ಅಂಗವಿಕಲರಿಗೂ ಅಗತ್ಯ ಸಮಾಜದಲ್ಲಿ ಸಮಾನ ರೂಪ

ಉಡುಪಿ: ವಿಶೇಷಚೇತನ ಮಕ್ಕಳನ್ನೂ ಸಹ ಮುಖ್ಯವಾಹಿನಿಗೆ ತಂದು ಸಮಾಜದ ಸಬಲೀಕರಣ ಮಾಡಬೇಕಿದೆ. ಹುಟ್ಟು ಉಚಿತ-ಸಾವು ಖಚಿತ ಆಗಿರುವುದರಿಂದ ಅಂಗವಿಕಲರಾಗಿ ಜನಿಸಿರುವ ಮಕ್ಕಳನ್ನೂ ಸಹ ಗೌರವಿಸುವ ವಾತಾವರಣ ನಿರ್ಮಾಣ ಆಗಬೇಕಿದೆ. ಅವರಿಗೂ ಸಹ ಸಮಾಜದಲ್ಲಿ ಸಮಾನ ರೂಪ ಕೊಡಬೇಕಿದೆ ಎಂದು ಉಡುಪಿ ಶಾಸಕ ಯಶ್​ಪಾಲ್​ ಸುವರ್ಣ ಆಶಯ ವ್ಯಕ್ತಪಡಿಸಿದರು.

ಉಡುಪಿಯ ಕುಂಜಿಬೆಟ್ಟುವಿನಲ್ಲಿರುವ ಶಾರದಾ ರೆಸಿಡೆನ್ಶಿಯಲ್​ ಸ್ಕೂಲ್​ನ ಸಭಾಭವನದಲ್ಲಿ ಮಾಹೆ ವಿವಿ ಅಧೀನದ ಆಸರೆ ಅರ್ಚನಾ ಟ್ರಸ್ಟ್​ ವತಿಯಿಂದ ಶನಿವಾರ ಆಯೋಜಿಸಿದ್ದ ಕರ್ನಾಟಕ, ಕೇರಳ, ತೆಲಂಗಾಣ, ಗೋವಾ, ತಮಿಳುನಾಡು ಹಾಗೂ ಆಂಧ್ರಪ್ರದೇಶ ರಾಜ್ಯಗಳ ವಿಶೇಷ ಮಕ್ಕಳ ಪಾಲಕರ ಎರಡು ದಿನಗಳ 97ನೇ ಪ್ರಾದೇಶಿಕ ಸಭೆ ಉದ್ಘಾಟಿಸಿ ಮಾತನಾಡಿದರು.

ಮಣಿಪಾಲದ ಶಿವಳ್ಳಿಯಲ್ಲಿರುವ ಕೈಗಾರಿಕಾ ಪ್ರದೇಶದಲ್ಲಿ ವಿಶೇಷ ಮಕ್ಕಳಿಗಾಗಿ ನಿರ್ಮಿಸಿರುವ ಕೌಶಲ ತರಬೇತಿ ಕೇಂದ್ರಕ್ಕೆ ಕೊಡುಗೆ ನೀಡಿದ ಉಜ್ವಲ್​ ಡೆವೆಲಪರ್ಸ್​ ಆ್ಯಂಡ್​ ಕನಸ್ಟ್ರಕ್ಷನ್​ನ ಮಾಲೀಕ ಪುರುಷೋತ್ತಮ ಶೆಟ್ಟಿ ಅವರನ್ನು ಸನ್ಮಾನಿಸಲಾಯಿತು.

ಜಿಲ್ಲಾ ಅಂಗವಿಕಲರ ಕಲ್ಯಾಣ ಅಧಿಕಾರಿ ರತ್ನಾ ಮಾತನಾಡಿದರು. ಜಿಪಂ ಸಿಪಿಒ ಡಾ.ಉದಯ್​ ಶೆಟ್ಟಿ, ಜಿಲ್ಲಾ ಗವರ್ನರ್​ ರೊ. ಬಿ.ಎಂ. ಭಟ್​, ಶಾರದಾ ರೆಸಿಡೆನ್ಶಿಯಲ್​ ಸ್ಕೂಲ್​ನ ನಿರ್ದೇಶಕ ವಿದ್ಯಾವಂತ ಆಚಾರ್ಯ, ಮಾಹೆಯ ಎಂಸಿಎಚ್​ಪಿಯ ಪ್ರೊೆಸರ್​ ಆ್ಯಂಡ್​ ಡೀನ್​ ಡಾ. ಅರುಣ್​ ಮಯ್ಯ ಉಪಸ್ಥಿತರಿದ್ದರು.