ಬೀದರ್: ತಾಲ್ಲೂಕಿನ ಬುಧೇರಾ ಗ್ರಾಮ ಪಂಚಾಯಿತಿ ಸದಸ್ಯೆ ಗುಂಡಮ್ಮ ಶ್ರೀನಿವಾಸ್ ಕೊಮಟಿ ವೈಯಕ್ತಿಕವಾಗಿ ವಿದ್ಯಾರ್ಥಿಗಳಿಗೆ ಪ್ರತಿಭಾ ಪುರಸ್ಕಾರ ಪ್ರದಾನ ಮಾಡುವ ಮೂಲಕ ಗಮನ ಸೆಳೆದಿದ್ದಾರೆ.
ಬುಧೇರಾ ಗ್ರಾಮದ ಸರ್ಕಾರಿ ಪ್ರೌಢಶಾಲೆಯಲ್ಲಿ ಗುರುವಾರ ನಡೆದ ಸ್ವಾತಂತ್ರ್ಯ ದಿನಾಚರಣೆ ಸಮಾರಂಭದಲ್ಲಿ ಪ್ರಸಕ್ತ ಸಾಲಿನ ಎಸ್.ಎಸ್.ಎಲ್.ಸಿ. ಹಾಗೂ ದ್ವಿತೀಯ ಪಿ.ಯು.ಸಿ. ಪರೀಕ್ಷೆಯಲ್ಲಿ ಸಾಧನೆಗೈದ 10 ವಿದ್ಯಾರ್ಥಿಗಳಿಗೆ ನಗದು ಬಹುಮಾನ, ಫಲಕ ಹಾಗೂ ಪ್ರಶಸ್ತಿ ಪತ್ರ ನೀಡಿ ಪ್ರೋತ್ಸಾಹಿಸಿದರು.
ಮುಖ್ಯಶಿಕ್ಷಕ ಬಸಪ್ಪ ನೇಳಗೆ, ಬಸಯ್ಯ ಸ್ವಾಮಿ, ಫಿರೋಜ್, ವಿಶ್ವನಾಥ ಪಾಟೀಲ, ಲಾಲಪ್ಪ, ಬಾಬು ಹತ್ತಿ, ಚಂದು ಭಂಡೆ, ನವೀನ್ ಬೋರಗಿ, ಖಾದರ್ ಪಾಶಾ ಇದ್ದರು.