ಸ್ಪರ್ಧೆಗಳಿಂದ ಅನಾವರಣಗೊಳ್ಳಲಿ ಪ್ರತಿಭೆ

ಉಡುಪಿ: ಕಾಲೇಜುಗಳಲ್ಲಿ ಆಯೋಜಿಸುವ ಸ್ಪರ್ಧೆಗಳು ವಿದ್ಯಾರ್ಥಿಗಳಲ್ಲಿರುವ ಆತ್ಮವಿಶ್ವಾಸ ಹೆಚ್ಚಿಸುವುದಲ್ಲದೆ, ಅವರಿಗೆ ತಮ್ಮೊಳಗಿನ ಶಕ್ತಿ ಅರಿತುಕೊಳ್ಳುವಂತೆ ಮಾಡುವ ಬಹುದೊಡ್ಡ ಅವಕಾಶ. ಇಂಥ ಸಂದರ್ಭಗಳನ್ನು ಸದ್ಬಳಕೆ ಮಾಡಿಕೊಂಡು ಪ್ರತಿಭೆ ಅನಾವರದ ಮೂಲಕ ಮುಂದಿನ ಬದುಕನ್ನು ಸುಂದರ, ಸ್ಮರಣೀಯವನ್ನಾಗಿಸಿಕಳ್ಳಬೇಕು ಎಂದು ಉಡುಪಿ ಜಿಲ್ಲಾ ಲಯನ್ಸ್​ 317ಸಿ ವಿಭಾಗದ ಗವರ್ನರ್​ ಲ. ಸ್ವಪ್ನಾ ಸುರೇಶ್​ ಆಶಯ ವ್ಯಕ್ತಪಡಿಸಿದರು.

ಉಡುಪಿಯ ಪೂರ್ಣಪ್ರಜ್ಞ ಸಂಧ್ಯಾ ಕಾಲೇಜಿನಲ್ಲಿ ಮಂಗಳವಾರ (ಮ.10) ಆಯೋಜಿಸಿದ್ದ 'ಪೂರ್ಣಂ-2026' ವಿಶೇಷ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು. 

ಕಾಲೇಜಿನ ಪ್ರಾಂಶುಪಾಲ ಡಾ. ಚಂದ್ರಕಾಂತ್​ ಭಟ್​ ಅಧ್ಯಕ್ಷತೆ ವಹಿಸಿದ್ದರು. ಕಾಲೇಜಿನ ಆಡಳಿತ ಮಂಡಳಿಯ ಗೌರವ ಕಾರ್ಯದರ್ಶಿ ಸಿಎ ಟಿ. ಪ್ರಶಾಂತ್​ ಹೊಳ್ಳ, ಕಾಲೇಜಿನ ಆಂತರಿಕ ಗುಣಮಟ್ಟ ಖಾತರಿ ಘಟಕದ ಸಂಯೋಜಕ ಡಾ. ರಾಘವೇಂದ್ರ ಎಲ್​., ವಿದ್ಯಾರ್ಥಿ ಕ್ಷೇಮ ಪಾಲನಾ ಅಧಿಕಾರಿಗಳಾದ ವಿನಾಯಕ ಪೈ. ಬಿ., ಡಾ. ಪ್ರಜ್ಞಾ ಮಾರ್ಪಳ್ಳಿ, ಪೂರ್ಣಂನ ವಿದ್ಯಾರ್ಥಿ ಸಂಯೋಜಕರಾದ ವಿವೇಕ್​ ಕೆ.ಎಂ., ಶ್ರೇಯಸ್​ ನಾಯಕ್​ ಉಪಸ್ಥಿತರಿದ್ದರು.

ವಿದ್ಯಾರ್ಥಿ ನಾಯಕ ಗಗನ್​ ಸುವರ್ಣ ಸ್ವಾಗತಿಸಿದರು. ಪೂರ್ಣಂನ ವಿದ್ಯಾರ್ಥಿ ಸಂಯೋಜಕಕಿ ಅವನಿ ಆಚಾರ್ಯ ವಂದಿಸಿದರು. ರಾನಿಯಾ ಕಾರ್ಯಕ್ರಮ ನಿರೂಪಿಸಿದರು.