ಉಡುಪಿ: ಶ್ರೀಕೃಷ್ಣ ಮಠಕ್ಕೆ ಮತ್ತು ಮಟ್ಟು ಗ್ರಾಮದ ಗುಳ್ಳ (ಬದನೆಕಾಯಿ)ಕ್ಕೆ ಅವಿನಾಭಾವ ಸಂಬಂಧವಿದೆ. ಸೋದೆ ಮಠದ ವಾದಿರಾಜ ತೀರ್ಥ ಶ್ರೀಪಾದರು ಅನುಗ್ರಹಿಸಿ ನೀಡಿದ ಬೀಜದಿಂದ ಹುಟ್ಟಿಕೊಂಡ ಗುಳ್ಳ ಇಂದು ದೇಶದಲ್ಲಿಯೇ ಜಿಐ ಪೇಟೆಂಟ್​ ಗಳಿಸಿದ ಪ್ರಥಮ ತರಕಾರಿ ಎಂಬ ಖ್ಯಾತಿಯನ್ನೂ ಗಳಿಸಿದೆ. ಶ್ರೀಕೃಷ್ಣ ಮಠಕ್ಕೆ ಬರುವ ಭಕ್ತರಿಗೆ ನಿತ್ಯವೂ ನೀಡುವ ಪ್ರಸಾದ ಭೋಜನದಲ್ಲಿ ಪದಾರ್ಥಕ್ಕೆ ಬಳಸುವ ತರಕಾರಿಗಳಲ್ಲಿ ಮಟ್ಟುಗುಳ್ಳಕ್ಕೆ ವಿಶೇಷ ಸ್ಥಾನವಿದೆ ಎಂದು ಶೀರೂರು ಪರ್ಯಾಯ ಮಹೋತ್ಸವದ ಹೊರೆಕಾಣಿಕೆ ಸಮಿತಿಯ ಸಂಚಾಲಕ ಸುಪ್ರಸಾದ್​ ಶೆಟ್ಟಿ ಬೈಕಾಡಿ ತಿಳಿಸಿದರು.

ಉಡುಪಿ ನಗರದಲ್ಲಿರುವ ಸಂಸ್ಕೃತ ಕಾಲೇಜಿನ ಮುಂಭಾಗದಲ್ಲಿ ಉಡುಪಿ ತಾಲೂಕಿನ ಮಟ್ಟು ಗ್ರಾಮದ ಮಟ್ಟು ಗುಳ್ಳ ಬೆಳೆಗಾರರ ಸಂಘ ಉಡುಪಿ (ರಿ.) ವತಿಯಿಂದ ಶೀರೂರು ಪರ್ಯಾಯ ಮಹೋತ್ಸವಕ್ಕೆ ಹಸಿರು ಹೊರೆಕಾಣಿಕೆಯಾಗಿ ನೀಡಿದ ಗುಳ್ಳಗಳಿರುವ ನೂರಾರು ಬುಟ್ಟಿಗಳ ಮೆರವಣಿಗೆಗೆ ಶನಿವಾರ (ಜ.17) ಚಾಲನೆ ನೀಡಿ ಮಾತನಾಡಿದರು.   

ಹೊರೆಕಾಣಿಕೆ ಸಮರ್ಪಣೆಯಲ್ಲಿ ಮಟ್ಟು ಭಾಗದ ಗುಳ್ಳ ಬೆಳೆಗಾರರು, ಭಕ್ತರು, ಡಾ. ಟಿ.ಎಸ್​. ರಾವ್​, ಪ್ರದೀಪ್​ ರಾವ್​, ವಿಷ್ಣುಪ್ರಸಾದ್​ ಪಾಡೀಗಾರ್​, ಸುನೀಲ್​ ಬಂಗೇರ, ಸರಸ್ವತಿ ಬಂಗೇರ, ಮಟ್ಟು ಲಕ್ಷ್ಮೀನಾರಾಯಣ ರಾವ್​, ಶ್ರೀಕಾಂತ್​ ಉಪಾಧ್ಯಾಯ, ಸಂದೀಪ್​ ಮಂಜ, ನರೇಶ್​ ಪಾಲನ್​, ಸದಾನಂದ ಸುವರ್ಣ, ಜಯಾ ಪೂಜಾರಿ, ಎಂ.ಲಕ್ಷ್ಮಣ ಇನ್ನಿತರರು ಉಪಸ್ಥಿತರಿದ್ದರು. 

"