ಕಾಸರಗೋಡು: ಎಣ್ಮಕಜೆ ಪಂಚಾಯಿತಿ ಪೆರ್ಲದಿಂದ ಪೂವನಡ್ಕಕ್ಕೆ ತೆರಳುವ ಲೋಕೋಪಯೋಗಿ ಇಲಾಖೆ ಅಧೀನದಲ್ಲಿರುವ ರಸ್ತೆ ಪೆರ್ಲ ಸಮೀಪದ ಶ್ರೀ ಅಯ್ಯಪ್ಪ ಮಂದಿರ ಪರಿಸರದಲ್ಲಿ ಕುಸಿದಿದ್ದು ಅಪಾಯದಲ್ಲಿದೆ.
ಜಲಪ್ರಾಧಿಕಾರ ಕುಡಿಯುವ ನೀರು ಪೂರೈಕೆಗೆ ಅಳವಡಿಸಿರುವ ಪೈಪ್ ಒಡೆದು ಭಾರಿ ಪ್ರಮಾಣದಲ್ಲಿ ನೀರು ಹೊರಬಂದಿರುವುದರಿಂದ ರಸ್ತೆ ಕುಸಿದಿದೆ ಎಂದು ಸ್ಥಳೀಯರು ತಿಳಿಸಿದ್ದಾರೆ. ನೀರು ಪೂರೈಕೆಗೆ ಕಳಪೆ ಪೈಪ್ಗಳನ್ನು ಅಳವಡಿಸಿರುವುದರಿಂದ ಅಲ್ಲಲ್ಲಿ ಒಡೆದು ನೀರು ಪೋಲಾಗುವುದರ ಜತೆಗೆ ರಸ್ತೆಗೂ ಹಾನಿಯುಂಟಾಗುತ್ತಿದೆ.
ಜಲಪ್ರಾಧಿಕಾರ ಅಳವಡಿಸಿರುವ ಪೈಪ್ಒಡೆದಿರುವುದು ರಸ್ತೆ ಕುಸಿಯಲು ಕಾರಣವಾಗಿದೆ. ಈ ಬಗ್ಗೆ ಜಲಪ್ರಾಧಿಕಾರಕ್ಕೆ ಮಾಹಿತಿ ನೀಡಲಾಗಿದ್ದು, ಇಲಾಖೆ ನಡುವಿನ ಒಪ್ಪಂದ ಪ್ರಕಾರ ಪ್ರಾಧಿಕಾರ ರಸ್ತೆ ದುರಸ್ತಿ ನಡೆಸಿಕೊಡಬೇಕಾಗಿದೆ. ಈ ಬಗ್ಗೆ ಲೋಕೋಪಯೋಗಿ ಇಲಾಖೆ ಒತ್ತಡ ಹೇರುತ್ತಿದ್ದು, ಶೀಘ್ರ ದುರಸ್ತಿ ನಡೆಸಿಕೊಡುವುದಾಗಿ ಜಲಪ್ರಾಧಿಕಾರ ಅಧಿಕಾರಿಗಳು ಭರವಸೆ ನೀಡಿದ್ದಾರೆ.
— ಭರತನ್ ಆರ್., ಪ್ರಭಾರ ಸಹಾಯಕ ಅಭಿಯಂತ, ಲೋಕೋಪಯೋಗಿ ಇಲಾಖೆ, ಬದಿಯಡ್ಕ