ಅವೈಜ್ಞಾನಿಕ ಶೈಕ್ಷಣಿಕ ಆದೇಶ ಹಿಂಪಡೆಯಿರಿ

ಸರ್ಕಾರಕ್ಕೆ ಮಂಜುನಾಥ​ ಭಟ್​ ಆಗ್ರಹ

ಪ್ರಾಂಶುಪಾಲರು-ಉಪನ್ಯಾಸಕರ ಸಂಘದಿಂದ ಮನವಿ

ವಿಜಯವಾಣಿ ಸುದ್ದಿಜಾಲ ಉಡುಪಿ

ಇತ್ತೀಚೆಗೆ ಶಾಲಾಶಿಕ್ಷಣ ಇಲಾಖೆ (ಪದವಿ ಪೂರ್ವ)ಯ ಕಾಲೇಜುಗಳಿಗೆ ಪೂರಕವಲ್ಲದ ಆದೇಶಗಳು ಬರುತ್ತಿದ್ದು, ದೈನಂದಿನ ಚಟುವಟಿಕೆಗಳ ಮೇಲೆ ದುಷ್ಪರಿಣಾಮ ಬೀರುತ್ತಿದೆ. ಇದು ಪದವಿ ಪೂರ್ವ ಕಾಲೇಜುಗಳ ಪ್ರಾಂಶುಪಾಲರು ಮತ್ತು ಉಪನ್ಯಾಸಕರ ಆತ್ಮಸ್ಥೈರ್ಯ ಕುಗ್ಗಿಸುತ್ತಿದೆ. ಕಾಲೇಜುಗಳ ಭವಿಷ್ಯ ಡೋಲಾಯಮಾನ ಸ್ಥಿತಿಗೆ ತಲುಪುತ್ತಿದೆ. ಕೂಡಲೇ ಅವೈಜ್ಞಾನಿಕ ಆದೇಶ ಹಿಂಪಡೆಯಬೇಕು ಎಂದು ಉಡುಪಿ ಜಿಲ್ಲಾ ಪ.ಪೂ. ಕಾಲೇಜುಗಳ ಪ್ರಾಂಶುಪಾಲರ ಸಂಘದ ಅಧ್ಯಕ್ಷ ಮಂಜುನಾಥ ಭಟ್​ ಆಗ್ರಹಿಸಿದರು.

ಕರ್ನಾಟಕ ಶಾಲಾ ಶಿಕ್ಷಣ ಇಲಾಖೆ (ಪ.ಪೂ.) ಹೊರಡಿಸಿರುವ ಮತ್ತು ಹೊರಡಿಸುತ್ತಿರುವ ಅವೈಜ್ಞಾನಿಕ ಆದೇಶ ಖಂಡಿಸಿ ಉಡುಪಿ ಜಿಲ್ಲಾ ಪ್ರಾಂಶುಪಾಲರು, ಉಪನ್ಯಾಸಕರ ಸಂಘದಿಂದ ಉಡುಪಿ ಜಿಲ್ಲಾಧಿಕಾರಿ ಕಚೇರಿ ಬಳಿ ಶುಕ್ರವಾರ (ನ.7) ಸಂಜೆ ಹಮ್ಮಿಕೊಂಡಿದ್ದ ಸಾಂಕೇತಿಕ ಪ್ರತಿಭಟನೆಯಲ್ಲಿ ಮಾತನಾಡಿದರು.

ವಿವಿಧ 12 ಬೇಡಿಕೆಗಳ ಮನವಿ

ಪ್ರಾಂಶುಪಾಲರ ಸಂಘದ ಪ್ರಮುಖರಾದ ನಿಕಟಪೂರ್ವ ಅಧ್ಯಕ್ಷ ವರ್ಗೀಸ್​ ಪಿ., ರವೀಂದ್ರ ಉಪಾಧ್ಯ, ಜಗದೀಶಕುಮಾರ್​, ವಿಶ್ವನಾಥ ಕರಬ, ಶ್ರೀಧರ ಶೆಟ್ಟಿ, ಸುಚೇತಾ, ಸುಜಾತಾ, ಸುಶೀಲಾ, ಲೀಲಾಬಾಯಿ ಭಟ್​, ಉಪನ್ಯಾಸಕರ ಸಂಘದ ಪ್ರಮುಖರಾದ ಉದಯಕುಮಾರ್​ ಎಂ.ಪಿ., ಸುಧೀರ್​ ಪ್ರಭು, ಹರೀಶ್​ಕುಮಾರ್​, ವಾಸು ಮೊಗೇರ, ವಿಜಯಕುಮಾರ್​, ಸವಿತಾ ಎರ್ಮಾಳ್​, ರಂಜಿತಾ, ಜಿನ್ಸಿ ಜಾಯ್​, ಚಂದ್ರಕಲಾ ಶೆಟ್ಟಿ ಇತರರಿದ್ದರು.