ಉಡುಪಿ: ಪ್ರಕೃತಿ ರಮಣೀಯ ತಾಣ, ಹೃನ್ಮನ ಸೆಳೆಯುವ ಕಡಲ ತೀರದ ಪ್ರಕೃತಿಯ ಮಡಿಲಲ್ಲಿ ಶ್ಯಾಮಿಲಿ ಸಮೂಹ ಸಂಸ್ಥೆಯ ಸಹಸಂಸ್ಥೆ 'ಮ್ಯಾಜಿಕಲ್​ ಶೋರ್ಸ್​' ಶೀಘ್ರವೇ ಉದ್ಘಾಟನೆಗೊಳ್ಳಲಿದೆ.

ಕಾಪು ತಾಲೂಕಿನ ರಾಷ್ಟ್ರೀಯ ಹೆದ್ದಾರಿಯಿಂದ ಅನತಿ ದೂರದಲ್ಲಿರುವ ಎರ್ಮಾಳು ಬಡಾ ಮೀನುಗಾರಿಕಾ ರಸ್ತೆ ಮಾರ್ಗದಲ್ಲಿ 'ಮ್ಯಾಜಿಕಲ್​ ಶೋರ್ಸ್​' ಗಮನ ಸೆಳೆಯಲಿದೆ. 3 ಎಕರೆ ವಿಶಾಲ ಜಾಗದಲ್ಲಿ ಅತ್ಯಾಧುನಿಕ ಶೈಲಿಯಲ್ಲಿ ಸುಸಜ್ಜಿತ ಹವಾನಿಯಂತ್ರಿತ ಕಟ್ಟಡ ಸೇವೆಗೆ ಅಣಿಯಾಗಿದೆ.

ಮ್ಯಾಜಿಕಲ್​ ಶೋರ್ಸ್​ನಲ್ಲಿ ಗ್ರಾಹಕರಿಗೆ ಅತ್ಯಾಧುನಿಕ ಸೌಲಭ್ಯ ಲಭ್ಯವಾಗಬೇಕೆನ್ನುವ ನಾಡೋಜ ಡಾ. ಜಿ.ಶಂಕರ್​ ಅವರ ಕನಸಿನ ಯೋಜನೆಯಂತೆಯೇ ನಿರ್ಮಿಸಲಾಗಿದೆ. ವಿಶಾಲವಾದ  ಭೂ ಪ್ರದೇಶದಲ್ಲಿ 24 ಎಸಿ ಡಿಲೆಕ್ಸ್​ ರೂಮ್​, ಸೂಟ್​ ರೂಮ್​ ಮತ್ತು ಪ್ರೆಸಿಡೆನ್ಯಿಯಲ್​ ರೂಮ್​, ಕಾನ್ಫರೆನ್ಸ್​ ರೂಮ್​ ಒಳಗೊಂಡಿದೆ. 'ರಾಯಲ್​ ಲುಕ್​'ನಲ್ಲಿ ಮ್ಯಾಜಿಕಲ್​ ಶೋರ್ಸ್​ ಗಮನ ಸೆಳೆಯಲಿದೆ.

250ರಿಂದ 300ಕ್ಕೂ ಅಧಿಕ ಕಾರುಗಳನ್ನು ಪಾರ್ಕಿಂಗ್​ ಮಾಡುವುದಕ್ಕೆ ಬೇಕಾದ ವಿಶಾಲ ಪಾರ್ಕಿಂಗ್​ ಏರಿಯಾ, ಮಕ್ಕಳ ಆಟದ ಮೈದಾನ, ಸ್ವಿಮ್ಮಿಂಗ್​ ಪೂಲ್​, ಜಿಮ್​ ಒಳಗೊಂಡಿದೆ. ಸಭೆ, ಸಮಾರಂಭ, ಕಾರ್ಪೋರೇಟ್​ ವಲಯದ ಮೀಟಿಂಗ್​, ಪಾರ್ಟಿಗೆ ಅನುಕೂಲವಾಗುವಂತೆ ಹಾಗೂ ಕಾನ್ಫರೆನ್ಸ್​ ರೂಮ್​, ಸೂಟ್​ ರೂಮ್​ ಒಳಗೊಂಡಿರುವ ರೀತಿಯಲ್ಲಿ ಕಾರ್ಯರೂಪಕ್ಕೆ ತರಲಾಗಿದೆ.