ಕಾಮಗಾರಿಗೆ ಕೂಡಿ ಬರದ ಕಾಲ!

ಹೆಚ್ಚಿದ ವಾಹನ ದಟ್ಟಣೆ

ಟ್ರಾಫಿಕ್ ಜಾಮ್ ಕಾಯಂ

ರಾ.ಹೆ.66ರ ಸೌಪರ್ಣಿಕಾ ನದಿಗೆ ಅಡ್ಡಲಾಗಿ ನಿರ್ಮಿಸಿರುವ ಅರಾಟೆ ಹಳೆಯ ಸೇತುವೆ ದುರಸ್ತಿಗೆ ಗುದ್ದಲಿ ಪೂಜೆ ನಡೆದು ಮೂರು ತಿಂಗಳಾದರೂ ಕಾಮಗಾರಿ ಪ್ರಾರಂಭಿಸಿಲ್ಲ. ಅವಿಭಜಿತ ದ.ಕ. ಮತ್ತು ಗೋವಾ, ಮಹಾರಾಷ್ಟ್ರ ಸಂಪರ್ಕಿಸುವ ರಾ.ಹೆ.66ರಲ್ಲಿ ಪ್ರತಿನಿತ್ಯ ಸರಕು ಸಾಗಾಟ ವಾಹನಗಳು, ಬಸ್‌ಗಳು, ಭಾರಿ ಮತ್ತು ಲಘು ವಾಹನಗಳು ನಿರಂತರವಾಗಿ ಸಂಚರಿಸುತ್ತಿದ್ದು, ಹೊಸ ಸೇತುವೆಯಲ್ಲಿ ಒತ್ತಡ ಸೃಷ್ಟಿಯಾಗಿದೆ. ಸೇತುವೆ ದುರಸ್ತಿ ಕಾಮಗಾರಿ ಆದಷ್ಟು ಶೀಘ್ರ ಪ್ರಾರಂಭಿಸಬೇಕು ಮತ್ತು ನಿಗದಿತ ಅವಧಿಯೊಳಗೆ ಕಾಮಗಾರಿ ಪೂರ್ಣಗೊಳಿಸಿ ಸೇತುವೆ ಸಂಚಾರಕ್ಕೆ ಮುಕ್ತವನ್ನಾಗಿಸಬೇಕು.