ಬಡ ರೋಗಿಗಳಿಗೆ ಸಿಗಲಿ ಸೂಕ್ತ ಆರೋಗ್ಯ ಸೇವೆ

ಉಡುಪಿ: ಇತ್ತೀಚೆಗೆ ಉಡುಪಿ ಜಿಲ್ಲಾಸ್ಪತ್ರೆಗೆ ಭೇಟಿ ನೀಡಿದ್ದ ಸಂದರ್ಭದಲ್ಲಿ ಎಕ್ಸರೇ ಸೇವೆಯ ವ್ಯತ್ಯಯದಿಂದ ರೋಗಿಗಳಿಗೆ ಸಮಸ್ಯೆ ಉಂಟಾಗುತ್ತಿರುವ ವಿಚಾರ ತಿಳಿಯಿತು. ಮೀನು ಮಾರಾಟ ಫೆಡರೇಷನ್​ ಮೂಲಕ ಜಿಲ್ಲಾಸ್ಪತ್ರೆಗೆ ಹೊಸ ಎಕ್ಸರೇ ಯಂತ್ರ ನೀಡಲಾಗಿದೆ. ಇದರಿಂದ ಜಿಲ್ಲಾಸ್ಪತ್ರೆಗೆ ದಿನನಿತ್ಯ ಚಿಕಿತ್ಸೆಗೆ ಬರುವ ನೂರಾರು ಬಡ ರೋಗಿಗಳಿಗೆ ಈ ಸೌಲಭ್ಯ ಲಭಿಸುವಂತಾಗಲಿ ಎಂದು ಸಂಸ್ಥೆಯ ಅಧ್ಯಕ್ಷ, ಉಡುಪಿ ಶಾಸಕ ಯಶ್​ಪಾಲ್​ ಸುವರ್ಣ ಆಶಯ ವ್ಯಕ್ತಪಡಿಸಿದರು.

ಉಡುಪಿ ಜಿಲ್ಲಾಸ್ಪತ್ರೆಯ ರೋಗಿಗಳ ಸೇವೆಗಾಗಿ ದಕ್ಷಿಣ ಕನ್ನಡ ಮತ್ತು ಉಡುಪಿ ಜಿಲ್ಲಾ ಸಹಕಾರಿ ಮೀನು ಮಾರಾಟ ಫೆಡರೇಷನ್​ ಮಂಗಳೂರು ವತಿಯಿಂದ ಶನಿವಾರ (ಮಾ.7) ಕೊಡುಗೆಯಾಗಿ ನೀಡಿದ ಎಕ್ಸರೇ ಯಂತ್ರ ಉದ್ಘಾಟಿಸಿ ಮಾತನಾಡಿದರು.

ಫೆಡರೇಷನ್​ನ ಉಪಾಧ್ಯಕ್ಷ ದೇವಪ್ಪ ಕಾಂಚನ್​, ನಿರ್ದೇಶಕರಾದ ರಾಮಚಂದ್ರ ಕುಂದರ್​, ಸುರೇಶ್​ ಸಾಲ್ಯಾನ್​, ನಗರಸಭಾ ಮಾಜಿ ಅಧ್ಯಕ್ಷ ಪ್ರಭಾಕರ ಪೂಜಾರಿ, ಮಾಜಿ ಸದಸ್ಯರಾದ ರಶ್ಮಿ ಸಿ. ಭಟ್​, ಸುಂದರ್​ ಕಲ್ಮಾಡಿ, ಯೋಗೀಶ್​ ಸಾಲ್ಯಾನ್​, ಟಿ.ಜಿ. ಹೆಗ್ಡೆ, ಹರೀಶ್​ ಶೆಟ್ಟಿ, ಎಡ್ಲಿನ್​ ಕರ್ಕಡ, ಮೀನುಗಾರ ಮುಖಂಡರಾದ ದಯಾನಂದ ಸುವರ್ಣ, ಜಗನ್ನಾಥ್​ ಕಡೆಕಾರ್​, ಸುಭಾಷ್​ ಮೆಂಡನ್​, ಸತೀಶ್​ ಕುಂದರ್​, ನಾಗರಾಜ್​ ಸುವರ್ಣ ಉಪಸ್ಥಿತರಿದ್ದರು.

ಪ್ರಮುಖರಾದ ರತ್ನಾಕರ ಸಾಲ್ಯಾನ್​, ಸುಂದರ ಸಾಲ್ಯಾನ್​, ವಿನಯ್​ ಕರ್ಕೇರ, ಕರುಣಾಕರ್​ ಸಾಲ್ಯಾನ್​, ನಾಗರಾಜ್​ ಕುಂದರ್​, ಮಿಥುನ್​ ಕುಂದರ್​, ಕೃಷ್ಣ ಕೋಟ್ಯಾನ್​, ಗೀತಾ ಕರ್ಕೇರ,  ಉಡುಪಿ ನಗರ ಬಿಜೆಪಿ ಅಧ್ಯಕ್ಷ ದಿನೇಶ್​ ಅಮೀನ್​, ಗ್ರಾಮಾಂತರ ಬಿಜೆಪಿ ಅಧ್ಯಕ್ಷ ರಾಜೀವ್​ ಕುಲಾಲ್​, ಪ್ರಮುಖರಾದ ಸುನೀಲ್​ ನೇಜಾರು, ಸುಭಾಷಿತ್​, ರಾಘವೇಂದ್ರ ಆಚಾರ್ಯ, ಸುನೀತಾ ಭಂಡಾರಿ, ಸುಧಾಕರ್​ ಪ್ರಭು, ಉಡುಪಿ ಜಿಲ್ಲಾಸ್ಪತ್ರೆಯ ನಿವಾಸಿ ವೈದ್ಯಾಧಿಕಾರಿ ಡಾ. ವಾಸುದೇವ್​, ವೈದ್ಯರಾದ ಡಾ. ಆಮ್ನಾ ಇತರರು ಪಾಲ್ಗೊಂಡಿದ್ದರು.

"