ಉಡುಪಿ ಜಿಲ್ಲಾ ಪ.ಪೂ. ಪ್ರಾಂಶುಪಾಲರ ಸಂಘದ ಮಹಾಸಭೆ
ಗೌರವಾಧ್ಯಕ್ಷರಾಗಿ ಡಿಡಿಪಿಯು ಮಾರುತಿ ಆಯ್ಕೆ
ಉಡುಪಿ ಜಿಲ್ಲಾ ಪದವಿಪೂರ್ವ ಪ್ರಾಂಶುಪಾಲರ ಸಂಘದ ಅಧ್ಯಕ್ಷರಾಗಿ ಹಿರಿಯಡ್ಕದ ಸರ್ಕಾರಿ ಪದವಿ ಪೂರ್ವ ಕಾಲೇಜಿನ ಪ್ರಾಂಶುಪಾಲ ಮಂಜುನಾಥ ಭಟ್ ಸರ್ವಾನುಮತದಿಂದ ಆಯ್ಕೆಯಾಗಿದ್ದಾರೆ.
ಕೋಟದಲ್ಲಿ ನಡೆದ ಸಂಘದ ಮಹಾಸಭೆಯಲ್ಲಿ 21 ನೂತನ ಪದಾಧಿಕಾರಿಗಳನ್ನು ನೇಮಕ ಮಾಡಲಾಗಿದ್ದು, ಸಂಘದ ಗೌರವಾಧ್ಯಕ್ಷರಾಗಿ ಉಡುಪಿ ಜಿಲ್ಲಾ ಶಾಲಾ ಶಿಕ್ಷಣ ಇಲಾಖೆ (ಪದವಿ ಪೂರ್ವ)ಯ ಉಪನಿರ್ದೇಶಕ ಮಾರುತಿ ಆಯ್ಕೆಯಾದರು.
ಕಾರ್ಯದರ್ಶಿಯಾಗಿ ಕಾರ್ಕಳದ ಭುವನೇಂದ್ರ ಪ.ಪೂ. ಕಾಲೇಜಿನ ರಮೇಶ ಎಸ್.ಸಿ., ಖಜಾಂಚಿ- ಕಟಪಾಡಿ ತ್ರಿಶಾ ಕಾಲೇಜಿನ ಹರಿಪ್ರಸಾದ್, ಸಾಂಸ್ಕೃತಿಕ ಕಾರ್ಯದರ್ಶಿ- ಕೋಟದ ವಿವೇಕ ಪದವಿ ಪೂರ್ವ ಕಾಲೇಜಿನ ಜಗದೀಶ ನಾವಡ, ಕ್ರೀಡಾ ಸಂಚಾಲಕ- ಉಡುಪಿ ಪೂರ್ಣಪ್ರಜ್ಞ ಕಾಲೇಜಿನ ಸಂತೋಷ್, ಪರೀಕ್ಷಾ ಸಂಚಾಲಕ- ಬ್ರಹ್ಮಾವರ ಸರ್ಕಾರಿ ಕಾಲೇಜಿನ (ಕೆಪಿಎಸ್) ರವೀಂದ್ರ ಉಪಾಧ್ಯ, ರಾಜ್ಯ ಸಂಘದ ಉಡುಪಿ ಜಿಲ್ಲಾ ಪ್ರತಿನಿಧಿ- ಕುಂದಾಪುರದ ಭಂಡಾರ್ಕರ್ಸ್ ಕಾಲೇಜಿನ ಡಾ. ಜಿ.ಎಂ. ಗೊಂಡ ಆಯ್ಕೆಯಾದರು.
ನಿಕಟಪೂರ್ವ ಅಧ್ಯಕ್ಷ ಮಲ್ಪೆಯ ಸರ್ಕಾರಿ ಕಾಲೇಜಿನ ವರ್ಗೀಸ್ ಪಿ. ಅವರನ್ನು ಗೌರವ ಸಲಹೆಗಾರರಾಗಿ ಆಯ್ಕೆ ಮಾಡಲಾಯಿತು. ಕಾರ್ಯಕಾರಿ ಸಮಿತಿ ಸದಸ್ಯರಾಗಿ ವಿವಿಧ ಕಾಲೇಜಿನ ಪ್ರಾಂಶುಪಾಲರಾದ ವಿಶ್ವನಾಥ ಕರಬ, ಜಗದೀಶಕುಮಾರ್, ಸುಶೀಲಾ, ಜಗದೀಶ ಭಟ್, ಸುಜಾತಾ ಎಂ., ಪ್ರಕಾಶ ಶೆಟ್ಟಿ, ಸೀತಾರಾಮ, ಗ್ರೆಟ್ಟಾ ಮೊರಾಸ್, ಸುಚೇತಾ, ಮಾಲತಿದೇವಿ, ಕವಿತಾ, ಡಾ.ಜಾರ್ಜ್, ಗೋಪಾಲಕೃಷ್ಣ ಮತ್ತು ರಿಚರ್ಡ್ ಜೀವನ್ ಮೊರಾಸ್ ನೇಮಕಗೊಂಡರು.
ತಾಲೂಕು ನೋಡಲ್ ಸೆಂಟರ್ನ ಸದಸ್ಯರಾಗಿ ಲೀಲಾಬಾಯಿ ಭಟ್, ಡಾ. ಸುಮಾ, ಅನ್ನಪೂರ್ಣಾ ಕಾಮತ, ರಾಮಕೃಷ್ಣ ಬಿ.ಜಿ. ಮತ್ತು ವೆಂಕಟರಮಣ ನಾಯಕ ಇವರನ್ನು ಆಯ್ಕೆ ಮಾಡಲಾಯಿತು.