ಉಡುಪಿ ಜಿಲ್ಲಾ ಪೊಲೀಸ್​ ಇಲಾಖೆಗೆ ಎಲ್​ಐಸಿ ಉಡುಪಿ ವಿಭಾಗದದಿಂದ ಕೊಡುಗೆಯಾಗಿ ನೀಡಿದ ಬ್ಯಾರಿಕೇಡ್​ಗಳನ್ನು ಗಣಪತಿ ಭಟ್​ ಹಸ್ತಾಂತರಿಸಿದರು. ಹರಿರಾಮ ಶಂಕರ, ಗುರುರಾಜ ರಾವ್​, ದುರ್ಗಾರಾಮ ಶೆಣೈ, ಸುಧಾಕರ ನಾಯಕ ಹಾಗೂ ಸಿಬ್ಬಂದಿ ಇದ್ದರು. 
ಉಡುಪಿ

ಸಾಮಾಜಿಕ ಸುರಕ್ಷತೆಯಲ್ಲಿ ಪೊಲೀಸರ ಪಾತ್ರ ಅನನ್ಯ

* ವಿಭಾಗೀಯ ಪ್ರಬಂಧಕ ಗಣಪತಿ ಭಟ್​ ಅಭಿಪ್ರಾಯ

* ಎಲ್​ಐಸಿ ಉಡುಪಿಯಿಂದ ಬ್ಯಾರಿಕೇಡ್​ ಕೊಡುಗೆ

ಉಡುಪಿ: ಸಾಮಾಜಿಕ ಸುರಕ್ಷತೆ, ಸಾರ್ವಜನಿಕರ ರಕ್ಷಣೆ, ಸುಗಮ ಸಂಚಾರ ವ್ಯವಸ್ಥೆ ಕಲ್ಪಿಸುವುದು ಹಾಗೂ ಕಾನೂನು ಮತ್ತು ಸುವ್ಯವಸ್ಥೆ ನಿರ್ವಹಿಸುವಲ್ಲಿ ಪೊಲೀಸ್​ ಇಲಾಖೆಯ ಪಾತ್ರ ಅನನ್ಯ. ಅವರ ಕಾರ್ಯಗಳಿಗೆ ಸಾಮಾಜಿಕ ಜವಾಬ್ದಾರಿಯ ಆಶಯದೊಂದಿಗೆ ಎಲ್​ಐಸಿಯಿಂದಲೂ ಸಣ್ಣ ಸಹಕಾರದೊಂದಿಗೆ ಕೈಜೋಡಿಸುತ್ತಿದ್ದೇವೆ ಎಂದು ಎಲ್​ಐಸಿ ಉಡುಪಿ ವಿಭಾಗದ ಹಿರಿಯ ವಿಭಾಗೀಯ ಪ್ರಬಂಧಕ ಗಣಪತಿ ಭಟ್​ ತಿಳಿಸಿದರು.

ಸಾರ್ವಜನಿಕ ಸುರಕ್ಷತೆಯ ಕ್ರಮಕ್ಕಾಗಿ ಭಾರತೀಯ ಜೀವ ವಿಮಾ ನಿಗಮ (ಎಲ್​ಐಸಿ)ದ ಉಡುಪಿ ವಿಭಾಗದ ವತಿಯಿಂದ ಕೊಡುಗೆಯಾಗಿ ನೀಡಿದ ಬ್ಯಾರಿಕೇಡ್​ಗಳನ್ನು ಜಿಲ್ಲಾ ಪೊಲೀಸ್​ ಇಲಾಖೆಗೆ ಹಸ್ತಾಂತರಿಸಿ ಮಾತನಾಡಿದರು.

ಜಿಲ್ಲಾ ಪೊಲೀಸ್​ ವರಿಷ್ಠ ಹರಿರಾಮ ಶಂಕರ ಮಾತನಾಡಿ, ಸಮಾಜದ ಹಿತದೃಷ್ಟಿಯಿಂದ ಹಾಗೂ ಸಾರ್ವಜನಿಕರ ಸುರಕ್ಷತೆಗಾಗಿ ಎಲ್​ಐಸಿ ಕೈಗೊಂಡಿರುವ ಈ ಉಪಕ್ರಮವು ಸಂಸ್ಥೆಯ ಸಾಮಾಜಿಕ ಬದ್ಧತೆ ಮತ್ತು ಸಮಾಜಮುಖಿ ಕಾಳಜಿಗೆ ಸಾಕ್ಷಿಯಾಗಿದೆ ಎಂದರು.

ಈ ಸಂದರ್ಭದಲ್ಲಿ ಎಲ್​ಐಸಿಯ ಮಾರುಕಟ್ಟೆ ಪ್ರಬಂಧಕ ಗುರುರಾಜ ರಾವ್​, ವಿಕ್ರಯ ಪ್ರಬಂಧಕ ದುರ್ಗಾರಾಮ ಶೆಣೈ, ಹೆಚ್ಚುವರಿ ಪೊಲೀಸ್​ ವರಿಷ್ಠ ಸುಧಾಕರ ನಾಯಕ ಹಾಗೂ ಎಲ್​ಐಸಿ ಸಿಬ್ಬಂದಿ ಉಪಸ್ಥಿತರಿದ್ದರು.