ಪಾರ್ಶ್ವವಾಯು ಪೀಡಿತರಿಗೆ 'ಫಿಸಿಯೋಥೆರಪಿ' ಚಿಕ್ಸಿತೆ ಅಗತ್ಯ

ಉಡುಪಿ: ಸರ್ಕಾರದ ಕಭೀ ಕಾರ್ಯಕ್ರಮದಡಿ ರೋಗಿಗಳಿಗೆ 'ಫಿಜಿಯೋಥೆರಪಿ' ಚಿಕ್ಸಿತೆ ಬಹಳ ಮುಖ್ಯವಾಗಿದೆ. ಈ ಕೆಲಸವು ಜಿಲ್ಲಾಸ್ಪತ್ರೆಯಲ್ಲಿರುವ ಬ್ರೈನ್​ ಹೆಲ್ತ್​ ಕ್ಲಿನಿಕ್​ನಲ್ಲಿ ಗುಣಮಟ್ಟದಲ್ಲಿ ನಡೆಯುತ್ತಿದೆ. ಜಿಲ್ಲೆಯಲ್ಲಿರುವ ಇಂತಹ ರೋಗಿಗಳು ಉಪಯೋಗ ಮಾಡಿಕೊಳ್ಳಬೇಕು. ಅದಕ್ಕೆ ಪೂರಕವಾಗಿ ಉಜ್ಜೀವನ್​ ಸ್ಮಾಲ್​ ಸ್ಕೇಲ್​ ಫೈನಾನ್ಸ್​ ಬ್ಯಾಂಕ್​ನವರು ನೀಡಿರುವ ಕಿಟ್​ ಇನ್ನಷ್ಟು ಸಹಾಯಕ ಆಗಲಿದೆ ಎಂದು ಜಿಲ್ಲಾ ಸರ್ಕಾರಿ ಆಸ್ಪತ್ರೆಯ ಜಿಲ್ಲಾ ಶಸ್ತ್ರಚಿಕಿತ್ಸಕ ಡಾ. ಎಚ್​. ಅಶೋಕ್​ ತಿಳಿಸಿದರು.

ಉಡುಪಿ ಜಿಲ್ಲಾ ಸರ್ಕಾರಿ ಆಸ್ಪತ್ರೆಯ ಬ್ರೈನ್​ ಹೆಲ್ತ್​ ಕ್ಲಿನಿಕ್​ನ ಫಿಸಿಯೋಥೆರಪಿ ವಿಭಾಗದಲ್ಲಿ ಜಿಲ್ಲಾಡಳಿತ, ಜಿಪಂ, ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ, ಕರ್ನಾಟಕ ಮಿದುಳು ಆರೋಗ್ಯ ಉಪಕ್ರಮ (ಕಭೀ), ಉಜ್ಜೀವನ್​ ಸ್ಮಾಲ್​ ಸ್ಕೇಲ್​ ಫೈನಾನ್ಸ್​ ಬ್ಯಾಂಕ್​ ಇವರ ಸಹಭಾಗಿತ್ವದಲ್ಲಿ ಶನಿವಾರ (ಜು.18) ಆಯೋಜಿಸಿದ್ದ ಫಿಸಿಯೋಥೆರಪಿ ಕಿಟ್​ ಉದ್ಘಾಟನೆ ಹಾಗೂ ಅನುಷ್ಠಾನ ಕಾರ್ಯಕ್ರಮದಲ್ಲಿ ಮಾತನಾಡಿದರು.

ಉಜ್ಜೀವನ್​ ಸ್ಮಾಲ್​ ಸ್ಕೇಲ್​ ಫೈನಾನ್ಸ್​ ಬ್ಯಾಂಕ್​ನ ಉಡುಪಿ ಪ್ರದೇಶ ವ್ಯವಸ್ಥಾಪಕ ಮುರಳಿ ರೈ ಅವರು ಕಿಟ್​ ಹಸ್ತಾಂತರಿಸಿದರು. ಶಾಖಾ ವ್ಯವಸ್ಥಾಪಕ ಗಣೇಶ್​ ರಾವ್​ ಉಪಸ್ಥತರಿದ್ದರು. 

ಕಭೀ ಕಾರ್ಯಕ್ರಮದ ಜಿಲ್ಲಾ ಸಂಯೋಜಕಿ ಅರ್ಪಿತಾ ಕಾರ್ಯಕ್ರಮ ನಿರ್ವಹಿಸಿದರು.

"

ಕಭೀ ಕಾರ್ಯಕ್ರಮದಡಿ ನರವೈಜ್ಞಾನಿಕ ಕಾಯಿಲೆಗಳಾದ ತಲೆನೋವು. ಪಾರ್ಶ್ವವಾಯು, ಅಪಸ್ಮಾರ ಹಾಗೂ ಡಿಮೆನ್ಶಿಯಾದಂತಹ ರೋಗಗಳಿಗೆ ಚಿಕಿತ್ಸೆ ನೀಡಲಾಗುತ್ತದೆ. ಇಂತಹ ರೋಗಿಗಳಿಗೆ ಬೆಂಗಳೂರಿನ ನಿಮ್ಹಾನ್ಸ್​ನಿಂದ ಟೆಲಿ ನ್ಯೂರೋಲಾಜಿ ಸೇವೆ ಒದಗಿಸಲಾಗುತ್ತದೆ. ಉಡುಪಿ ಜಿಲ್ಲೆಯ ಕಭೀ ತಂಡ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತಿದೆ.

— ಡಾ. ಲತಾ ನಾಯಕ್​. ಕಭೀ ಕಾರ್ಯಕ್ರಮದ ನೋಡಲ್​ ಅಧಿಕಾರಿ.