ಅರ್ಜುನ ಯುವಕ ಮಂಡಳದ ವಾರ್ಷಿಕೋತ್ಸವ

ಉಡುಪಿ: ಪರ್ಕಳ ಶ್ರೀ ಮಹಾಲಿಂಗೇಶ್ವರ ಶ್ರೀ ಮಹಾಗಣಪತಿ ಮತ್ತು ಶ್ರೀ ಮಹಿಷಮರ್ಧೀನಿ ದೇವಸ್ಥಾನದ ರಥೋತ್ಸವದ ನಿಮಿತ್ತ ಪರ್ಕಳದ ಅರ್ಜುನ ಯುವಕ ಮಂಡಳದ 64ನೇ ವಾರ್ಷಿಕೋತ್ಸವ ಹಾಗೂ ಬೊಳ್ಜಿಕಟ್ಟೆ ಫ್ರೆಂಡ್ಸ್​ ಪರ್ಕಳದ ಸಹಕಾರದಲ್ಲಿ ಬೊಳ್ಜಿಕಟ್ಟೆ ಪೂಜೆ ಹಾಗೂ ಸಾಂಸ್ಕೃತಿಕ ಕಾರ್ಯಕ್ರಮ ನಡೆಯಿತು.

ವಿವಿಧ ಕ್ಷೇತ್ರಗಳಲ್ಲಿ ಸಾಧನೆ ಮಾಡಿದ ನಿರಂಜನ ಚೆನ್ನದಾಸರ್​, ಛಾಯಾ ಪೂಜಾರಿ ಹಾಗೂ ರಾಜೇಶ್​ ಆಚಾರ್ಯ ಅವರನ್ನು ಸನ್ಮಾನಿಸಲಾಯಿತು. ಸಂಘದ ಗೌರವ ಸಲಹೆಗಾರ ದಿಲೀಪ್​ರಾಜ್​ ಹೆಗ್ಡೆ, ಅರುಣಾ ಸದನಾಂದ ಶೆಟ್ಟಿಗಾರ್​, ವಾಣಿ ಗಣೇಶ್​ ಪಾಟೀಲ್​, ಅಧ್ಯಕ್ಷ ಜಯ, ಕಾರ್ಯದರ್ಶಿ ಗೌತಮ್​, ಕೋಶಾಧಿಕಾರಿ ಪ್ರಸನ್ನ ಶೆಟ್ಟಿ ಹಾಗೂ ಸಂಘದ ಪದಾಧಿಕಾರಿಗಳು ಉಪಸ್ಥಿತರಿದ್ದರು.

ಸಂಘದ ಸದಸ್ಯರಿಗೆ ಆಯೋಜಿಸಿದ್ದ ಪುರುಷರು ಹಾಗೂ ಬಾಲಕರ ಬ್ಯಾಡ್ಮಿಂಟನ್​ ಪಂದ್ಯಾಟದಲ್ಲಿ ವಿಜೇತರಾದವರಿಗೆ ಬಹುಮಾನ ವಿತರಿಸಲಾಯಿತು. ಸಾಂಸ್ಕೃತಿಕ ಕಾರ್ಯಕ್ರಮದಲ್ಲಿ ಹರಿದಾಸ ಗಣೇಶ್​ ಪಾಟೀಲ್​ ಪರ್ಕಳ ಮತ್ತು ತಂಡದಿಂದ ಹರಿಕಥಾಸತ್ಸಂಗ, ಸಂಘದ ಸದಸ್ಯ ಸುಕೇಶ್​ ಕುಂದರ್​ ನೇತೃತ್ವದಲ್ಲಿ ಹಾಗೂ ಅತಿಥಿ ಕಲಾವಿದರಿಂದ "ಇನಿ ಆತ್ತ್​ಂಡ ಎಲ್ಲೆ' ಎಂಬ ಹಾಸ್ಯಮಯ ತುಳು ನಾಟಕ ನಡೆಯಿತು.