ತುಮಕೂರಿನ ವಿದ್ಯಾವಾಹಿನಿ ಸಮೂಹ ಶಿಕ್ಷಣ ಸಂಸ್ಥೆಯ ವಿದ್ಯಾನಿಧಿ ಕಾಲೇಜಿನಲ್ಲಿ ನಿರ್ಮಿಸಿರುವ ವಿಜಿ ಆಡಿಟೋರಿಯಂ ಅನ್ನು ಹಿರಿಯ ಪತ್ರಕರ್ತ ವಿಶ್ವೇಶ್ವರ ಭಟ್ ಲೋಕಾರ್ಪಣೆ ಮಾಡಿದರು. ಕೆ.ಬಿ.ಜಯಣ್ಣ, ಎನ್.ಬಿ.ಪ್ರದಿಪ್ ಕುಮಾರ್, ಓಂಕಾರ್, ಸಿದ್ದೇಶ್ವರಸ್ವಾಮಿ, ಸುಬ್ರಹ್ಮಣ್ಯ, ಪ್ರೇಮ್, ಅರುಣಾ ಮತ್ತಿತರರು ಇದ್ದರು.
- ಹಿರಿಯ ಪತ್ರಕರ್ತ ವಿಶ್ವೇಶ್ವರ ಭಟ್
- ಇಡೀ ಜಗತ್ತು ಪರಿಚಯಿಸಲಿರುವ ಮೊಬೈಲ್
- ನಿತ್ಯ 5 ಗಂಟೆ ಮೊಬೈಲ್ ಬಳಸಿ
ತುಮಕೂರು: ವಿದ್ಯಾವಾಹಿನಿ ಶಿಕ್ಷಣ ಸಮೂಹ ಸಂಸ್ಥೆ ವತಿಯಿಂದ ವಿದ್ಯಾನಿಧಿ ಕಾಲೇಜಿನಲ್ಲಿ ನೂತನವಾಗಿ ನಿರ್ಮಿಸಿರುವ "ವಿಜಿ ಆಡಿಟೋರಿಯಂ' ಅನ್ನು ಶುಕ್ರವಾರ ಲೋಕಾರ್ಪಣೆ ಮಾಡಲಾಯಿತು. ಸಕಾರಾತ್ಮಕ ಮೊಬೈಲ್ ಬಳಕೆಯಿಂದ ಇಡೀ ಜಗತ್ತು ನಿಮಗೆ ಪರಿಚಯವಾಗಲಿದೆ. ಹೊಸ, ಹೊಸ ಆ್ಯಪ್ಗಳನ್ನು ಅನ್ವೇಷಿಸುವುದರೊಂದಿಗೆ ಭಾಷಾ, ಜ್ಞಾನಭಂಡಾರ ತೆರೆದುಕೊಳ್ಳಲಿದೆ ಎಂದು ಹಿರಿಯ ಪತ್ರಕರ್ತ ವಿಶ್ವೇಶ್ವರ ಭಟ್ ಹೇಳಿದರು.
ಮುಂದಿನ ಐದು ವರ್ಷಗಳಲ್ಲಿ ನೀವು ಏನಾಗಬೇಕೆಂಬುದನ್ನು ಇಂದೇ ನಿರ್ಧರಿಸಿ ಅಚಲ ವಿಶ್ವಾಸದಿಂದ ಗುರಿಯಡೆಗೆ ನಡೆದಲ್ಲಿ ಯಶಸ್ಸು ಕಟ್ಟಿಟ್ಟಬುತ್ತಿ. ಇಂದಿನ ವಿದ್ಯಾರ್ಧಿಗಳೆದುರು ಹೊಸತೊಂದು ಲೋಕವೇ ಸೃಷ್ಟಿಯಾಗಿದೆ. ನೀವು ಬದುಕುತ್ತಿರುವ ಯುಗವೇ ಅದ್ಭುತ, ಸಂಭ್ರಮದಿಂದ ಕೂಡಿರುವಂಥದ್ದು. ಈಜುವುದೊಂದನ್ನು ಹೊರತು ಪಡಿಸಿ ಮತ್ತೆಲ್ಲಾ ಕೌಶಲಗಳನ್ನೂ ಆನ್ ಲೈನ್ ಮೂಲಕ ಕಲಿಯಹುದು. ಒಳ್ಳೆಯ ಸ್ಮಾರ್ಟ್ ಫೋನ್ ಇಟ್ಟುಕೊಳ್ಳಿ. ಸಾಧ್ಯವಾದಷ್ಟು ಭಾಷೆಗಳನ್ನು ಕಲಿತುಕೊಳ್ಳಿ. ಅಭಿವ್ಯಕ್ತಿಯ್ನು ಸುಧಾರಿಸುವ ನಿಟ್ಟಿನಲ್ಲಿ ಕಾಯೋರ್ನ್ಮುಖವಾಗಿ. ಜಗತ್ತು ನಿಮ್ಮನ್ನು ಸ್ವೀಕರಿಸುವ ರೀತಿ ಬೇರೆಯೇ ಆಗುತ್ತದೆ. ಪ್ರತಿನಿತ್ಯ 5 ಗಂಟೆ ನೀವು ಮೊಬೈಲ್ ನೋಡಿ. ಇಪುಸ್ತಕಗಳನ್ನು ಓದಿ, ಎಐ ಮೂಲಕ ಹೊಸದನ್ನು ಅನ್ವೇಷಿಸುವ ಮೂಲಕ ನಿಮ್ಮನ್ನು ನೀವು ತೆರೆದುಕೊಳ್ಳಿ ಎಂದು ಹೇಳಿದರು.
ವಿದ್ಯಾವಾಹಿನಿ ಸಮೂಹ ಶಿಕ್ಷಣ ಸಂಸ್ಥೆಗಳ ಕಾರ್ಯದರ್ಶಿ ಎನ್.ಬಿ.ಪ್ರದಿಪ್ ಕುಮಾರ್ ಮಾತನಾಡಿ, ಶೈಕ್ಷಣಿಕ ಕಾರ್ಯಕ್ರಮಗಳನ್ನು ವಿದ್ಯಾರ್ಥಿಗಳಿಗೆ ಆಪ್ತವಾಗಿಸುವ ನಿಟ್ಟಿನಲ್ಲಿ ಅತ್ಯಾಧುನಿಕ ವ್ಯವಸ್ಥೆಯ ಆಡಿಟೋರಿಯಂ ರೂಪುಗೊಂಡಿದೆ. ಮುಂದಿನ ದಿನಗಳಲ್ಲಿ ಕೌಶಲಆಧಾರಿತ ಕಲಿಕೆಯು ಹೆಚ್ಚು ಪ್ರಾಮುಖ್ಯತೆಯನ್ನು ಪಡೆಯಲಿದೆ. ತಮ್ಮ ಪ್ರತಿಭೆಯನ್ನು ಅಭಿವ್ಯಕ್ತಿಸುವ ಸಾಮರ್ಥ್ಯ ವಿದ್ಯಾರ್ಥಿಗಳಲ್ಲಿ ಹೆಚ್ಚಾಗಬೇಕು. ಅದಕ್ಕೆ ಪೂರಕ ವಾತಾವರಣನ್ನು ಕಲ್ಪಿಸುವುದು ಈ ಆಡಿಟೋರಿಯಂ ನಿರ್ಮಾಣದ ಉದ್ದೇಶ ಎಂದು ತಿಳಿಸಿದರು.
ಸಂಸ್ಥಾಪಕ ಅಧ್ಯಕ್ಷ ಕೆ.ಬಿ.ಜಯಣ್ಣ, ಉದ್ಯಮಿ ಓಂಕಾರ್, ವಿದ್ಯಾನಿಧಿ ಪ್ರಾಂಶುಪಾಲ ಸಿದ್ದೇಶ್ವರ ಸ್ವಾಮಿ, ಸುಬ್ರಹ್ಮಣ್ಯ, ಪ್ರೇಮ್, ಅರುಣಾ ಮತ್ತಿತರರು ಉಪಸ್ಥಿತರಿದ್ದರು. ಎಂ.ಎಸ್.ಹೇಮಲತಾ ಪ್ರಾರ್ಥಿಸಿ, ಅಕ್ಷತಾ ಸ್ವಾಗತಿಸಿದರು. ಡಾ. ಆರತಿ ಪಟ್ರಮೆ ಕಾರ್ಯಕ್ರಮ ನಿರೂಪಿಸಿದರು.