ವಿಎಒ ಸಾವು ನ್ಯಾಯವೇ ?

ತಾಲೂಕಿನ ಗೂಳೂರು ಸಮೀಪದ ಬೇವಿನಮರದಮ್ಮ ಗುಡಿ ಸಮೀಪ ದ್ವಿಚಕ್ರವಾಹನದಲ್ಲಿ ಬೆಳಗ್ಗೆ 8 ಗಂಟೆಗೆ ಅವಸರದಲ್ಲಿ ಎಸ್​ಐಆರ್​ ಕಾರ್ಯಕ್ಕೆ ತೆರಳುತ್ತಿದ್ದಾಗ ಲಾರಿ ಡಿಕ್ಕಿ ಹೊಡೆದಿದ್ದು ತೀವ್ರವಾಗಿ ಗಾಯಗೊಂಡಿ ರಕ್ತದ ಮಡುವಿನಲ್ಲಿ ಬಿದ್ದಿದ್ದ ಭುವನ (24)ರನ್ನು ಸಿದ್ದಗಂಗಾ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರೆ, ಚಿಕಿತ್ಸೆ ಫಲಕಾರಿಯಾಗದೆ ಸಂಜೆ ಸಾವನ್ನಪ್ಪಿದರು. ತಾಲೂಕು ಹೊಳಕಲ್ಲು ಗ್ರಾಪಂ ವಿಎಒ ಆಗಿ ಕರ್ತವ್ಯ ನಿರ್ವಹಿಸುತ್ತಿದ್ದ ಭುವನ ಅವರು ನೆಲಮಂಗಲ ತಾಲೂಕು ಟಿ.ಬೇಗೂರು ಸಮೀಪದ ವರದನಾಯಕಹಳ್ಳಿಯ ರಮೇಶ್​, ಸರೋಜಮ್ಮ ದಂಪತಿ ಪುತ್ರಿ.ಭುವನ ಅವಿವಾಹಿತೆ.

ಡಿಸಿ ಕಾರಿಗೆ ಮುತ್ತಿಗೆ: ತಲೆಗೆ ಗಂಭೀರ ಪೆಟ್ಟುಬಿದ್ದು ಜೀವನ್ಮರಣ ಹೋರಾಟ ನಡೆಸುತ್ತಿದ್ದ ಭುವನ ಆಸ್ಪತ್ರೆಯ ತೀವ್ರ ನಿಗಾ ಟಕದಲ್ಲಿದ್ದ ಸುದ್ದಿ ತಿಳಿಯುತ್ತಿದ್ದಂತೆ ಸಿದ್ದಗಂಗಾ ಆಸ್ಪತ್ರೆ ಬಳಿ ಜಮಾವಣೆಗೊಂಡ ಕಂದಾಯ ಇಲಾಖೆ ನೌಕರರು, ಕಾರ್ಯದ ಒತ್ತಡವೇ ಈ ಸಾವಿಗೆ ಕಾರಣ. ಈ ಸಾವು ನ್ಯಾಯವೇ? ಜಿಲ್ಲಾಧಿಕಾರಿಗಳೇ ಇದಕ್ಕೆ ನೇರ ಹೊಣೆ ಎಂದು ಆಕ್ರೋಶ ಹೊರಹಾಕಿದರಲ್ಲದೆ, ಡಿಸಿ ಕಚೇರಿಗೆ ಮುತ್ತಿಗೆ ಹಾಕಿ ಪ್ರತಿಭಟಿಸಿದರು. ಈ ವೇಳೆ ಶುಭಕಲ್ಯಾಣ್​ ಸಾವರಿಸಿಕೊಂಡು ಆಸ್ಪತ್ರೆ ಒಳ ಪ್ರವೇಶಿಸಿದರು.

ಆಸ್ಪತ್ರೆ ಮುಂಭಾಗವೇ ಜಮಾಯಿಸಿದ ಕಂದಾಯ ಇಲಾಖೆ ನೌಕರರು ಪ್ರತಿಭಟನೆಗೆ ಮುಂದಾದರು. ನಂತರ ಪ್ರತಿಭಟನೆಯನ್ನು ಜಿಲ್ಲಾಧಿಕಾರಿ ಕಚೇರಿ ಬಳಿಗೆ ಸ್ಥಳಾಂತರಿಸಲಾಯಿತು.

ಕಂದಾಯ ಇಲಾಖೆ ನೌಕರರ ಸಂಘದ ಜಿಲ್ಲಾಧ್ಯಕ್ಷ ನರಸಿಂಹರಾಜು, ರಾಜ್ಯ ಸರ್ಕಾರಿ ನೌಕರರ ಸಂಘದ ಹಿರಿಯ ಉಪಾಧ್ಯಕ್ಷ, ಇಂಜಿನಿಯರ್ಸ್​ ಸಂಘದ ಅಧ್ಯಕ್ಷ ರಾಧಾಕೃಷ್ಣ, ರಾಜ್ಯ ಗ್ರಾಮ ಆಡಳಿತ ಅಧಿಕಾರಿಗಳ ಸಂಘದ ಅಧ್ಯಕ್ಷ ಯೋಗೀಶ್​ ನಾಯಕ್​, ಜಿಲ್ಲಾಧ್ಯಕ್ಷ ದೇವರಾಜು ಸೇರಿದಂತೆ ಜಿಲ್ಲೆಯ ಎಲ್ಲಾ ವಿಎಒಗಳು, ಕಂದಾಯ ಇಲಾಖೆ ಸಿಬ್ಬಂದಿ ಪ್ರತಿಭಟನೆಯಲ್ಲಿ ಪಾಲ್ಗೊಂಂಡಿದ್ದರು.