ಮಾಸ್ತಿ: ಮಾಲೂರು ತಾಲೂಕು ಕರಿಸಂದ್ರ ಗ್ರಾಮದಲ್ಲಿ ಹೈಮಾಸ್ಟ್ ವಿದ್ಯುತ್ ದೀಪ ಅಳವಡಿಕೆ ವಿಚಾರದಲ್ಲಿ ಆರಂಭವಾದ ಎರಡು ಕುಟುಂಬಗಳ ನಡುವಿನ ಗಲಾಟೆಯಲ್ಲಿ ಗ್ಯಾರಂಟಿ ಫಲಾನುಭವಿ ಸಮಿತಿ ಸದಸ್ಯ, ಯುವ ಕಾಂಗ್ರೆಸ್ ತಾಲೂಕು ಟಕದ ಉಪಾಧ್ಯಕ್ಷ ಪ್ರವಿಣ್ ಕುಮಾರ್ ಹಾಗೂ ಕುಟುಂಬದ ನಾಲ್ವರು ತೀವ್ರ ಗಾಯಗೊಂಡು ಆಸ್ವತ್ರೆಗೆ ದಾಖಲಾಗಿದ್ದಾರೆ.
ಪ್ರವಿಣ್ ಕುಮಾರ್, ಆತನ ತಂದೆ ವೆಂಕಟಸ್ವಾಮಿ, ಸಹೋದರರಾದ ಪ್ರಸನ್ನ ಕುಮಾರ, ಲಕ್ಷಿ$್ಮನಾರಾಯಣ, ರೇಣುಕಮ್ಮ ಗಾಯಗೊಂಡವರು. ಪಿಕಾರ್ಡ್ ಬ್ಯಾಂಕ್ ಮಾಜಿ ಉಪಾಧ್ಯಕ್ಷ ಮಂಜುನಾಥ, ಆತನ ಸಹೋದರ ಮುನಿರಾಜು, ಆನಂದ, ಮಧುಚಂದ್ರ, ಮಂಜುನಾಥ ಸೇರಿ ಇನ್ನಿತರರು ಹಲ್ಲೆ ಮಾಡಿದವರು ಎನ್ನಲಾಗಿದೆ.
ಮಂಜುನಾಥ ಅವರು ಮನೆ ಸಮೀಪ ಹೈಮಾಸ್ಟ್ ವಿದ್ಯುತ್ ದೀಪ ಅಳವಡಿಸುವಂತೆ ಒತ್ತಾಯಿಸಿದ್ದಾರೆೆ. ಆದರೆ, ಗ್ರಾಮಸ್ಥರ ಅಭಿಪ್ರಾಯದ ಮೇರೆಗೆ ಗ್ರಾಮದ ಮಧ್ಯದಲ್ಲಿ ಅಳವಡಿಸಲು, ಇಲ್ಲವೇ ಶಾಲೆಯ ಸಮೀಪ ಅಳವಡಿಸುವಂತೆ ಪ್ರವಿಣ್ ಕುಮಾರ್ ಹೇಳಿದ್ದೇ ಕಲಹಕ್ಕೆ ಕಾರಣವಾಗಿದೆ. ಮಾಸ್ತಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.