ವಲದೂರು ವೆಲ್ಫೇರ್ ಅಸೋಸಿಯೇಶನ್ ವಾರ್ಷಿಕೋತ್ಸವದಲ್ಲಿ ಸರಸ್ವತಿ ಭಂಡಾರಿ, ಹರಿಣಾ ಶೆಟ್ಟಿ, ವಿಶಾಲಾ ಶೆಟ್ಟಿ ಅವರನ್ನು ಸನ್ಮಾನಿಸಲಾಯಿತು. ಪ್ರಮುಖರಾದ ಗಣೇಶ್ ಪೂಜಾರಿ, ಪುಂಡಲೀಕ ಮರಾಠೆ, ಅಶೋಕ್ ಕುಮಾರ್ ಮತ್ತಿತರರಿದ್ದರು.
ಪಡುಬಿದ್ರಿ: ತುಳುನಾಡು ಸಾಮರಸ್ಯದ ತವರೂರು. ನಮ್ಮ ಹಿರಿಯರು ಉನ್ನತ ನೈತಿಕ ಮೌಲ್ಯ, ಪರಂಪರೆಯನ್ನು ಉಳಿಸಿ ಬೆಳೆಸಿಕೊಂಡು ಬಂದಿದ್ದಾರೆ. ನಾಗ, ದೈವ, ದೇವರಲ್ಲಿ ಭಯಭಕ್ತಿ, ನಂಬಿಕೆ, ಕುಟುಂಬದಲ್ಲಿ ಸಾಮರಸ್ಯ, ಸಹಬಾಳ್ವೆಯ ಪಾಠವನ್ನು ಕಲಿಸಿದ್ದಾರೆ. ತುಳುನಾಡು ದೈವ-ದೇವರ ಗರ್ಭಗುಡಿ, ಈ ಮಣ್ಣಿನಲ್ಲಿ ಹುಟ್ಟಿದ ನಾವು ಧನ್ಯರು ಎಂದು ಉದ್ಯಮಿ ವಲದೂರು ಪಡುಮನೆ ಗಣೇಶ್ ಪೂಜಾರಿ ಹೇಳಿದರು.
ಪಾದೂರು ಗ್ರಾಮದ ವಲದೂರು ವೆಲ್ಫೇರ್ ಅಸೋಸಿಯೇಶನ್ ವಾರ್ಷಿಕೋತ್ಸವದಲ್ಲಿ ಮಾತನಾಡಿದರು.
ಅಶೋಕ್ ಕುಮಾರ್ ವಲದೂರು ಅಧ್ಯಕ್ಷತೆ ವಹಿಸಿದ್ದರು. ಕಾಪು ತಾಲೂಕು ಕನ್ನಡ ಸಾಹಿತ್ಯ ಪರಿಷತ್ ಅಧ್ಯಕ್ಷ ಬಿ.ಪುಂಡಲೀಕ ಮರಾಠೆ ಮಾತನಾಡಿದರು. ಸಂಸ್ಥೆಯ ಗೌರವ ಅಧ್ಯಕ್ಷ ಶಾಂತಾರಾಜ ವೈ.ಶೆಟ್ಟಿ ಕಾರ್ಯಕ್ರಮ ಉದ್ಘಾಟಿಸಿದರು. ಉಡುಪಿ ತುಳು ಕೂಟದ ಕಾರ್ಯದರ್ಶಿ ಗಂಗಾಧರ ಕಿದಿಯೂರು, ಕೆಮ್ತೂರು ದೊಡ್ಡಣ್ಣ ಶೆಟ್ಟಿ ನಾಟಕ ಪಂಥ ಸಂಚಾಲಕ ಬಿ.ಪ್ರಭಾಕರ ಭಂಡಾರಿ ಶುಭ ಹಾರೈಸಿದರು.
ವಿಶ್ವನಾಥ್ ಪೂಜಾರಿ, ಗೋಪಾಲ ಪೂಜಾರಿ ಉಪಸ್ಥಿತರಿದ್ದರು. ಶುಭಲಕ್ಷ್ಮೀ ಶೆಟ್ಟಿ ಪ್ರಾರ್ಥಿಸಿದರು. ಉಪನ್ಯಾಸಕಿ ಸುನೀತಾ ನಿರೂಪಿಸಿದರು.
"
ಸಾಧಕರಿಗೆ ಸನ್ಮಾನಸರಸ್ವತಿ ಭಂಡಾರಿ, ಹರಿಣಾ ಎಂ.ಶೆಟ್ಟಿ, ವಿಶಾಲಾ ಶೆಟ್ಟಿ, ಮಧುಸೂದನ ಸಾಲ್ಯಾನ್, ನಿತಿನ್ ನಾಯಕ್ ಪರವಾಗಿ ನಿತ್ಯಾನಂದ ನಾಯಕ್ ಪಾಲಮೆ, ಲೀಲಾಧರ ಶೆಟ್ಟಿ ವಲದೂರು, ಪ್ರಸಾದ್ ಶೆಟ್ಟಿ ವಲದೂರು, ಸುಕೇಶ್ ಪೂಜಾರಿ ವಲದೂರು ಅವರನ್ನು ಸನ್ಮಾನಿಸಲಾಯಿತು. ಎಸ್ಸೆಸ್ಸೆಲ್ಸಿ ಮತ್ತು ಪಿಯುಸಿ ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ನಗದು ಪುರಸ್ಕಾರ ನೀಡಿ ಗೌರವಿಸಲಾಯಿತು.