ಅಣ್ಣನಿಂದಲೇ ತಮ್ಮನ ಕೊಲೆ

ಶಿರಾ ತಾಲೂಕು ಪಟ್ಟನಾಯಕನಹಳ್ಳಿ ಪೊಲೀಸ್​ ಠಾಣೆ ವ್ಯಾಪ್ತಿಯ ಹೊಸನಹಳ್ಳಿ -ಬಡೇನಹಳ್ಳಿ ಗೇಟ್​ ಮಧ್ಯದಲ್ಲಿ ಶನಿವಾರ ರಸ್ತೆ ಅಪಘಾತದಲ್ಲಿ ರಮೇಶ್​ (35) ಎಂಬಾತ ಸಾವನ್ನಪ್ಪಿದ್ದು ಈ ಸಂಬಂಧ ಮೃತನ ಅಣ್ಣ ರಂಗನಾಥ ನೀಡಿದ ದೂರಿನ ಹಿನ್ನೆಲೆ ಅನುಮಾನಾಸ್ಪದ ಸಾವು ಎಂದು ಪ್ರಕರಣ ದಾಖಲಿಸಿಕೊಳ್ಳಲಾಗಿತ್ತು.

ಮೈಮೇಲಿನ ಗಾಯ !: ಮೃತ ರಮೇಶ್​ ಮೈಮೇಲಿನ ಗಾಯಗಳನ್ನು ಗಮನಿಸಿದ ಪಟ್ಟನಾಯಕನಹಳ್ಳಿ ಪಿಎಸ್​ಐ ಹರೀಶ್​ ಹಾಗೂ ಮರಣೋತ್ತರ ಪರೀೆ ವರದಿಯು ಇದು ಅಪಘಾತವಲ್ಲ, ಕೊಲೆ ಎಂಬ ಅನುಮಾನಕ್ಕೆ ಎಡೆಮಾಡಿಕೊಟ್ಟಿತು. ಅನುಮಾನಸ್ಪದ ಸಾವು ಪ್ರಕರಣವನ್ನು ಜೂ.22 ರಂದು ಕೊಲೆ ಎಂದು ದಾಖಲಿಸಿಕೊಂಡ ಪೊಲೀಸರು ಅಸಲಿ ಪ್ರಕರಣದ ಬಯಲಿಗೆಳೆಯಲು ಮುಂದಾದರು.

ಕೊಲೆ ಪ್ರಕರಣ ದಾಖಲಾದ 12 ಗಂಟೆಯ ಒಳಗಾಗಿ ಪ್ರಕರಣದ ಪ್ರಮುಖ ಸೂತ್ರಧಾರಿ ನಿದ್ರಗಟ್ಟದ ಹನುಮಂತರಾಜು ಹಾಗೂ ಬೆಂಗಳೂರಿನ ಲಕ್ಷಿ$್ಮಕಾಂತ (31), ಊರ್ಡಿಗೆರೆ ಹೋಬಳಿ ಮಾಚನಹಳ್ಳಿ ನವೀನ್​ ಕುಮಾರ್​ (28) ಹಾಗೂ ಕೊರಟಗೆರೆ ತಾಲೂಕಿನ ರೌರಗಾನಹಳ್ಳಿಯ ಎಂ.ಡಿ.ಜಿಲಾನ್​ (21)ರನ್ನು ಪೊಲೀಸರು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಪಟ್ಟನಾಯಕನಹಳ್ಳಿ ಠಾಣೆಯಲ್ಲಿ ಕೊಲೆ ಪ್ರಕರಣ ದಾಖಲಾಗಿದ್ದು ತನಿಖೆ ಮುಂದುವರೆದಿದೆ.