ಆಟೋದಲ್ಲಿ ರೋಗಿಯನ್ನು ಸಾಗಿಸುತ್ತಿರುವುದು.
ಉಳ್ಳಾಲ(ದ.ಕ.): ತೀರಾ ಹದಗೆಟ್ಟ ರಸ್ತೆಯಲ್ಲಿ ಆಂಬುಲೆನ್ಸ್ ಚಲಿಸಲಾಗದೆ ಅರ್ಧದಲ್ಲೇ ನಿಂತ ಪರಿಣಾಮ ವೃದ್ಧ ರೋಗಿಯನ್ನು ಆಟೋ ಮೂಲಕ ಸಾಗಿಸಿದ ಘಟನೆ ಪಾವೂರು ಗ್ರಾಮದಲ್ಲಿ ನಡೆದಿದೆ. ಪಾವೂರು ಗ್ರಾಮದ ಇನೋಳಿ ಕಲ್ಲಾಜೆ ನಿವಾಸಿ ಯಮುನಾ(85) ಎಂಬುವರಿಗೆ ತೀವ್ರ ಅನಾರೋಗ್ಯ ಕಾಡಿದ್ದು, ಚಿಂತಾಜನಕ ಸ್ಥಿತಿಯಲ್ಲಿದ್ದ ಅವರನ್ನು ಆಸ್ಪತ್ರೆಗೆ ಸಾಗಿಸುವ ನಿಟ್ಟಿನಲ್ಲಿ ಆಂಬುಲೆನ್ಸ್ ಕರೆಸಲಾಯಿತು.
ಆದರೆ ಇಲ್ಲಿನ ರಸ್ತೆ ತೀರಾ ಹದಗೆಟ್ಟಿದ್ದರಿಂದ ಆಂಬುಲೆನ್ಸ್ ಚಲಿಸಲು ಸಾಧ್ಯವಾಗದೆ ಅರ್ಧದಲ್ಲೇ ನಿಂತಿತು. ಬಳಿಕ ಆಟೋ ತರಿಸಿ ಹರಸಾಹಸಪಟ್ಟು ರೋಗಿಯನ್ನು ಆಂಬುಲೆನ್ಸ್ ಇರುವಲ್ಲಿಗೆ ಸಾಗಿಸಲಾಯಿತು.