ಸನಾತನ ಧರ್ಮ ರಕ್ಷಣೆ ಅಗತ್ಯ

ಸಭಾ ಕಾರ್ಯಕ್ರಮದಲ್ಲಿ ಮೂಡಬಿದಿರೆ ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನದ ಅಧ್ಯಕ್ಷ ಡಾ.ಎಂ.ಮೋಹನ್ ಆಳ್ವ ಮಾತನಾಡಿ, ನಮ್ಮದು ಬಹಳ ಪುರಾತನ ಸಂಸ್ಕೃತಿ ಹೊಂದಿದ ದೇಶ. ನಾಗರೀಕತೆ ಬಂದು 5 ಸಾವಿರ ವರ್ಷಗಳ ಇತಿಹಾಸ ಹೊಂದಿದೆ. ನಾವೆಲ್ಲರೂ ಧರ್ಮವನ್ನು ಕಾಪಾಡಿಕೊಂಡು ಹೋಗಬೇಕು. ಇಲ್ಲಿ 8 ಮಾಗಣೆಯ 4 ಸಾವಿರ ಕುಟುಂಬದವರು ಸೇರಿ ದೇವಸ್ಥಾನ ಕಟ್ಟಿ ಬೆಳೆಸಿದ್ದಾರೆ. ನಮ್ಮ ಜೀವನದೊಂದಿಗೆ ಧರ್ಮ ರಕ್ಷಣೆ ಮಾಡುವ ಕೆಲಸ ಮಾಡಬೇಕು. ಈ ಊರಿನಲ್ಲಿ ಶಾಲೆ ಆರಂಭವಾಗಬೇಕೆಂಬ ಕನಸಿದ್ದು, ಸಂಪೂರ್ಣ ಸಹಕಾರ ನೀಡುವುದಾಗಿ ಹೇಳಿದರು.

ಧರ್ಮಸ್ಥಳದ ಹರ್ಷೆಂದ್ರ ಕುಮಾರ್ ಭೇಟಿ ನೀಡಿದರು. ದೇವಳ ಆನುವಂಶಿಕ ಆಡಳಿತ ಮೊಕ್ತೇಸರ ಡಾ.ಎಂ.ಹಷರ್ ಸಂಪಿಗೆತ್ತಾಯ, ಮಾಧವ ಜೋಗಿತ್ತಾಯ, ಅನಂತಾರಾಮ್ ಜೋಗಿತ್ತಾಯ, ಹೊರೆಕಾಣಿಕೆ ಸಂಚಾಲಕ ಚಂದ್ರಕಾಂತ, ಸುವರ್ಣ ಸಾಂಸ್ಕೃತಿಕ ಪ್ರತಿಷ್ಠಾನ ಸಂಚಾಲಕ ಸಂಪತ್ ಸುವರ್ಣ, ವಕೀಲ ರತ್ನವರ್ಮ ಬುಣ್ಣು, ಅಶೋಕ್ ಕುಮಾರ್ ಸಿ.ಎ., ತುಳಸಿದಾಸ್ ಪೈ, ಪ್ರಶಾಂತ್ ಶೆಟ್ಟಿ, ಸುಧೀರ್ ಕುಮಾರ್ ಶೆಟ್ಟಿ, ಸುಬ್ರಮಣ್ಯ ಎಸ್., ಡಾ.ಕೆ.ಎಂ.ಶೆಟ್ಟಿ, ಶ್ಯಾಮ್ ಪ್ರಸಾದ್ ಸಂಪಿಗೆತ್ತಾಯ, ಯತೀಶ್ ರೈ, ಹೊನ್ನಪ್ಪ ಕುಲಾಲ್, ಬೂಬ ಮೇಸತ್ರಿ, ಅವಿನಾಶ್ ಕುಲಾಲ್, ಹರ್ಷನಾರಾಯಣ ಶೆಟ್ಟಿ, ಬದರಿನಾಥ್ ಸಂಪಿಗೆತ್ತಾಯ, ಪ್ರಮೋದ್ ಕುಮಾರ್, ನಾರಾಯಣ ಪೂಜಾರಿ, ವ್ಯವಸ್ಥಾಪಕ ಬಾಲಕೃಷ್ಣ, ರವಿಚಂದ್ರ ಕುಲಾಲ್, ವಿಶು ಕುಮಾರ್, ಅಶೋಕ್ ಗುಂಡಿಯಲ್ಕೆ ಉಪಸ್ಥಿತರಿದ್ದರು.

ಉಡುಪಿ ಎಸ್.ಎಂ.ಎಸ್.ಪಿ. ಸಂಸ್ಕೃತ ಕಾಲೇಜು ಪ್ರಾಧ್ಯಾಪಕರು, ದೇರೆಬೈಲು ಡಾ.ಶಿವಪ್ರಸಾದ ತಂತ್ರಿಗಳು ಹಾಗೂ ಶ್ರೀ ಕ್ಷೇತ್ರದ ತಂತ್ರಿಗಳನ್ನು ಸನ್ಮಾನಿಸಲಾಯಿತು. ತುಳಸಿದಾಸ್ ಪೈ ನಿರೂಪಿಸಿದರು. ಬ್ರಹ್ಮಕಲಶ ಅಧ್ಯಕ್ಷ ವಸಂತ ಮರಕಡ ವಂದಿಸಿದರು.

ದ್ವಾದಶನಾರಿಕೇಲ ಮಂಗಳ ಗಣಪತಿಯಾಗ, ಪಂಚವಿಂಶತಿ ಸಂಪ್ರೋಕ್ಷಣಾ ಕಲಶಾಭಿಷೇಕ, ಮಹಾಪೂಜೆ, ಮಹಾಮಂತ್ರಾಕ್ಷತೆ, ಪ್ರಸಾದ ವಿತರಣೆ, ರಾತ್ರಿ ರಂಗ ಪೂಜೆಯೊಂದಿಗೆ ಬ್ರಹ್ಮಕಲಶಕ್ಕೆ ತೆರೆ ಬಿತ್ತು. ರಾತ್ರಿ ಮಂಜೇಶ್ವರ ಶಾರದಾ ಆರ್ಟ್ಸ್ ತಂಡದ ಐಸಿರಿ ಕಲಾವಿದರಿಂದ ತುಳು ಸಾಮಾಜಿಕ ನಾಟಕ ಜೈ ಭಜರಂಗ ಬಲಿ ಪ್ರದರ್ಶನಗೊಂಡಿತು.