ಉಡುಪಿ: ಸೇನಾ ಬಲದಲ್ಲಿ ಭಾರತವೂ ಇಂದು ವಿಶ್ವದಲ್ಲಿ ಪ್ರಬಲವಾಗಿದೆ. ನರೇಂದ್ರ ಮೋದಿ ಪ್ರಧಾನಿಯಾದ ಬಳಿಕ ದೇಶದ ಸೈನ್ಯದ ಬಲವನ್ನು ಇನ್ನಷ್ಟು ಹೆಚ್ಚಿಸಿದ್ದಾರೆ. ಕ್ಷಿಪಣಿ, ಶಸ್ತ್ರಾಸ್ತ್ರ, ಯುದ್ಧ ವಿಮಾನಗಳ ಹೊಂದುವಿಕೆಯಿಂದ ನಮ್ಮ ಸೇನೆ ಸಶಕ್ತವಾಗಿದೆ. ಸೇನಾ ಸಾಮರ್ಥ್ಯ ಹೇಗಿದೆ ಎನ್ನುವುದಕ್ಕೆ 'ಆಪರೇಷನ್ ಸಿಂದೂರ' ಸಣ್ಣ ಉದಾಹರಣೆಯಾಗಿದೆ. ದೇಶದ ಭದ್ರತೆಯಲ್ಲಿ ನಿರತರಾದ ಯೋಧರ ಶ್ರಮದಿಂದ ಭಾರತೀಯರು ನೆಮ್ಮದಿಯಿಂದ ಇರುವಂತಾಗಿದೆ. ಸೈನಿಕರನ್ನು ಗೌರವಿಸುವುದು ನಮ್ಮೆಲ್ಲರ ಕರ್ತವ್ಯ ಎಂದು ಶಾಸಕ ಯಶ್ಪಾಲ್ ಸುವರ್ಣ ಹೇಳಿದರು.
ಉಡುಪಿ ನಗರ ಬಿಜೆಪಿ ಅಲ್ಪಸಂಖ್ಯಾತ ಮೋರ್ಚಾ ವತಿಯಿಂದ ಮೂಡು ಪೆರಂಪಳ್ಳಿಯಲ್ಲಿ ಆಯೋಜಿಸಿದ್ದ ಪ್ರಧಾನಿ ನರೇಂದ್ರ ಮೋದಿ ಅವರ ಜನ್ಮದಿನ ಹಾಗೂ ಸೇವಾ ಸಂಕಲ್ಪ ಅಭಿಯಾನದ ನಿಮಿತ್ತ ದೇಶದ ಗಡಿ ಕಾಯುವ ಯೋಧ ಶ್ರೀಕಾಂತ್ ಭಟ್ ಪೆರಂಪಳ್ಳಿ ಅವರನ್ನು ಸನ್ಮಾನಿಸಿ ಮಾತನಾಡಿದರು.
ಉಡುಪಿ ನಗರ ಬಿಜೆಪಿ ಅಲ್ಪಸಂಖ್ಯಾತ ಮೋರ್ಚಾ ಅಧ್ಯಕ್ಷ ಡೆನ್ನಿಸ್ ಮಾಸ್ಕರೇನಸ್ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಬಿಜೆಪಿ ಉಡುಪಿ ನಗರಾಧ್ಯಕ್ಷ ದಿನೇಶ್ ಅಮೀನ್, ಬಿಜೆಪಿ ಜಿಲ್ಲಾ ಕಾರ್ಯದರ್ಶಿ ಉಮೇಶ್ ನಾಯ್ಕ್, ಜಿಲ್ಲಾ ಮಾಧ್ಯಮ ಸಂಚಾಲಕ ಶಶಾಂಕ್ ಶಿವತ್ತಾಯ, ಉಡುಪಿ ನಗರ ಉಪಾಧ್ಯಕ್ಷ ಕಿಶೋರ್ ಕರಂಬಳ್ಳಿ, ಉಡುಪಿ ನಗರ ಅಲ್ಪಸಂಖ್ಯಾತ ಮೋರ್ಚಾ ಪ್ರಧಾನ ಕಾರ್ಯದರ್ಶಿಗಳಾದ ಶೆರ್ಲಿನ್ ಮಾಸ್ಕರೇನ್ಹಸ್, ಶೇಖ್ ಫಯಾಜ್, ಉಪಾಧ್ಯಕ್ಷ ಅಬ್ದುಲ್ ಖಾದರ್ ಉಪಸ್ಥಿತರಿದ್ದರು.
ಕಾರ್ಯಕಾರಿಣಿ ಸದಸ್ಯರಾದ ವಿನ್ನಿ ಡಿಸೋಜಾ, ಲಿಡಿಯ, ಸ್ಟೇನಿ ಡಿಸೋಜಾ, ಪ್ರಿಯಾ ಮಾಸ್ಕರೇನ್ಹಸ್, ರ್ಯಾಲ್ ಮಾಸ್ಕರೇನ್ಹಸ್, ವಿನ್ಸೆಂಟ್ ಡಿಸೋಜಾ, ನಗರಸಭಾ ಮಾಜಿ ಸದಸ್ಯೆ ಅನಿತಾ ಬೆಲಿಂಡಾ ಡಿಸೋಜಾ, ಪ್ರಮುಖರಾದ ಪ್ರಶಾಂತ್ ಭಟ್, ಶಂಕರ್ ಕುಲಾಲ್, ಉಲ್ಲಾಸ್ ದೇವಾಡಿಗ ಬೂತ್ ಅಧ್ಯಕ್ಷೆ ಲೀನಾ ಕೆ.ಎಲ್., ಪಕ್ಷದ ಹಿರಿಯರಾದ ಬಾಲಕೃಷ್ಣ ಆಚಾರ್ಯ ಇನ್ನಿತರರು ಪಾಲ್ಗೊಂಡಿದ್ದರು.