12ರಂದು ಪಡುಕುತ್ಯಾರಲ್ಲಿ ರಾಷ್ಟ್ರೀಯ ಪ್ರಶಸ್ತಿ ಪ್ರದಾನ

ಆನೆಗುಂದಿ ಮಹಾಸಂಸ್ಥಾನದ ಶ್ರೀ ಕಾಳಹಸ್ತೇಂದ್ರ ಸರಸ್ವತಿ ಮಹಾಸ್ವಾಮೀಜಿ 16ನೇ ವರ್ಷದ ಪಟ್ಟಾಭಿಷೇಕ ಮಹೋತ್ಸವದ ವರ್ಧಂತ್ಯುತ್ಸವ ಅಂಗವಾಗಿ ಮೇ 12ರಂದು ಪಡುಕುತ್ಯಾರಿನ ಮಹಾಸಂಸ್ಥಾನದಲ್ಲಿ ನಡೆಯಲಿರುವ ಕಾರ್ಯಕ್ರಮದಲ್ಲಿ ಸಾಧಕರಿಗೆ ರಾಷ್ಟ್ರೀಯ ಪ್ರಶಸ್ತಿ ಸಹಿತ ಆನೆಗುಂದಿ ಶ್ರೀ ಪ್ರಶಸ್ತಿ ಪ್ರದಾನ ಮಾಡಲಾಗುವುದು.

ಮಹಾಸಂಸ್ಥಾನದ ವತಿಯಿಂದ ವಿವಿಧ ಕ್ಷೇತ್ರಗಳಲ್ಲಿ ಸಾಧನೆಗೈದ ನಾಗಭೂಷಣ ಆಚಾರ್ಯ ತುಮಕೂರು(ಶಿಲ್ಪ), ಸಿ.ವಿ.ಪೊದುವಾಳ್​ ಮಂಗಳೂರು(ಜೋತಿಷ್ಯ), ವಾದಿರಾಜ ಆಚಾರ್ಯ ನೇಜಾರು(ಸಾಮಾಜಿಕ ಸೇವೆ), ಎಸ್​.ಪಿ.ಗುರುದಾಸ್​ ಮಂಗಳೂರು(ಹರಿದಾಸ ಸೇವೆ), ವಿಘ್ನೇಶ್ವರ ಪುರೋಹಿತ್​ ಮೂಡುಬಿದಿರೆ(ವೈದಿಕ), ಕೃಷ್ಣ ಆಚಾರ್ಯ ನಕ್ರೆ ಕಾರ್ಕಳ(ಶಿಲಾ ಶಿಲ್ಪ ವಿಭಾಗ), ಶಿಲ್ಪಿ ದೇವಿದಾಸ್​ ಆಚಾರ್ಯ ತ್ರಿಶೂರು, ಕೇರಳ(ವಾಸ್ತುಶಿಲ್ಪ) ಅವರಿಗೆ ಆನೆಗುಂದಿ ಶ್ರೀ ಪ್ರಶಸ್ತಿ ನೀಡಲಾಗುವುದು.