ಟಿವಿಕೆಯ ಕನ್ನಡ ಕುವರ

ತಮಿಳುನಾಡಿನ ಮೆಟ್ಟುಪಾಳ್ಯಂ ವಿಧಾನಸಭಾ ಕ್ಷೇತ್ರದಿಂದ ಸುನಿಲ್​ ಆನಂದ್​ ಮೊದಲಪ್ರಯತ್ನದಲ್ಲೇ ಶಾಸಕರಾಗಿ ಆಯ್ಕೆಯಾಗಿದ್ದು ತಮಿಳು ನೆಲದಲ್ಲಿ ರಾಜಕೀಯ ನೆಲೆಯನ್ನು ಕಂಡುಕೊಳ್ಳುವಲ್ಲಿ ಯಶಕಂಡಿದ್ದಾರೆ.

ಸುನಿಲ್​ ಆನಂದ್​ ಮೂಲತಃ ತಾಲೂಕಿನ ಹೊಡೆಕೆಘಟ್ಟದವರು. ಇದೇ ಗ್ರಾಮದ ಮಾಜಿ ಶಾಸಕ ಹೆಚ್​.ಬಿ.ನಂಜೇಗೌಡರ ಸಂಬಂಧಿಕರಾಗಿದ್ದು ಹತ್ತಾರು ವರ್ಷಗಳ ಹಿಂದೆಯೇ ಗ್ರಾಮತೊರೆದ ಸುನಿಲ್​ ಆನಂದ್​ರ ತಾತ ಹೆಚ್​.ಎನ್​.ಮುದ್ದೇಗೌಡ ಜೀವನೋಪಯಾಕ್ಕಾಗಿ ತಮಿಳುನಾಡಿನ ಮೆಟ್ಟುಪಾಳ್ಯಂ ದಾರಿ ಹಿಡಿದಿದ್ದರು. ಮುದ್ದೇಗೌಡ ಅವರ ಸಹೋದರ ನಂಜೇಗೌಡ ಸಹ ಅಲ್ಲಿಯೇ ವ್ಯಾಪಾರ ಆರಂಭಿಸಿ ಬದುಕು ಕಟ್ಟಿಕೊಳ್ಳುವುದರ ಜತೆಗೆ ತಾವು ದುಡಿದ ಪಾಲಿನಲ್ಲಿ ಒಂದಿಷ್ಟು ಸಮಾಜಸೇವೆಗೆ ಸಮರ್ಪಿಸಿದರು. ಈ ದಾನಧರ್ಮವು ಕುಟುಂಬವನ್ನು ಸ್ಥಳಿಯವಾಗಿ ರಾಜಕೀಯ ಮುಖಂಡರಾಗಿ ಬೆಳೆಯಲು ಕಾರಣವಾಯಿತು.

ಮುದ್ದೇಗೌಡರ ಮೊಮ್ಮಗ ಸುನಿಲ್​ ಆನಂದ್​ ಈಗ ರಾಜಕೀಯ ನೆಲೆ ಕಂಡುಕೊಳ್ಳಲು ಜನರೊಂದಿಗಿನ ಒಡನಾಟ ಕೈಹಿಡಿಯಿತು.

ಲೇಟ್​.ನಾಗರಾಜ್​ ಪುತ್ರ ಸುನಿಲ್​ರನ್ನು ಗುರುತಿಸಿ ಟಿವಿಕೆ ಸಾರಥಿ ವಿಜಯ್​ ಈ ಬಾರಿ ಚುನಾವಣೆಯಲ್ಲಿ ವಿಧಾನಸಭೆಗೆ ಸ್ಪರ್ಧಿಸಲು ಟಿಕೆಟ್​ ನೀಡಿದ್ದು ಅವರಿಗೆ ಅದೃಷ್ಟ ಕುಲಾಯಿಸುವಂತೆ ಮಾಡಿದೆ. ಮೊದಲ ಚುನಾವಣೆಯಲ್ಲೇ ಅತಿರಥ, ಮಹಾರಥರನ್ನು ಮಣಿಸಿ ತಮಿಳುನಾಡು ವಿಧಾನಸಭೆ ಪ್ರವೇಶಿಸುತ್ತಿದ್ದಾರೆ ಈ ಕನ್ನಡ ಕುವರ.