ನಡುಗಲ್ಲಿನಲ್ಲಿ ರಸ್ತೆಗೆ ಮರ ಬಿದ್ದು ಸಂಚಾರ ತಡೆ

ಸುಬ್ರಹ್ಮಣ್ಯ

: ನಡುಗಲ್ಲು ಪರಿಸರದಲ್ಲಿ ಗುರುವಾರ ಬೆಳಗ್ಗಿನಿಂದ ಭಾರಿ ಗಾಳಿ-ಮಳೆ ಸುರಿದಿದ್ದು ಹರಿಹರ ಪಲ್ಲತ್ತಡ್ಕ-ನಡುಗಲ್ಲು ರಸ್ತೆಯ ಕೊರಂಬಠ ಎಂಬಲ್ಲಿ ರಸ್ತೆಗೆ ಮರಬಿದ್ದು ಸಂಚಾರಕ್ಕೆ ಅಡಚಣೆಯುಂಟಾಯಿತು.

ಇದರಿಂದಾಗಿ ಹರಿಹರ-ಪಲ್ಲತ್ತಡ್ಕ-ನಡುಗಲ್ಲು ಸಂಚಾರ ಬಂದ್ ಆಗಿ ವಾಹನಗಳು ಸಾಲುಗಟ್ಟಿ ನಿಂತಿದ್ದವು. ಬಳಿಕ ಸ್ಥಳೀಯರು ಮರ ತೆರವುಗೊಳಿಸಿ ಸಂಚಾರ ಸುಗಮಗೊಳಿಸಿದರು. ಭಾರಿ ಮಳೆಗೆ ಕೊರಂಬಠದಲ್ಲಿ ಗುಡ್ಡ ಕುಸಿದಿದೆ. ಮಣ್ಣು ಕುಸಿತದಿಂದಾಗಿ ಮರವು ರಸ್ತೆಗೆ ಉರುಳಿ ಬಿತ್ತು.