಾಯಣ್ಣ ವತ್ತದ ಅಂಗಡಿಗಳ ಅತಿಕ್ರಮಣ ತೆರವುಗೊಳಿಸಲು ಮುಂದಾಗುತ್ತಿದ್ದಂತೆ ಕೆಲ ಅಂಗಡಿಕಾರರು ಸ್ವಯಂಪ್ರೇರಣೆಯಿಂದ ತೆರವಿಗೆ ಮುಂದಾಗಿದ್ದಾರೆ. ಈಗಾಗಲೇ ಅವರಿಗೆ ನೋಟಿಸ್ ಸಹ ನೀಡಲಾಗಿತ್ತು ಎಂದು ಮುಖ್ಯಾಧಿಕಾರಿ ವೀರೇಶ ಹಸಬಿ ಹೇಳಿದರು.