ಆನೇಕಲ್ : ತಾಲೂಕಿನ ಜಿಗಣಿ ಮಾರ್ಗದ ಉರಗನದೊಡ್ಡಿ ಬಳಿ ಶನಿವಾರ ಚಾಲಕನ ನಿಯಂತ್ರಣ ತಪ್ಪಿದ ಕಂಟೇನರ್ವೊಂದು ಪ್ರಪಾತಕ್ಕೆ ಉರುಳಿ ಬಿದ್ದಿದ್ದರಿಂದ ಇಬ್ಬರು ಸ್ಥಳದಲ್ಲೇ ಮೃತಪಟ್ಟಿದ್ದು, ನಾಲ್ವರು ಗಂಭೀರ ಗಾಯಗೊಂಡಿದ್ದಾರೆ. ಜಾರ್ಖಂಡ್ ಮೂಲದ ಶ್ರೀಮಾನ್ (25), ಆಂಧ್ರಪ್ರದೇಶ ಮೂಲದ ಶ್ರೀನಿವಾಸ್ (26) ಮೃತರು. ಕಂಟೇನರ್ನಲ್ಲಿದ್ದ ಜಾರ್ಖಂಡ್ ಮೂಲದ ಜೋಗೇಂದ್ರ (35), ಮಂಗಲೇಶ್ವರ (37), ಸುಖೇಶ್ (27) ಮತ್ತು ಬುಲು ಓರಾನ್(33) ಎಂಬುವರು ಗಾಯಗೊಂಡಿದ್ದು, ಜಿಗಣಿ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಇಳಿಜಾರಿನಲ್ಲಿ ಕಂಟೇನರ್ ವೇಗವಾಗಿ ಸಾಗಿದ್ದು, ನಿಯಂತ್ರಣ ಕಳೆದುಕೊಂಡಿದೆ. ಕೇಬಲ್ ಡ್ರಿಲ್ಲಿಂಗ್ ಮಷಿನ್ ಆಪರೇಟರ್ ಆಗಿದ್ದ ಶ್ರೀಮಾನ್, ಚಾಲಕ ಶ್ರೀನಿವಾಸ್ ಜತೆ ಮುಂಭಾಗದಲ್ಲಿ ಕುಳಿತಿದ್ದ. ಪ್ರಪಾತಕ್ಕೆ ಉರುಳಿದಾಗ ಇಬ್ಬರೂ ಕಂಟೇನರ್ ಕೆಳಗೆ ಸಿಲುಕಿದ್ದರಿಂದ ಮೃತಪಟ್ಟಿದ್ದಾರೆ.
ಜೆಡಿ ಎಂಟರ್ಪ್ರೆಸಸ್ ಎಂಬ ಕಂಪನಿಗೆ ಸೇರಿದ ಕೇಬಲ್ ಅಳವಡಿಕೆ ಮಾಡುವ ಡ್ರಿಲ್ಲಿಂಗ್ ಕಂಟೇನರ್ ಇದಾಗಿದ್ದು, ಇದೇ ಕಂಪನಿಯಲ್ಲಿ ಕಾರ್ಮಿಕರಾಗಿ ಕೆಲಸ ಮಾಡುತ್ತಿದ್ದವರು ವಾಹನದಲ್ಲಿ ಇದ್ದರು. ಆನೇಕಲ್ ತಾಲೂಕಿನ ಬೊಮ್ಮಸಂದ್ರದಿಂದ ಹಾರೋಹಳ್ಳಿಗೆ ಸಾಗುತ್ತಿತ್ತು ಎನ್ನಲಾಗಿದೆ. ಉರುಗನ ದೊಡ್ಡಿ ಬಳಿ ರಸ್ತೆ ಇಳಿಜಾರಿನಿಂದ ಕೂಡಿದೆಯಲ್ಲದೆ, ಕಠಿಣ ತಿರುವುಗಳನ್ನು ಹೊಂದಿದೆ. ಹಾಗಾಗಿ ಕಂಟೇನರ್ ಚಾಲಕನ ನಿಯಂತ್ರಣ ತಪ್ಪಿ ಪಲ್ಟಿ ಹೊಡೆದಿದೆ. ಈ ವೇಳೆ ಒಳಗಡೆ ಇದ್ದವರೆಲ್ಲರೂ ಹೊರಗೆ ಬಿದ್ದಿದ್ದಾರೆ.
ಟನೆ ಸಂಭವಿಸುತ್ತಿದ್ದಂತೆ ಅಕ್ಕಪಕ್ಕದ ನಿವಾಸಿಗಳು ಹಾಗೂ ದಾರಿ ಹೋಕರು ನೆರವಿಗೆ ಧಾವಿಸಿದ್ದಾರೆ. ಬಳಿಕ ಸ್ಥಳಕ್ಕೆ ಆಗಮಿಸಿದ ಜಿಗಣಿ ಪೊಲೀಸರು ಮೃತ ದೇಹಗಳನ್ನು ಆನೇಕಲ್ ಸರ್ಕಾರಿ ಆಸ್ಪತ್ರೆಗೆ ರವಾನಿಸಿದ್ದು, ಮರಣೋತ್ತರ ಪರೀೆಯನ್ನು ಆನೇಕಲ್ ಸರ್ಕಾರಿ ಆಸ್ಪತ್ರೆಯಲ್ಲಿ ನಡೆಸಿ, ಕುಟುಂಬಸ್ಥರಿಗೆ ಹಸ್ತಾಂತರ ಮಾಡಲಾಯಿತು. ಈ ಸಂದರ್ಭದಲ್ಲಿ ಕುಟುಂಬಸ್ಥರ ಆಕ್ರಂದನ ಮುಗಿಲು ಮುಟ್ಟಿತ್ತು.
ಮೃತ ಚಾಲಕರ ವಿರುದ್ಧ ದೂರು : ಅಪಘಾತದಲ್ಲಿ ಮೃತಪಟ್ಟ ಕಂಟೇನರ್ ಚಾಲಕ ಶ್ರೀನಿವಾಸ್ ವಿರುದ್ಧ ಅತಿಯಾದ ವೇಗ ಹಾಗೂ ಅಜಾಗರೂಕತೆ ಹಿನ್ನೆಲೆಯಲ್ಲಿ ಜಿಗಣಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ. ಉದ್ಯೋಗ ಅರಸಿ ಹೊರ ರಾಜ್ಯಗಳಿಂದ ಬಂದಿದ್ದ ಎಲ್ಲರೂ ಹಾರೋಹಳ್ಳಿಗೆ ಕೆಲಸಕ್ಕೆಂದು ಕಂಟೇನರ್ನಲ್ಲಿ ತೆರಳುವ ವೇಳೆ ದುರ್ಟನೆ ನಡೆದಿದೆ. ಟನಾಸ್ಥಳಕ್ಕೆ ಡಿವೈಎಸ್ಪಿ ಮೋಹನ್ಕುಮಾರ್, ಇನ್ಸ್ಪೆಕ್ಟರ್ ಮಂಜುನಾಥ್ ಭೇಟಿ ನೀಡಿ ಕ್ರೇನ್ ಮೂಲಕ ಕಂಟೇನರ್ ಮೇಲೆ ಎತ್ತಿಸಿದರು.
ಈ ಹಿಂದೆಯೂ ಅವಡ : ಉರುಗನ ದೊಡ್ಡಿ ಬಳಿ ಕಡಿದಾದ ಇಳಿಜಾರು ಇದೆ. ಇನ್ನೊಂದು ಭಾಗಕ್ಕೆ ಹೋಗಬೇಕಾದರೆ ಅತಿ ಎತ್ತರದ ಪ್ರದೇಶದಲ್ಲಿ ತಿರುವು ಇದೆ. ಹಾಗಾಗಿ ಇಲ್ಲಿ ಪದೇ ಪದೆ ಅಪಘಾತಗಳು ಸಂಭವಿಸುತ್ತಿರುತ್ತವೆ. ಈ ರಸ್ತೆಯ ತಿರುವುಗಳನ್ನು ತೆರವು ಮಾಡಿದರೆ ವಾಹನ ಸವಾರರಿಗೆ ಅನುಕೂಲವಾಗಲಿದೆ ಎಂಬುದು ಸ್ಥಳಿಯರ ಆಗ್ರಹವಾಗಿದೆ.