ವಿದ್ಯುತ್​ ಖಾಸಗೀಕರಣದಿಂದ ರೈತರಿಗೆ ತೊಂದರೆ

ಪಟ್ಟಣದ ಪ್ರವಾಸಿ ಮಂದಿರದಲ್ಲಿ ಭಾನುವಾರ ಹಮ್ಮಿಕೊಂಡಿದ್ದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ, ರಾಜ್ಯದಲ್ಲಿ ಸುಮಾರು 1.20 ಕೋಟಿ ಲಕ್ಷ ಭಾಗ್ಯಜ್ಯೋತಿ ಮತ್ತು ಕುಟಿರ ಜ್ಯೋತಿಗಳಿವೆ. ಯೂನಿಟ್​ ದರದಲ್ಲಿ ಬೇಕಾಬಿಟ್ಟಿ ಏರಿಕೆಯಾಗುತ್ತದೆ. ಕೃಷಿ ಪಂಪ್​ಸೆಟ್​ಗಳಿಗೂ ಸ್ಮಾರ್ಟ್​ ಮೀಟರ್​ ಅಳವಡಿಸಲಾಗುತ್ತಿದೆ. ಇದರಿಂದ ಕೃಷಿಕರು ಬೀದಿಪಾಲಾಗುತ್ತಿದ್ದಾರೆ. ಆದ್ದರಿಂದ ವಿದ್ಯುತ್​ ಕ್ಷೇತ್ರವನ್ನು ಖಾಸಗೀಕರಣಗೊಳಿಸಬಾರದು. ಎತ್ತಿನಹೊಳೆ ಯೋಜನೆ ನೀರನ್ನು ಈ ವರ್ಷ ತಾಲೂಕಿಗೆ ಹರಿಸಬೇಕು. ನೀರಿನ ಹಂಚಿಕೆಯನ್ನು ಎರಡು ಟಿಎಂಸಿಗೆ ಹೆಚ್ಚಿಸಬೇಕು ಎಂದರು.

ಮಧುಗಿರಿ ಉಪವಿಭಾಗದಲ್ಲಿ ಬಿತ್ತನೆ ಹತ್ತಿ ಸುಮಾರು ಹದಿನೈದು ವರ್ಷಗಳಿಂದ ಬೆಳೆಯುತ್ತಿದ್ದಾರೆ. ಬೀಜದ ಕಂಪನಿಗಳು ಹೊರರಾಜ್ಯದಲ್ಲಿವೆ. ಅವರು ಏಜೆಂಟರು ನೇಮಿಸಿಕೊಂಡು ಬಿತ್ತನೆ ಹತ್ತಿ ಬೆಳೆಯುತ್ತಿದ್ದಾರೆ. ಏಜೆಂಟರ್​ ಬೀಜ ಮತ್ತು ಹತ್ತಿಯನ್ನು ತೂಗುವಾಗ ಕ್ವಿಂಟಲ್​ಗೆ 7 ಕೆಜಿಗೂ ಹೆಚ್ಚು ಮೋಸ ಮಾಡುತ್ತಿದ್ದಾರೆ. ಕಳಪೆ ಗೊಬ್ಬರ ಔಷಧವನ್ನು ದುಬಾರಿ ಬೆಲೆಗೆ ನೀಡುತ್ತಿದ್ದಾರೆ. ಹತ್ತಿ ಮಾರುಕಟ್ಟೆಗಿಂತ ಎರಡರಿಂದ ಮೂರು ಸಾವಿರ ಕಡಿಮೆ ಬೆಲೆಗೆ ಖರೀದಿಸುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ ಏ.13 ರಂದು ತಾಲೂಕು ಕಚೇರಿ ಮುಂದೆ ಬೃಹತ್​ ಪ್ರತಿಭಟನೆ ನಡೆಸಲಾಗುವುದು ಎಂದು ತಿಳಿಸಿದರು.