ತುಮಕೂರು: ಕೆರೆಯಲ್ಲಿ ಈಜಾಡಲೆಂದು ಹೋಗಿದ್ದ ಐವರು ಸ್ನೇಹಿತರ ಪೈಕಿ ಇಬ್ಬರು ದುರ್ಮರಣಕ್ಕೀಡದ ಘಟನೆ ಕೊರಟಗೆರೆ ತಾಲೂಕಿನ ಅಕ್ಕಿರಾಂಪುರದಲ್ಲಿ ಸಂಭವಿಸಿದೆ.
ಹೊಸಹಳ್ಳಿಯ ನಂದನ್ ಕುಮಾರ್(16) ಹಾಗೂ ಸತೀಶ್ (15) ಮೃತ ದುರ್ದೈವಿಗಳು. ಇವರಿಬ್ಬರೂ ಸ್ನೇಹಿತರ ಕಣ್ಣೆದುರಲ್ಲೇ ಜಲಸಮಾಧಿಯಾಗಿದ್ದು, ಕುಟುಂಬಸ್ಥರ ಆಕ್ರಂದನ ಮುಗಿಲುಮುಟ್ಟಿದೆ. ಐವರು ಸ್ನೇಹಿತರು ಅಕ್ಕಿರಾಂಪುರ ಕೆರೆಗೆ ಶುಕ್ರವಾರ ಈಜಾಡಲು ತೆರಳಿದ್ದರು.
ನಂದನ್ ಕುಮಾರ್ನ ದೇಹವನ್ನು ಮೇಲೆತ್ತಲಾಗಿದೆ. ಸತೀಶ್ನ ಶವ ಹೊರತೆಗೆಯಲು ಅಗ್ನಿಶಾಮಕ ಸಿಬ್ಬಂದಿ ಕಾರ್ಯಾಚರಣೆ ನಡೆಸುತ್ತಿದ್ದು, ಮಧ್ಯಾಹ್ನ 3.30 ಆದರೂ ಪತ್ತೆಯಾಗಿರಲಿಲ್ಲ.