* ಪರ್ಯಾಯ ಸುಗುಣೇಂದ್ರ ಶ್ರೀ ಆಶೀರ್ವಚನ 

* ಪಾರ್ಥ ಸಾರಥಿ ಸ್ವರ್ಣ ರಥದ ಪ್ರಥಮ ರಥೋತ್ಸವ

ಮತ್ತೆ ಕೃಷ್ಣನ ಪರ್ಯಟನೆ 

ಸಮಸ್ಯೆ ನೀಗಿಸುವ ತಂದೆ

ನಿತ್ಯ ಗೀತೆ ಪಠಿಸಿ

ಸಾಧನೆ, ವಿಜಯದ ಸಂಕೇತ ಸಂಕೇಶ್ವರರು

ಪಾರ್ಥ ಸಾರಥಿ ರಥದಲ್ಲಿ ಶ್ರೀಕೃಷ್ಣನ್ನು ಕೂರಿಸುವಾಗ ಆದ ಸಂತೋಷ ಹೇಳಲು ಸಾಧ್ಯವಿಲ್ಲ. ಏಕೆಂದರೆ, ಕೃಷ್ಣನನ್ನು ನೋಡುವುದೇ ಭಾಗ್ಯ, ಆತನನ್ನು ಸ್ಮರಿಸುವುದೇ ಇನ್ನೊಂದು ಭಾಗ್ಯ. ದ್ವಾಪರಯುಗದಲ್ಲಿ ಧರ್ಮ ರಕ್ಷಣೆಗಾಗಿ ಕೃಷ್ಣನು ಪಾರ್ಥನ ಸಾರಥಿಯಾಗಿ ದುಷ್ಟರ ಸಂಹಾರ ಮಾಡಿಸಿದ್ದನು. ಮಹಾಭಾರತದ ಕೃಷ್ಣನಿಗೆ ಇಂದ್ರನ ರಥ ಬಂದಂತೆ ಪೊಡವಿಗೊಡೆಯನಾದ ಕೃಷ್ಣನಿಗೆ ಚಿನ್ನದ, ಚೆಂದದ ಸ್ವರ್ಣ ರಥವೂ ಸಹ ಉಪೇಂದ್ರ ತೀರ್ಥರೆಂಬ ಪ್ರವರ್ತಿತ ಸಂಸ್ಥಾನದ ಸುಗುಣೇಂದ್ರ ತೀರ್ಥ ಶ್ರೀಪಾದರಿಂದ ಕೊಡಲ್ಪಟ್ಟಿದೆ. ನಾಸ್ತಿಕರು, ಭಗವಂತನ ಹಾಗೂ ಸನಾತನ ಧರ್ಮವನ್ನು ವಿರೋಧಿಸುವವರೆಲ್ಲರನ್ನೂ ಶ್ರೀಕೃಷ್ಣನು ಈ ಪಾರ್ಥ ಸಾರಥಿ ರಥದಲ್ಲಿ ಸಂಚರಿಸಿ ಸಂಹರಿಸಲಿ.

ದೇಶಿಯವಲ್ಲದ ಸಂಸ್ಕೃತಿಯ ಪ್ರಭಾವದಿಂದ ಎಲ್ಲರೂ ದಾರಿ ತಪ್ಪುವ ಹಂತದಲ್ಲಿದ್ದಾರೆ. ಅನೇಕ ಅಪಾರ್ಥ ಮಾಡುವ ಸಾರಥಿಗಳು ಲಭಿಸುತ್ತಾರೆ. ಒಳ್ಳೆಯ ದಾರಿಯಲ್ಲಿ ಸಾಗಲು ಬೇಕಾದ ಪಾರ್ಥ ಸಾರಥಿಯಾಗಿ ಕೃಷ್ಣನ ಅನುಗ್ರಹಕ್ಕೆ ಪುತ್ತಿಗೆ ಶ್ರೀಗಳು ಪಾತ್ರರಾಗಿದ್ದಾರೆ. ಪಾರ್ಥ ಸಾರಥಿ ರಥ ನಿರ್ಮಾಣದ ಮೂಲಕ ಭಾರತೀಯ ಸಂಸ್ಕೃತಿ, ಧರ್ಮದ ಮಹತ್ವವನ್ನು ಮತ್ತೊಮ್ಮೆ ಸಾರಲು ಅವರು ಕಾಯೋರ್ನ್ಮುಖರಾಗಿದ್ದಾರೆ.