ಕಾಲು ಹಾದಿಯಲ್ಲಿ ಹೆಜ್ಜೆ ಹಾಕಿದ ಶಾಸಕ MLA

ಗೋಕರ್ಣ: ಇಲ್ಲಿನ ಅಘನಾಶಿನಿ ನದಿ ಹಿನ್ನೀರಿನಲ್ಲಿರುವ ಮೀನುಗಾರರ ಗ್ರಾಮ ಹೊಸ್ಕಟ್ಟದಲ್ಲಿರುವ ಹಿರಿಯ ಪ್ರಾಥಮಿಕ ಶಾಲೆಗೆ ಹೋಗುವ ಅತ್ಯಂತ ಇಕ್ಕಟ್ಟಾದ ಅಪಾಯಕಾರಿ ಕಾಲುದಾರಿಯನ್ನು (MLA) ಶಾಸಕ ದಿನಕರ ಶೆಟ್ಟಿ ಸ್ವತಃ ನಡೆದು ಪರಿಶೀಲಿಸಿದರು.

ಕಳೆದ ವರ್ಷ ಮಳೆಗಾಲದಲ್ಲಿ ಉಂಟಾಗಿದ್ದ ಪ್ರವಾಹದ ವೇಳೆ ಬೃಹತ್ ಗುಡ್ಡ ಕುಸಿತ ಉಂಟಾದ ಅಪಾಯಕಾರಿ ಸ್ಥಳದ ಸನಿಹದಲ್ಲಿ ಈ ಶಾಲೆಯಿದೆ.

ಶಾಲೆಗೆ ಹೋಗಲು ಅತ್ಯಂತ ಇಕ್ಕಟ್ಟಾದ ಕಾಲುದಾರಿ ಗುಡ್ಡದ ಇಳಿಜಾರಿನಲ್ಲಿದ್ದು, ಭಾರೀ ಮಳೆ ಸುರಿದಾಗ ದೊಡ್ಡ ಪ್ರಮಾಣದಲ್ಲಿ ಪ್ರವಾಹದಂತೆ ಬರುವ ನೀರು ಈ ಕಾಲು ದಾರಿಯಲ್ಲೇ ಹರಿದು ಹೋಗುತ್ತದೆ.

ಕಾಲುದಾರಿ ಸಮಸ್ಯೆಯ ಬಗ್ಗೆ ಮಾತನಾಡಿದ ಶಾಸಕರು ಪುಟ್ಟ ಮಕ್ಕಳ ಸುರಕ್ಷತೆ ದೃಷ್ಟಿಯಿಂದ ಕಾಲುದಾರಿಯನ್ನು ವಿಸ್ತರಿಸಿ ಸರಾಗ ಸಂಚಾರಕ್ಕೆ ಯೋಗ್ಯವಾಗು ವಂತೆ ಅಭಿವೃದ್ಧಿ ಮಾಡುವ ತುರ್ತು ಅಗತ್ಯವಿದೆ.

ಗ್ರಾಪಂ ಸದಸ್ಯ ಮಹೇಶ ಎನ್. ನಾಯಕ, ತದಡಿ ಮೀನುಗಾರರ ಸಹಕಾರಿ ಸಂಘದ ನಿರ್ದೇಶಕ ಶಿವಾನಂದ ಹೊಸ್ಕಟ್ಟ, ಗ್ರಾಮದ ಪ್ರಮೋದ ಹೊಸ್ಕಟ್ಟ, ನಾಗರಾಜ ಹೊಸ್ಕಟ್ಟ, ಭಾಸ್ಕರ ಹೊಸ್ಕಟ್ಟ ಮತ್ತಿತರರಿದ್ದರು.