ಕುಣಿಗಲ್ ಪಟ್ಟಣದಲ್ಲಿ ಜೆಡಿಎಸ್ ತಾಲೂಕು ಅಧ್ಯಕ್ಷ ಜಗದೀಶ್ ನಾಗರಾಜಯ್ಯ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದರು. ಕೆ.ಎಲ್.ಹರೀಶ್, ಈ. ಮಂಜು, ವಾಸು, ರಂಗಸ್ವಾಮಿ, ಜಗದೀಶ್ ಮತ್ತಿತರರು ಇದ್ದರು.
- ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋ ವೈರಲ್
- ಮತಪಟ್ಟಿಗೆ ಬಾಂಗ್ಲಾ ಅಕ್ರಮ ವಲಸಿಗರ ಹೆಸರು
- ತಾಲೂಕು ಜೆಡಿಎಸ್ ನಿಂದ ಆರೋಪ
ಕುಣಿಗಲ್: ಮತದಾರರ ಪಟ್ಟಿ ವಿಶೇಷ ಪರಿಷ್ಕರಣೆ (ಎಸ್ಐಆರ್ ) ಪ್ರಕ್ರಿಯೆಯನ್ನು ನಿಯಮಬಾಹಿರವಾಗಿ ಹಾಗೂ ಅಕ್ರಮವಾಗಿ ನಡೆಸಲಾಗುತ್ತಿದೆ ಎಂಬ ಆರೋಪಗಳು ಕೇಳಿ ಬರುತ್ತಿರುವ ನಡುವೆಯೇ ಪಟ್ಟಣದ 19ನೇ ವಾರ್ಡ್ನ ಅಂಗನವಾಡಿಯಲ್ಲಿ ಕುಳಿತು ಎಸ್ಐಆರ್ ಪ್ರಕ್ರಿಯೆ ನಡೆಸಿರುವುದು ಆಕ್ರೋಶಕ್ಕೆ ಕಾರಣವಾಗಿದೆ.
ನಿಯಮಾನುಸಾರ ಬಿಎಲ್ಒಗಳು ಮನೆ ಮನೆಗೆ ತೆರಳಿ ಎನ್ಯೂಮರೇಷನ್ ಾಮ್ರ್ ನೀಡಿ ದಾಖಲೆಗಳನ್ನು ಖುದ್ದಾಗಿ ಪರಿಶೀಲಿಸಿ ಆ್ಯಪ್ಗೆ ಅಪ್ಲೋಡ್ ಮಾಡಬೇಕು. ಆದರೆ, ಗುರುವಾರ ಪಟ್ಟಣದ 19ನೇ ವಾರ್ಡ್ನಲ್ಲಿ ಅಂಗನವಾಡಿಯಲ್ಲಿ ಕುಳಿತು ಬಿಎಲ್ಒ ಇಂದುಮತಿ ನಿಯಮ ಮೀರಿ ಸಾರ್ವಜನಿಕರಿಗೆ ಾಮ್ರ್ಗಳನ್ನು ವಿತರಿಸುತ್ತಿದ್ದರು. ಜತೆಗೆ ಯಾವುದೇ ದಾಖಲೆ ಪರಿಶೀಲನೆ ಮಾಡದೆ ಭರ್ತಿ ಮಾಡಿದ ಅರ್ಜಿಗಳನ್ನು ನೇರವಾಗಿ ಆ್ಯಪ್ಗೆ ಅಪ್ಲೋಡ್ ಮಾಡಿರುವುದು ಕಂಡು ಬಂದಿದೆ
ಬಿಎಲ್ಒ ನಿಯಮಬಾಹಿರ ನಡೆಯನ್ನು ಗಮನಿಸಿದ ಸ್ಥಳಿಯ ಮುಖಂಡರು ಹಾಗೂ ಯುವಕರು ಪ್ರಶ್ನಿಸಿದಾಗ ಉಡಾಫೆಯಾಗಿ ಉತ್ತರಿಸಿದ್ದು, ಮತ್ತಷ್ಟು ಗೊಂದಲ್ಕೆ ಕಾರಣವಾಗಿದೆ. ಈ ಸಂಪೂರ್ಣ ಟನೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳನ್ನು ಹರಿದಾಡಿರುವುದು ಎಸ್ಐಆರ್ ಪ್ರಕ್ರಿಯೆ ಕ್ರಮಬದ್ಧವಾಗಿ ನಡೆಯುತ್ತಿಲ್ಲ ಎಂಬುದಕ್ಕೆ ಸಾಯಾಗಿದೆ. ಅಲ್ಲದೆ, ಅಕ್ರಮ ಬಾಂಗ್ಲಾ ವಲಸಿಗರನ್ನು ಮತದಾರರ ಪಟ್ಟಿಗೆ ಸೇರಿಸಲಾಗುತ್ತಿದೆ ಎಂದು ಎಂದು ಶುಕ್ರವಾರ ಪಕ್ಷದ ಕಚೇರಿಯಲ್ಲಿ ಜೆಡಿಎಸ್ ತಾಲೂಕು ಜಗದೀಶ್ ನಾಗರಾಜಯ್ಯ ಸುದ್ದಿಗೋಷ್ಠಿಯಲ್ಲಿ ಆರೋಪಿಸಿದರು.
ಸುದ್ದಿಗೋಷ್ಠಿಯಲ್ಲಿ ಜೆಡಿಎಸ್ ಮುಖಂಡರುಗಳಾದ ಕೆ.ಎಲ್.ಹರೀಶ್, ಈ. ಮಂಜು, ವಾಸು, ರಂಗಸ್ವಾಮಿ, ಜಗದೀಶ್ ಹಾಜರಿದ್ದರು.
ನಿಡಸಾಲೆಯಲ್ಲು ಸಾಮೂಹಿಕ ಎಸ್ಐಆರ್
ಶುಕ್ರವಾರವು ಪಟ್ಟಣದ ಮತಗಟ್ಟೆ ಸಂಖ್ಯೆ 76ರ ವ್ಯಾಪ್ತಿಯಲ್ಲಿ ಹಾಗೂ ಹುಲಿಯೂರುದುರ್ಗ ಹೋಬಳಿ ನಿಡಸಾಲೆ ಗ್ರಾಪಂ ವ್ಯಾಪ್ತಿಗಯ ಹೊಸಹಳ್ಳಿ ದೊಡ್ಡಿ ಬೂತ್ನ ಕೆಬ್ಬಳ್ಳಿ ಸರ್ಕಾರಿ ಶಾಲೆಯಲ್ಲಿ ಸಾಮೂಹಿಕವಾಗಿ ಎಸ್ಐಆರ್ ಪರಿಷ್ಕರಣೆಯನ್ನು ಬಿಎಲ್ಒ ಮಾಡಿದ್ದು ರಾಜಕೀಯ ಪಕ್ಷಗಳ ಮುಖಂಡರುಗಳು ಹಾಗೂ ಸಾರ್ವಜನಿಕರಿಂದ ತೀವ್ರ ಆಕ್ಷೇಪ ವ್ಯಕ್ತವಾಗಿದೆ.
ವೈರಲ್ ವಿಡಿಯೋ ತೋರಿಸಿದ ಜಗದೀಶ್
ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿರುವ ವಿಡಿಯೋ ತುಣುಕನ್ನು ಸುದ್ದಿಗೋಷ್ಠಿಯಲ್ಲಿ ತೋರಿಸಿದ ಜಗದೀಶ್ ನಾಗರಾಜಯ್ಯ, ತಾಲೂಕಿನಲ್ಲಿ 5&6 ಸಾವಿರ ಅಕ್ರಮಬಾಂಗ್ಲಾ ವಲಸಿಗರಿದ್ದಾರೆ. ಅವರೆಲ್ಲರಿಗೂ ಅಕ್ರಮವಾಗಿ ಎಲ್ಲಾ ದಾಖಲಾತಿಗಳನ್ನು ಮಾಡಿಕೊಡಲಾಗಿದೆ. ಈಗ ನಿಯಮ ಉಲ್ಲಂಘಿಸಿ ಬಿಎಲ್ಒಗಳು ವಲಸಿಗರನ್ನು ಗುಪ್ತವಾಗಿ ಮತದಾರರ ಪಟ್ಟಿಗೆ ಸೇರಿಸುತ್ತಿದ್ದಾರೆ. ಇದರಿಂದ ಭಾರತದ ಪ್ರಜಾಪ್ರಭುತ್ವದ ಚುನಾವಣಾ ವ್ಯವಸ್ಥೆಗೆ ಧಕ್ಕೆ ಬರುತ್ತದೆ ಎಂದು ಆತಂಕ ವ್ಯಕ್ತಪಡಿಸಿದರು.
ಇಲಾಖೆಯಿಂದ ಈಗಾಗಲೇ ಶೇ.94ರಷ್ಟು ಮ್ಯಾಪಿಂಗ್ ಪೂರ್ಣವಾಗಿದೆ ಎಂದು ವರದಿ ನೀಡಿದ್ದಾರೆ. ಈ ಅಂಕಿ-ಅಂಶವೇ ಅನುಮಾನ ಮೂಡಿಸುತ್ತಿದೆ. ಬಿಎಲ್ಒಗಳು ಸಂಪೂರ್ಣವಾಗಿ ಅಕ್ರಮದಲ್ಲಿ ಶಾಮೀಲಾಗಿದ್ದಾರೆ ಎಂದು ದೂರಿದರು.
ಎಸ್ಐಆರ್ ಪರಿಷ್ಕರಣೆ ಕ್ರಮಬದ್ಧವಾಗಿ ಮಾಡದೇ ಇರುವುದರಿಂದ ತಕ್ಷಣವೇ ಹಾಲಿ ಬಿಎಲ್ಒಗಳನ್ನು ಜಿಲ್ಲಾಧಿಕಾರಿಗಳು ಬೇರೆ ತಾಲೂಕಿಗೆ ವರ್ಗಾವಣೆ ಮಾಡಿ, ನಮ್ಮ ತಾಲೂಕಿಗೆ ಬೇರೆ ಕಡೆಯಿಂದ ಬಿಎಲ್ಒಗಳನ್ನು ನೇಮಿಸಬೇಕು. ಚುನಾವಣಾ ಆಯೋಗ, ತಹಸೀಲ್ದಾರ್, ಜಿಲ್ಲಾಧಿಕಾರಿಗೆ ಲಿಖಿತ ದೂರು ನೀಡುತ್ತೇವೆ. ಸಂಬಧಪಟ್ಟ ಅಧಿಕಾರಿಗಳು ಕೂಡಲೇ ಕ್ರಮಕೈಗೊಳ್ಳದಿದ್ದರೆ, ಜನತಾದಳ ಕಾನೂನು ಘಟಕದ ಮೂಲಕ ಉಗ್ರ ಹೋರಾಟ ಮಾಡಲಾಗುವುದು.