ತುಮಕೂರಿನಲ್ಲಿ ನಡೆದ ಕರ್ನಾಟಕ ಕ್ರೀಡಾಕೂಟದ ಅಥ್ಲಿಟಿಕ್ ಸ್ಪರ್ಧೆಯ ಮಹಿಳೆಯರ 100 ಮೀ., ಓಟದ ನೋಟ.
- ಕರ್ನಾಟಕ ಕ್ರೀಡಾಕೂಟಕ್ಕೆ ಅದ್ದೂರಿ ತೆರೆ
- ಮುಂದಿನ ಕೂಟ ವಿಜಯಪುರ-ಬಾಗಲಕೋಟೆ
- ರಾಜ್ಯಪಾಲ ಥಾವರ್ ಚಂದ್ ಗೆಹ್ಲೋಟ್
ತುಮಕೂರು: ಶಿವಮೊಗ್ಗದ ಎಂ.ಗೌತಮ್ ಹಾಗೂ ಬೆಳಗಾವಿ ವೈಭವಿ ಬದ್ರೂಕ್ ಕರ್ನಾಟಕ ಕ್ರೀಡಾಕೂಟ 2025-26ನೇ ಸಾಲಿನ ಅಥ್ಲಿಟಿಕ್ಸ್ನಲ್ಲಿ ವೇಗದ ರಾಜ, ರಾಣಿ ಎನಿಸಿದರು. ಇದರೊಂದಿಗೆ ತುಮಕೂರಿನಲ್ಲಿ ನಡೆದ 7 ದಿನಗಳ ಕರ್ನಾಟಕ ಕ್ರೀಡಾಕೂಟಕ್ಕೆ ವೈಭವದ ತೆರೆಬಿತ್ತು.
ನಗರದ ಮಹಾತ್ಮಗಾಂಧಿ ಕ್ರೀಡಾಂಗಣದಲ್ಲಿ ಗುರುವಾರ ಸಂಜೆ ಕರ್ನಾಟಕ ಕ್ರೀಡಾಕೂಟದ ಅಂತಿಮದಿನ ಪುರುಷರ 100 ಮೀ., ಓಟದ ಸ್ಪರ್ಧೆಯಲ್ಲಿ ಗೌತಮ್ 10.40 ಸೆಕೆಂಡ್ಗಳಲ್ಲಿ ಗುರಿ ತಲುಪಿ ಚಿನ್ನದ ಪದಕ ಗೆದ್ದುಕೊಂಡರು. ಉಡುಪಿಯ ಡಿ.ಧನುಶ್ (10.70 ಸೆ.) ಬೆಳ್ಳಿ ಗೆದ್ದರೆ, ಉಡುಪಿಯ ಪಿ.ಭವಿಶ್ (10.80 ಸೆ.) ಕಂಚಿನ ಪದಕ ಪಡೆದರು.
ಮಹಿಳೆಯರ 100 ಮೀ., ಓಟದ ಸ್ಪರ್ಧೆಯಲ್ಲಿ ಬೆಳಗಾವಿಯ ವೈಭವಿ 12.21 ಸೆಕೆಂಡ್ಗಳಲ್ಲಿ ಗುರಿ ತಲುಪಿ ಚಿನ್ನಕ್ಕೆ ಕೊರಳೊಡ್ಡಿದರು. ಮೈಸೂರಿನ ಎಚ್.ಎಸ್.ಹರ್ಷಿತ (12.31 ಸೆ.) ಬೆಳ್ಳಿ ಗೆದ್ದರೆ, ಮೈಸೂರಿನ ಎಂ.ಮಮತ (12.56 ಸೆ.) ಕಂಚಿಗೆ ತೃಪ್ತಿಪಟ್ಟುಕೊಂಡರು.
ಶ್ರೇಷ್ಟ ಅಥ್ಲೀಟ್: ಶಿವಮೊಗ್ಗದ ಎಂ.ಗೌತಮ್ ಹಾಗೂ ದಕ್ಷಿಣ ಕನ್ನಡದ ಶ್ರಾವಣಿ ಭಾಟೆ ಕ್ರೀಡಾಕೂಟದ ಶ್ರೇಷ್ಟ ಅಥ್ಲೀಟ್ ಪುರಸ್ಕಾರಕ್ಕೆ ಭಾಜನರಾದರು.
5000 ಮೀ., ಓಟ: 1. ವೈಭವ್ ಎಂ. ಪಾಟೀಲ್ (ಬೆಳಗಾವಿ), 2. ಎಸ್.ಭೀಮಾಶಂಕರ್ (ಯಾದಗಿರಿ), 3. ಆರ್.ಕೀರ್ತಿ (ದಾವಣಗೆರೆ)
400 ಮೀ., ಹರ್ಡಲ್ಸ್: 1. ವೀರೇಶ್ ಬಿ.ಕಾಂಬ್ಳೆ (ಬೆಳಗಾವಿ), 2. ಸೂರಜ್ ಆರ್.ಬಾಳೇಕುಂದ್ರಿ (ಬೆಳಗಾವಿ), 3. ಜಾಗೃತ್ (ಬೆಂಗಳೂರುನಗರ)
ಹೈಜಂಪ್: 1. ಅಭಯ್ ಕುಮಾರ್ ಗೌಡ (ಬೆಂಗಳೂರು ನಗರ) . 2. ಎಸ್.ಹರ್ಷಿತ್ (ಬೆಂಗಳೂರು ನಗರ), 3. ತ್ರಿಲೋಕ್ ಒಡೆಯರ್ (ಬೆಂಗಳೂರು ನಗರ)
ಶಾಟ್ಪಟ್: 1. ಪ್ರಜ್ವಲ್ ಎಂ.ಶೆಟ್ಟಿ (ಉಡುಪಿ), 2. ಪಿ.ಎಂ.ಮಣಿಕಂಠ (ಕೊಡಗು), 3. ಇ.ಮೋಹನ್ (ಮೈಸೂರು)
ಜಾವೆಲಿನ್ ಥ್ರೋ: 1. ಕಲ್ಲೋಳೆಪ್ಪ (ಬೆಳಗಾವಿ), 2. ಶಾರುಖ್ (ಬೆಂಗಳೂರು ನಗರ), 3. ಯುವರಾಜ್ ಲಮಾಣಿ (ಬಾಗಲಕೋಟೆ)
ಹ್ಯಾಮೆರ್ ಥ್ರೋ: 1. ಧೀರಜ್ ಪೂಜಾರಿ (ಉಡುಪಿ), 2. ಸುದೀಪ್ (ಶಿವಮೊಗ್ಗ), 3. ಅಬ್ದುಲ್ ರಜಾಕ್ (ದ.ಕನ್ನಡ)
5000 ಮೀ., ಓಟ: 1. ಎನ್.ಎಲ್.ತೇಜಸ್ವಿ (ಬೆಂಗಳೂರು ನಗರ), 2. ಜಿ.ನಂದಿನಿ (ಉಡುಪಿ), 3. ಪ್ರಣತಿ (ಬೆಂಗಳೂರು ಗ್ರಾಮಾಂತರ)
400 ಮೀ., ಹರ್ಡಲ್ಸ್ : 1. ಮೇಘಾ ಮುನವಳ್ಳಿ ಮಠ (ಗದಗ), 2. ಅಪೂರ್ವನಾಯಕ್ (ಬೆಳಗಾವಿ), 3. ರಮ್ಯಾ ಕದಂ (ವಿಜಯಪುರ)
ಹೈಜಂಪ್: 1. ತ್ರಿಷ್ಣವಿ (ಉಡುಪಿ)
ವಿಜಯಪುರ-ಬಾಗಲಕೋಟೆಯಲ್ಲಿ ಮುಂದಿನ ಕೂಟ
ಮುಂದಿನ ವರ್ಷದ ಕರ್ನಾಟಕ ಕ್ರೀಡಾಕೂಟದ ಆತಿಥ್ಯ ವಿಜಯಪುರ&ಬಾಗಲಕೋಟೆ ವಹಿಸಲಿವೆ ಎಂದು ಕೆಒಎ ಅಧ್ಯಕ್ಷ ಕೆ.ಗೋವಿಂದರಾಜು ಪ್ರಕಟಿಸಿದರು.