ಸಾರಾಯಿ ಅಂಗಡಿಗೆ ಸರ್ಕಾರಿ ಜಾಗ!

ಕಾಪು ತಾಲೂಕಿನ ಕಟ್ಟಿಂಗೇರಿ ಗ್ರಾಮದ ಸ.ನಂ. 6/1ಸಿಯಲ್ಲಿ ಹಲವು ದಶಕಗಳಿಂದ ಪರಿಶಿಷ್ಟ ಜಾತಿ ಕುಟುಂಬಗಳು ವಾಸವಿದ್ದು, ಅವರಿಗೆ ಸರ್ಕಾರಿ ಜಮೀನು ಬಂಡೆ ಎಂಬ ಕಾರಣಕ್ಕೆ ಹಕ್ಕುಪತ್ರ ನೀಡಿಲ್ಲ. ಆದರೆ ಈ ಜಮೀನನ್ನು ಸಾರಾಯಿ ಅಂಗಡಿಗೆ ಹಿಂದೆ ಮೀಸಲಿರಿಸಲಾಗಿತ್ತು ಎಂದು ಉಡುಪಿ ಜಿಲ್ಲಾಧಿಕಾರಿ 2025ರ ಮಾರ್ಚ್ 31ರಂದು ಹಿಂಬರಹ ನೀಡಿದ್ದಾರೆ. ಇದೇ ಹಿಂಬರಹವನ್ನು ಆಧಾರವಾಗಿಟ್ಟು ಕಾಪು ತಹಸೀಲ್ದಾರ್ 2026ರ ಅಕ್ಟೋಬರ್ 3ರಂದು ಹಿಂಬರಹ ನೀಡಿದ್ದಾರೆ.

ರಸ್ತೆ, ಬಂಡೆ, ಕೆರೆ!

ಕಾಪು ತಾಲೂಕು ವ್ಯಾಪ್ತಿಯ ಒಟ್ಟು 30 ಗ್ರಾಮಗಳಲ್ಲಿ ಲಭ್ಯವಿರುವ ಡಿಸಿ ಮನ್ನಾ ಜಮೀನಿನ ಬಗ್ಗೆ ಪ್ರಸ್ತುತ ಅಂಕಿಅಂಶಗಳನ್ನು ಪರಿಶೀಲಿಸಿದಾಗ ಕುರ್ಕಾಲು ಗ್ರಾಮದಲ್ಲಿ ಸ.ನಂ. 203/1ರಲ್ಲಿ 2.06 ಎಕರೆ ಮತ್ತು 203/8ರಲ್ಲಿ 1.26.50 ಎಕರೆ, 208/2ರಲ್ಲಿ 0.95 ಎಕರೆ ಡಿಸಿ ಮನ್ನಾ ಜಮೀನು ಉಳಿಕೆಯಾಗಿದ್ದು, ಈ ಜಮೀನು ಬಂಡೆ ಜಮೀನಾಗಿದೆ. ಎಲ್ಲೂರು ಗ್ರಾಮದಲ್ಲಿ 1.78 ಎಕರೆ ಡಿಸಿ ಮನ್ನಾ ಭೂಮಿ ಪೈಕಿ 1.30 ಎಕರೆ ಡಿಸಿ ಮನ್ನಾ ಜಮೀನು ಯುಪಿಸಿಎಲ್‌ಗೆ ಭೂ ಸ್ವಾಧೀನಗೊಂಡಿದೆ. ಪಿಲಾರು ಗ್ರಾಮದಲ್ಲಿ 13.79 ಎಕರೆ ಡಿ.ಸಿ. ಮನ್ನಾ ಜಮೀನು ಇದ್ದು, 7.04 ಎಕರೆ ಡಿ.ಸಿ ಮನ್ನಾ ಜಮೀನನ್ನು ಸಾರ್ವಜನಿಕ ಉದ್ದೇಶಕ್ಕೆ ಕಾಯ್ದಿರಿಸಲಾಗಿದೆ.

ಅನ್ಯರಿಗೆ ಅವಕಾಶವಿಲ್ಲ

ಡಿಸಿ ‘ಡಿಪ್ರೆಸ್ಡ್ ಕ್ಲಾಸಸ್’ ಮನ್ನಾ ಜಮೀನನ್ನು ಎಸ್‌ಸಿ/ಎಸ್‌ಟಿಗಳಿಗೆ ವಾತ್ರವೇ ಮಂಜೂರು ವಾಡಬಹುದು ಎಂಬುದನ್ನು ಹಿಂದಿನ ಕಂದಾಯ ಸಚಿವ ಕೃಷ್ಣಭೈರೇ ಗೌಡ ಸದನದಲ್ಲೇ ತಿಳಿಸಿದ್ದು, ಈ ಜಮೀನನ್ನು ಸಾರ್ವಜನಿಕ ಉದ್ದೇಶಕ್ಕೆ ಮೀಸಲಿಡಲು ಅವಕಾಶವಿಲ್ಲ. ಈ ಜಮೀನನ್ನು ಹಿಂಪಡೆಯುವ ಅಥವಾ ತತ್ಸವಾನ ಜಮೀನನ್ನು ಮೀಸಲಿಡುವ ಮೂಲಕ ಎಸ್‌ಸಿ, ಎಸ್‌ಟಿಗಳ ಹಿತಾಸಕ್ತಿಯನ್ನು ಕಾಪಾಡುವ ಯಾವ ಪ್ರಯತ್ನವನ್ನೂ ಕಾಪು ತಾಲೂಕು ಆಡಳಿತ ಮಾಡಿಲ್ಲ.

ಸಾರ್ವಜನಿಕ ಉದ್ದೇಶಕ್ಕೆ ಬಳಕೆ

ತೆಂಕ ಗ್ರಾಮದಲ್ಲಿ 54.85 ಎಕರೆ ಡಿಸಿ ಮನ್ನಾ ಜಮೀನು ಇದ್ದು, ಈ ಪೈಕಿ 3.41 ಎಕರೆ ಜಮೀನನ್ನು ಸಾರ್ವಜನಿಕ ಉದ್ದೇಶಕ್ಕೆ ಕಾಯ್ದಿರಿಸಲಾಗಿದೆ. 7.58 ಎಕರೆ ಜಮೀನನ್ನು ಸಾರ್ವಜನಿಕ ಉದ್ದೇಶಕ್ಕೆ ಮೀಸಲಿಡಲಾಗಿದೆ. 4.74 ಎಕರೆ ಡಿಸಿ ಮನ್ನಾ ಜಮೀನನ್ನು ಈ ವರೆಗೂ ಹಂಚಿಕೆ ವಾಡದೆ ಹಾಗೆಯೇ ಬಿಟ್ಟಿರುವುದು ಈ ಜಮೀನನ್ನೂ ಎಸ್‌ಸಿ, ಎಸ್‌ಟಿಗಳ ಕೈತಪ್ಪುವಂತೆ ವಾಡುವ ನಡೆಯೇ ಎಂಬ ಪ್ರಶ್ನೆ ಕಾಡುತ್ತಿದೆ. ಕೊಂಕಣ ರೈಲ್ವೆಗೆ 0.30 ಎಕರೆಗೂ ಹೆಚ್ಚು ಜಮೀನು ಸ್ವಾಧೀನಗೊಂಡಿದೆ. ಮಟ್ಟು ಗ್ರಾಮದಲ್ಲಿ 0.22 ಎಕರೆ ಜಮೀನು ಹೊಳೆ ಪ್ರದೇಶ ‘ಸಿಆರ್‌ಜಡ್’ ಆಗಿದೆ. ಪಾಂಗಾಳ ಗ್ರಾಮದಲ್ಲಿ 5.02 ಎಕರೆ ಡಿಸಿ ಮನ್ನಾ ಜಮೀನು ಸಾರ್ವಜನಿಕ ಉದ್ದೇಶಕ್ಕಾಗಿ ಮೀಸಲಿಡಲಾಗಿದೆ.