ಉಪಾಂತ್ಯ ಪ್ರವೇಶಿಸಿದ ಜಸ್ಟಿನಾ, ವೈದೇಹಿ

ನಗರದ ವಿವಿ ಆವರಣದ ಜಿಲ್ಲಾ ಟೆನಿಸ್​ ಕ್ರೀಡಾಂಗಣದಲ್ಲಿ ಶುಕ್ರವಾರ ಪ್ರಧಾನಸುತ್ತಿನ ಸಿಂಗಲ್ಸ್​ ಕ್ವಾರ್ಟರ್​ಫೈನಲ್​ ನಲ್ಲಿ ಭಾರತದ 3ನೇ ಶ್ರೇಯಾಂಕಿತೆ ವೈದೇಹಿ ಚೌಧರಿ 6-4, 6-7(5), 7-5 ಸೆಟ್​ಗಳಿಂದ 6ನೇ ಶ್ರೇಯಾಂಕಿತ ರಷ್ಯಾದ ಎಕಟೆರಿನಾ ಯಾಶಿನಾ ವಿರುದ್ಧ ಅರ್ಹ ಗೆಲುವು ದಾಖಲಿಸಿ ಸೆಮಿಫೈನಲ್ ಗೆ ಲಗ್ಗೆಯಿಟ್ಟರು.

2 ಗಂಟೆ 40 ನಿವಿಷಗಳ ದೀರ್ ಕಾಲ ನಡೆದ ರೋಮಾಂಚಕಾರಿ ಹಣಾಹಣಿಯ ಪಂದ್ಯದಲ್ಲಿ ನೆರೆದಿದ್ದ ಬೆರಳೆಣಿಕೆ ಪ್ರೇಕ್ಷಕರನ್ನು ತುದಿಗಾಲ ಮೇಲೆ ನಿಲ್ಲುವಂತಹ ಪ್ರದರ್ಶವನ್ನು ವೈದೇಹಿ, ಯಾಶಿನಾ ನೀಡಿದರು. ವೈದೇಹಿ ಆಕ್ರಮಣಕಾರಿ ಪ್ರದರ್ಶನಕ್ಕೆ ಭುಜದ ನೋವಿನಿಂದ ಡಬಲ್ಸ್​ನಲ್ಲಿ ಕಣದಿಂದ ಹಿಂದೆ ಸರಿದಿದ್ದ ಯಾಶಿನಾ ಪ್ರಬಲ ಪೈಪೋಟಿ ನೀಡಿದರು. ಮಧ್ಯಾಹ್ನದ ಬಿರುಬಿಸಿಲಿನಲ್ಲಿ 6-4 ರಿಂದ ಮೊದಲ ಸೆಟ್​ ಗೆದ್ದ ವೈದೇಹಿಗೆ ಯಾಶಿನಾ ಪ್ರಬಲ ಪ್ರತ್ಯುತ್ತರ ನೀಡಿದರು. ಟೈ ಬ್ರೇಕರ್​ ನಲ್ಲಿ ಈ ಸೆಟ್​ ಅನ್ನು 7-6 ರಿಂದ ಗೆದ್ದುಕೊಂಡ ಯಾಶಿನಾ ಪುಟಿದೆದ್ದರು. ಬಳಿಕ 3ನೇ ಹಾಗೂ ನಿರ್ಣಾಯಕ ಸೆಟ್​ನಲ್ಲಿ ವೈದೇಹಿ ಒತ್ತಡವನ್ನು ನಿಭಾಯಿಸುವಲ್ಲಿ ಯಶಸ್ವಿಯಾದರು. ಉತ್ತಮ ಸರ್ವೀಸ್​, ಬ್ಯಾಕ್​ ಹ್ಯಾಂಡ್​ ಹೊಡೆತಗಳ ಮೂಲಕ ಎದುರಾಳಿ ಯಾಶಿನಾರನ್ನು ಗಲಿಬಿಲಿಗೊಳಿಸಿದ ವೈದೇಹಿ ಅರ್ಹವಾಗಿ ಉಪಾಂತ್ಯ ಪ್ರವೇಶಿಸಿದರು. ಪ್ರತಿ ಹೊಡೆತದ ವೇಳೆ ಯಾಶಿನಾ "ಕೂಗು' ಪ್ರೇಕ್ಷಕರ ಗಮನಸೆಳೆಯಿತು.

4ನೇ ಶ್ರೇಯಾಂಕದ ಭಾರತದ ತಾರೆ ಝೀಲ್​ ದೇಸಾಯಿ 4-6, 6-3, 7-5 ಸೆಟ್​ಗಳಿಂದ ರಷ್ಯಾದ ಅರಿನಾ ಅರಿಫುಲ್ಲಿನಾ ವಿರುದ್ಧ ಮ್ಯಾರಥಾನ್​ ಹೋರಾಟ ಕಂಡ ಪಂದ್ಯದಲ್ಲಿ ಗೆದ್ದುಬಿಗಿದರು. 2 ಗಂಟೆ 52 ನಿವಿಷಗಳ ಕಾಲದ ದೀರ್ ಹೋರಾಟದ ಪಂದ್ಯದಲ್ಲಿ ಮೊದಲ ಸೆಟ್​ನಲ್ಲಿ 4-6 ಹಿನ್ನೆಡೆ ಅನುಭವಿಸಿದ ಝೀಲ್​ 2ನೇ ಸೆಟ್​ನಲ್ಲಿ ಪುಟಿದೆದ್ದರು. ಮೊದಲ ಸೆಟ್​ ಗೆಲುವಿನ ಲಯವನ್ನು ಮುಂದುವರೆಸುವಲ್ಲಿ ಅರಿನಾ ಎಡವಿದರು.

2ನೇ ಸೆಟ್​ ತೀವ್ರ ಹಣಾಹಣಿಯಿಂದ ಕೂಡಿದ್ದು ಇಬ್ಬರೂ ಪದೇ ಪದೇ ಬ್ರೇಕ್​ ಪಾಯಿಂಟ್​ಗಳಲ್ಲಿ ಮಿಂಚಿದರಾದರೂ ಝೀಲ್​ ದೇಸಾಯಿ ಉತ್ತಮ ನಿರ್ವಹಣೆ ತೋರಿ ಸೆಟ್​ ಅನ್ನು ಗೆದ್ದುಕೊಂಡರು. ನಿರ್ಣಾಯಕ 3ನೇ ಸೆಟ್​ ಸಮಬಲ ಹೋರಾಟ ಕಂಡುಬಂತು. ಪ್ರತಿ ಪಾಯಿಂಟ್​ಗು ಜಿದ್ದಾಜಿದ್ದಿನ ಹೋರಾಟ ನಡೆಯಿತು. ಪಂದ್ಯ ಟೈಬ್ರೇಕರ್​ ಕಡೆ ಸಾಗುತ್ತಿರುವಂತೆ ಕಾಣುತ್ತಿದ್ದಂತೆ, ಝೀಲ್​ ನಿರ್ಣಾಯಕ ಬ್ರೇಕ್​ ಪಾಯಿಂಟ್​ ಗಳಿಸಿ ಅರಿನಾಗೆ ಆಘಾತ ನೀಡಿದರು. ಒಂಭತ್ತು ಡಬಲ್​ಫಾಲ್ಟ್​ ಗಳನ್ನು ಮಾಡಿದರು ಝೀಲ್​ ಎದೆಗುಂದಲಿಲ್ಲ. ಅರಿುಲ್ಲಿನಾ ಉತ್ತಮ ಏಸ್​ಗಳನ್ನು ಹಾಕಿದರಾದರು ಮೇಲುಗೈ ಸಾಧಿಸಲಾಗಲಿಲ್ಲ. ಕೊನೆಗೆ ಝೀಲ್​ ಗೆಲುವಿನ ನಗೆಬೀರಿದರು.