ಬಂದಕುಂಟೆ ಕೃಷಿ ಪತ್ತಿನ ಸಂಕ್ಕೆ ಅವಿರೋಧ ಆಯ್ಕೆ

ಪೂರ್ವ ನಿಗದಿಯಂತೆ ಗುರುವಾರ ನಡೆದ ಚುನಾವಣೆ ಪ್ರಕ್ರಿಯೆಯಲ್ಲಿ ಅಧ್ಯಕ್ಷ ಸ್ಥಾನಕ್ಕೆ ಹನುಮನಹಳ್ಳಿ ತಿಮ್ಮಣ್ಣ ಹಾಗೂ ಉಪಾಧ್ಯಕ್ಷ ಸ್ಥಾನಕ್ಕೆ ಬಂದಕುಂಟೆ ಗೊಲ್ಲರಹಟ್ಟಿ ಬಿ.ಕೆ.ಮಂಜುನಾಥ್​ ಹೊರತುಪಡಿಸಿ ಬೇರಾರು ನಾಮಪತ್ರ ಸಲ್ಲಿಸದ ಕಾರಣ ಚುನಾವಣಾಧಿಕಾರಿ ಶಿರಾ ತಾಲೂಕು ಸಹಕಾರಿ ಅಭಿವೃದ್ಧಿಅಧಿಕಾರಿ ಶ್ರೀನಿವಾಸ್​ ಅವಿರೋಧ ಆಯ್ಕೆ ಘೋಷಿಸಿದರು.

ನೂತನ ಅಧ್ಯಕ್ಷ ಹನುಮನಹಳ್ಳಿ ತಿಮ್ಮಣ್ಣ ಮಾತನಾಡಿ, ರೈತರ ಏಳಿಗೆಗಾಗಿ ನನಗೆ ನೀಡಲಾದ ಈ ಜವಾಬ್ದಾರಿಯನ್ನು ಅತ್ಯಂತ ಪ್ರಾಮಾಣಿಕವಾಗಿ ನಿಭಾಯಿಸುತ್ತೇನೆ. ಬಿತ್ತನೆಬೀಜ ಹಾಗೂ ರಸಗೊಬ್ಬರವನ್ನು ಬಂದಕುಂಟೆ ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘದ ಕಚೇರಿಯಲ್ಲೇ ಸುಲಭವಾಗಿ ದೊರಕಿಸಿಕೊಡುವ ಪ್ರಾಮಾಣಿಕ ಪ್ರಯತ್ನ ಮಾಡುವೆ ಎಂದರು.

ಉಪಾಧ್ಯಕ್ಷ ಬಂದಕುಂಟೆ ಗೊಲ್ಲರಹಟ್ಟಿ ಬಿ.ಕೆ.ಮಂಜುನಾಥ್​ ಮಾತನಾಡಿ, ರೈತರ ಪರವಾಗಿ ಧ್ವನಿಯಾಗಿರುವೆ. ಯುವಕರನ್ನು ಹೆಚ್ಚು ಕೃಷಿ ಚಟುವಟಿಕೆಯಲ್ಲಿ ತೊಡಗಿಸಿಕೊಳ್ಳುವಂತೆ ಹಾಗೂ ಸರ್ಕಾರದ ಸೌಲಭ್ಯಗಳನ್ನು ಸಮರ್ಪಕವಾಗಿ ಬಳಸಿಕೊಂಡು ಕೃಷಿಯಲ್ಲಿ ಯಶಸ್ಸು ಸಾಧಿಸಿ ಆರ್ಥಿಕವಾಗಿ ಸದೃಢರಾಗಲು ಎಲ್ಲ ರೀತಿಯಲ್ಲೂ ಸಂಘದಿಂದ ನೀಡಲು ನೆರವು ನೀಡಲು ಯತ್ನಿಸಲಾಗುವುದು ಎಂದರು. ಎಲ್​ಐಸಿ ನಾಗರಾಜ್​, ಶಿರಾ ಡಿಸಿಸಿ ಬ್ಯಾಂಕ್​ ಮೇಲ್ವಿಚಾರಕ ಎಚ್​. ಎಂ.ಜನಾರ್ದನ್​, ಮುಖ್ಯ ಕಾರ್ಯನಿರ್ವಾಹಣಾಧಿಕಾರಿ ಜಿ.ಸಿ.ಗುರುಲಿಂಗಪ್ಪ, ಸಂಘದ ಸಿಬ್ಬಂದಿ ಇದ್ದರು.