ನೀವೂ ತೀರಿಸಬಹುದು ಮಾತೃ ಶಾಲೆಯ ಋಣ

ಉಡುಪಿ: ದಾನಿಗಳು, ಸಂ&ಸಂಸ್ಥೆಗಳ ಸಹಕಾರದಲ್ಲಿ ಸರ್ಕಾರಿ ಶಾಲೆಯ ಮಕ್ಕಳ ಶಿಕ್ಷಣಕ್ಕೆ ಅನುಕೂಲವಾಗಲು ಅಗತ್ಯ ಕಲಿಕಾ ಸಾಮಗ್ರಿ ನೀಡಲಾಗುತ್ತಿದೆ. ವಿದ್ಯಾರ್ಥಿಗಳು ಸದುಪಯೋಗ ಮಾಡಿಕೊಂಡು ಚೆನ್ನಾಗಿ ಕಲಿಯಬೇಕು. ಕಲಿತು ಉದ್ಯೋಗಿಗಳಾಗಬೇಕು. ಬಳಿಕ ತಾವುಗಳೂ ಸಹ ಕಲಿತ ಮಾತೃ ಶಾಲೆಯ ಋಣ ತೀರಿಸಬಹುದು ಎಂದು ಲಯನ್ಸ್​ ಕ್ಲಬ್​ ಮಣಿಪಾಲದ ಮಾಜಿ ಅಧ್ಯಕ್ಷ ಡಾ. ಗಣೇಶ್​ ಪೈ ಅನಿಸಿಕೆ ವ್ಯಕ್ತಪಡಿಸಿದರು.

ಉಡುಪಿ ಕಾಡಬೆಟ್ಟಿನಲ್ಲಿರುವ ಟಿ.ಎ. ಪೈ ಮೋಡರ್ನ್​ ಅನುದಾನಿತ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಶನಿವಾರ (ಜೂ.6) ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ಲಯನ್ಸ್​ ಕ್ಲಬ್​ ಮಣಿಪಾಲದ ವತಿಯಿಂದ ಉಚಿತವಾಗಿ ನೀಡಿದ ನೋಟ್​ಬುಕ್​, ರೇನ್​ ಕೋಟ್​ ವಿತರಿಸಿ ಮಾತನಾಡಿದರು.

ಮಟ್ಟಾರು ಕೃಷ್ಣಾನಂದ ಕಿಣಿ, ಕೃತಿಕಾ ಕಿಣಿ ಅವರು ಮಕ್ಕಳಿಗೆ ಉಚಿತವಾಗಿ ನೀಡಿದ ಕೊಡೆಯನ್ನೂ ಇದೇ ವೇಳೆ ವಿತರಿಸಲಾಯಿತು. 

ಲಯನ್ಸ್​ ಕ್ಲಬ್​ ಮಣಿಪಾಲದ ಅಧ್ಯಕ್ಷ ಡಾ. ನಿಶಾಂತ್​ ಭಟ್​, ಕೃಷ್ಣ ಮುಖ್ಯೋಪಾಧ್ಯಾಯ, ಹಳೆಯ ವಿದ್ಯಾರ್ಥಿಗಳ ಸಂಘದ ಅಧ್ಯಕ್ಷ ನಾರಾಯಣ ಭಂಡಾರಿ, ಶಾಲಾ ಟ್ರಸ್ಟಿ ಮಟ್ಟಾರು ರಮೇಶ್​ ಕಿಣಿ, ಮುಖ್ಯೋಧ್ಯಾಪಕಿ ಸುಲೋಚನಾ ಉಪಸ್ಥಿತರಿದ್ದರು. ಶಾಲಾ ಟ್ರಸ್ಟಿಗಳು, ಹಳೆಯ ವಿದ್ಯಾರ್ಥಿಗಳು ಪಾಲ್ಗೊಂಡಿದ್ದರು. ಶಿಕ್ಷಕಿ ಶಾಲಿನಿ ಕಾರ್ಯಕ್ರಮ ನಿರೂಪಿಸಿದರು.

"

ಶತಮಾನೋತ್ಸವದ ಹೊಸ್ತಿಲಿನಲ್ಲಿ ಇರುವ ಶಾಲೆಯು ಈ ಮೊದಲಿಗಿಂತ ತುಂಬ ಉತ್ತಮವಾಗಿ ಬದಲಾಗಿದೆ. ವಿದ್ಯಾರ್ಥಿಗಳು ಚೆನ್ನಾಗಿ ಕಲಿತು ಹೆಚ್ಚು ಅಂಕಗಳಿಸಿ ಶಾಲೆಯ ಹಾಗೂ ಹೆತ್ತವರ ಕೀರ್ತಿ ಹೆಚ್ಚಿಸಬೇಕು. ರಾಷ್ಟ್ರದ ಅಭ್ಯುದಯಕ್ಕೆ ಕೈಜೋಡಿಸಬೇಕು.

— ಡಾ. ನಿಶಾಂತ್ ಭಟ್. ಲಯನ್ಸ್ ಕ್ಲಬ್ ಮಣಿಪಾಲದ ಅಧ್ಯಕ್ಷ.