ತುಮಕೂರಿನಲ್ಲಿ ಕರ್ನಾಟಕ ಸಣ್ಣ ಕೈಗಾರಿಕೆಗಳ ಸಂಘದ ವತಿಯಿಂದ ಆಯೋಜಿಸಿದ್ದ ದಣ ಭಾರತ ಎಂಎಸ್ಎಂಇ ಸಮಾವೇಶದ ಅಂಗವಾಗಿ ಏರ್ಪಡಿಸಿದ್ದ ವಸ್ತುಪ್ರದರ್ಶನವನ್ನು ಸಚಿವ ಪರಮೇಶ್ವರ್ ಉದ್ಘಾಟಿಸಿದರು.
- ಸಚಿವ ಪರಮೇಶ್ವರ ಸ್ಪಷ್ಟನೆ
- ಬೆಂಗಳೂರು ಭಾಗವಾಗಬೇಕೆಂಬ ಕಲ್ಪನೆ
- ನಾನು ಇಲ್ಲೇ ಹುಟ್ಟಿ ಬೆಳದವನು
ತುಮಕೂರು: ತುಮಕೂರು ಬೆಂಗಳೂರಿನ ಒಂದುಭಾಗವಾಗಬೇಕು ಎಂಬುದು ನನ್ನ ಕಲ್ಪನೆ. ತುಮಕೂರು ಹೆಸರನ್ನು ಬದಲಾಯಿಸೋಲ್ಲ ಎಂದು ಗೃಹ ಸಚಿವ ಡಾ.ಜಿ.ಪರಮೇಶ್ವರ್ ಪುನರುಚ್ಚರಿಸಿದರು.
ನಗರದ ಗಾಜಿನಮನೆ ಆವರಣದಲ್ಲಿ ಕರ್ನಾಟಕ ಸಣ್ಣ ಕೈಗಾರಿಕೆಗಳ ಸಂಘದ ವತಿಯಿಂದ ಶುಕ್ರವಾರ ಆಯೋಜಿಸಿದ್ದ ದಕ್ಷಿಣ ಭಾರತ ಎಂಎಸ್ಎಂಇ ಸಮಾವೇಶದಲ್ಲಿ ಭಾಗವಹಿಸಿ ಮಾತನಾಡಿದ ಅವರು, ನಾನು ತುಮಕೂರಿನವನೇ. ನಾನು ಇಲ್ಲೇ ಹುಟ್ಟಿ ಬೆಳದವನು. ತುಮಕೂರಿನ ಅಸ್ಮಿತೆಗೆ ಧಕ್ಕೆ ತರುವುದಿಲ್ಲ. ಭೌಗೋಳಿಕ, ಆಡಳಿತಾತ್ಮಕವಾಗಿ ತುಮಕೂರು ಬದಲಾಗುವುದಿಲ್ಲ. ಆದರೆ, ಬೆಂಗಳೂರಿನ ಒಂದು ಭಾಗವಾಗಿಸುವ ಪ್ರಯತ್ನವನ್ನು ಮುಂದುವರೆಸುವೆ ಎಂದರು.
ನಗರ ಶಾಸಕ ಜ್ಯೋತಿ ಗಣೇಶ್, ತುಮಕೂರು ವಿವಿ ಕುಲಪತಿ ಪ್ರೊ.ಎಂ. ವೆಂಕಟೇಶ್ವರಲು , ಕಾಶಿಯಾ ಅಧ್ಯಕ್ಷ ಬಿ.ಆರ್.ಗಣೇಶ್ರಾವ್, ಉಪಾಧ್ಯಕ್ಷ ನಿಂಗಣ್ಣ ಎಸ್.ಬಿರದಾರ್, ಪ್ರಧಾನಕಾರ್ಯದರ್ಶಿ ಎಸ್.ಎಂ.ಹುಸೇನ್, ಆರ್.ಕೇಶವಮೂರ್ತಿ, ವೈ.ದಿನೇಶ್ ಕುಮಾರ್, ಆರ್.ದೊರೈ, ಕಾಸಿಯಾ ದಣಭಾರತ ಪ್ಯಾನೆಲ್ ಛೇರ್ಮನ್ ಸದಾಶಿವ ಆರ್.ಅಮಿನ್, ಪಿ.ಎಸ್.ಶ್ರೀಕಂಠ ದತ್ತ, ಕೆ.ಆನಂದರಾವ್, ಕೆನರಾಬ್ಯಾಂಕ್ ಪ್ರಾದೇಶಿಕ ಮುಖ್ಯಸ್ಥ ಗಂಗೇಶ್ ಗುಂಜಾನ್, ಎಸ್ಬಿಐ ಪ್ರಾದೇಶಿಕ ವ್ಯವಸ್ಥಾಪಕ ಪಿ. ಶ್ರೀರಾಮ್ ಉಪಸ್ಥಿತರಿದ್ದರು.
ಕೇಂದ್ರ ಸಚಿವ ವಿ.ಸೋಮಣ್ಣ, ಜ್ಯೋತಿಗಣೇಶ್ ಬೇರೆ ಪಕ್ಷದವರು. ಆದರೆ, ನಮ್ಮಿಬ್ಬರಿಗೆ ಜನ ಕೊಟ್ಟಿರುವ ಟಾರ್ಗೆಟ್ ತುಮಕೂರನ್ನು ಆರೋಗ್ಯಕರವಾಗಿ ಬೆಳೆಸಬೇಕು. ಆ ಕೆಲಸವನ್ನು ಜ್ಯೋತಿನು, ಸೋಮಣ್ಣನು ಮಾಡ್ತಾರೆ. ನಾನು ಕೂಡ ಅಭಿವೃದ್ಧಿ ಕೆಲಸ ಮಾಡುತ್ತೇನೆ. ರೈಲ್ವೆ ಯೋಜನೆಗೆ ತೊಡಕಾಗಿದ್ದ ಭೂಸ್ವಾಧಿನ ಪ್ರಕ್ರಿಯೆಯನ್ನು ಜಿಲ್ಲೆಯಲ್ಲಿ ಪೂರ್ಣಗೊಳಿಸಲಾಗಿದೆ.
ಸಣ್ಣ ಕೈಗಾರಿಕೆಗಳ ಅಸ್ತಿತ್ವಕ್ಕೆ ಬೃಹತ್ ಕೈಗಾರಿಕೆಗಳು ಹೊಡೆತ ನೀಡಿವೆ. ಆದರೆ, ದೇಶದ ಜಿಡಿಪಿಗೆ ಸಣ್ಣ ಕೈಗಾರಿಕೆಗಳ ಕೊಡುಗೆ ನೀಡಿವೆ. ರಾಜ್ಯ, ಕೇಂದ್ರ ಸರ್ಕಾರಗಳು ದೇಶದ ಬೆನ್ನೆಲುಬಾಗಿರುವ ಸಣ್ಣ ಕೈಗಾರಿಗಳ ಬೆಳವಣಿಗೆಗೆ ಅಗತ್ಯ ನೆರವನ್ನು ನೀಡಿವೆ.