ಬೆಳಗಾವಿ: ಯೋಗ ಮಾಡುವುದರಿಂದ ಮಾನಸಿಕ ಮತ್ತು ದೈಹಿಕ ಸಾಮರ್ಥ್ಯ ಹೆಚ್ಚಾಗುವುದರ ಜತೆಗೆ ಆತ್ಮವಿಶ್ವಾಸ ಹೆಚ್ಚಾಗುತ್ತದೆ ಎಂದು ಅಂತಾರಾಷ್ಟ್ರೀಯ ಯೋಗಪಟು ವಿನಾಯಕ ಕೊಣಗಿ ಹೇಳಿದರು.
ನಗರದ ಕೆಎಲ್ಎಸ್ ಸಂಸ್ಥೆಯ ಐಎಂಇಆರ್ ಆವರಣದಲ್ಲಿ ಅಂತಾರಾಷ್ಟ್ರೀಯ ಯೋಗದಿನದ ನಿಮಿತ್ತ ಬುಧವಾರ ಆಯೋಜಿಸಿದ್ದ ಯೋಗಾಸನ ಸ್ಪರ್ಧೆ ಕಾರ್ಯಕ್ರಮದಲ್ಲಿ ಮಾತನಾಡಿದರು. ಯೋಗಗುರು ಮುರಳೀಧರ ಪ್ರಭು ಮಾತನಾಡಿದರು. ಅತಿಥಿಯಾಗಿ ಕೆಎಸ್ಆರ್ಪಿ ಸಬ್ ಇನ್ಸ್ಪೆಕ್ಟರ್ ಹರೀಶ್ ಕೆ.ಎಲ್. ಯೋಗದ ಮಹತ್ವ ವಿವರಿಸಿದರು. ಯೋಗ ಸ್ಪರ್ಧೆಯು ಅಂತರ&ಶಾಲಾ (ಬಾಲಕರು ಮತ್ತು ಬಾಲಕಿಯರು), ಮುಕ್ತ ವಯಸ್ಸಿನ ವಿಭಾಗ (ಪುರುಷರು ಮತ್ತು ಮಹಿಳೆಯರು) ಮತ್ತು ಪೊಲೀಸ್ ಇಲಾಖೆ ಎಂಬ ಮೂರು ವಿಭಾಗದಲ್ಲಿ ಸ್ಪರ್ಧೆ ಆಯೋಜಿಸಲಾಯಿತು. ಆಡಳಿತ ಮಂಡಳಿ ಅಧ್ಯ ಆರ್.ಎಸ್. ಮುತಾಲಿಕ್ ಅಧ್ಯಕ್ಷತೆ ವಹಿಸಿದ್ದರು. ಕೆಎಲ್ಎಸ್ ಐಎಂಇಆರ್ ನಿರ್ದೇಶಕ ಡಾ. ಆರೀಫ್ ಶೇಖ್, ದೈಹಿಕ ಶಿಣ ನಿರ್ದೇಶಕ ಡಾ. ಜಾರ್ಜ್ ರೊಡ್ರಿಗಸ್, ಸುನೀಲ ಕುಲಕರ್ಣಿ ಇತರರಿದ್ದರು.