ಆಸ್ಟ್ರೋಗೆ ಎಫ್​ಐಎಪಿಯಿಂದ ಅಸೋಸಿಯೇಟ್​ ಗೌರವ

ಉಡುಪಿ: ಹಿರಿಯ ಛಾಯಾಪತ್ರಕರ್ತ ಉಡುಪಿಯ ಆಸ್ಟ್ರೋ ಮೋಹನ್​ ಅವರಿಗೆ ಅಂತಾರಾಷ್ಟ್ರೀಯ ಛಾಯಾಚಿತ್ರ ಕಲೆಗಳ ಉನ್ನತ ಸಂಸ್ಥೆಯಾದ ಎಫ್​ಐಎಪಿ ವತಿಯಿಂದ ಅಸೋಸಿಯೇಟ್​ ಗೌರವಕ್ಕೆ ಭಾಜನರಾಗಿದ್ದಾರೆ. 

ಎಫ್​ಐಎಪಿ ಗೌರವ ಕ್ರಮದಲ್ಲಿ ಇದು ಪ್ರಾಥಮಿಕ ಹಂತದ ಮಾನ್ಯತೆಯಾಗಿದೆ. ಆದರೂ ಕರ್ನಾಟಕದ ಸಕ್ರಿಯ ಛಾಯಾಚಿತ್ರ ಪತ್ರಕರ್ತರುಗಳಲ್ಲಿ ಈ ಅಂತಾರಾಷ್ಟ್ರೀಯ ಗೌರವ ಪಡೆದವರು ಅತಿ ವಿರಳ. 

ಮೂರು ದಶಕಗಳಿಗೂ ಅಧಿಕ ವೃತ್ತಿಪರ ಅನುಭವ ಹೊಂದಿರುವ ಆಸ್ಟ್ರೋ ಮೋಹನ್​ ಅವರು ನಾಡಿನ ಸಂಸ್ಕೃತಿ, ಪರಂಪರೆ, ಧಾರ್ಮಿಕ ಆಚರಣೆ ಹಾಗೂ ಜನಜೀವನವನ್ನು ತಮ್ಮ ಛಾಯಾಚಿತ್ರಗಳ ಮೂಲಕವೇ ಆಳವಾಗಿ ದಾಖಲಿಸುವ ಮೂಲಕವೇ ಗುರುತಿಸಿಕೊಂಡಿದ್ದಾರೆ. 

ಅವರ ನೂರಾರು ಛಾಯಾಕೃತಿಗಳು ಅನೇಕ ರಾಷ್ಟ್ರೀಯ ಹಾಗೂ ಅಂತಾರಾಷ್ಟ್ರೀಯ ಮಟ್ಟದ ಪ್ರದರ್ಶನಗಳಲ್ಲಿ ಮಾನ್ಯತೆ ಪಡೆದಿರುವುದು ವಿಶೇಷ.