ನಾನು ಗೆದ್ದಿದ್ದರೆ ಸಿದ್ದರಾಮಯ್ಯ ಸಿಎಂ ಆಗುತ್ತಿರಲಿಲ್ಲ !

ಶ್ರೀ ಸಿದ್ಧಾರ್ಥ ಅಕಾಡೆಮಿ ಆಫ್ ಹೈಯರ್​ ಎಜುಕೇಷನ್​ ವತಿಯಿಂದ ಆಯೋಜಿಸಿದ್ದ ಅಭಿನಂದನೆ ಸ್ವೀಕರಿಸಿ ಶನಿವಾರ ಮಾತನಾಡಿದ ಅವರು, 2013 ರಲ್ಲಿ ನಾನು ಚುನಾವಣೆ ಸೋತೆ. ಬಹುಶಃ ನಾನು ಗೆದ್ದಿದ್ದರೆ ಸಿದ್ದರಾಮಯ್ಯ ಮುಖ್ಯಮಂತ್ರಿ ಆಗುತ್ತಿರಲಿಲ್ಲ. ನನ್ನ ದುರಾದೃಷ್ಟನೋ, ಹಣೆಬರಹನೋ ಏನೋ ಗೊತ್ತಿಲ್ಲ. ಆಗ ನಾನು ಸೋತ ಕಾರಣ್ಕಾಗಿ ಅವರು ಮುಖ್ಯಮಂತ್ರಿಯಾದರು. ಸಿಎಂ ಆದ್ರೂ. ಇನ್ನೂ 2018 ರಲ್ಲಿ ನಮ್ಮ ಪಕ್ಷ 80 ಸ್ಥಾನ ಗೆದ್ದಿತ್ತು. 30 ಸ್ಥಾನ ಗೆದ್ದಿದ್ದ ಬೇರೆ ಪಕ್ಷದ ಮೈತ್ರಿ ಮಾಡಿಕೊಂಡಾಗ ಕಾರಣಾಂತರಾದಿಂದ ಎಚ್​.ಡಿ.ಕುಮಾರಸ್ವಾಮಿ ಅವರನ್ನು ಮುಖ್ಯಮಂತ್ರಿ ಮಾಡಿದರು. ಅವತ್ತು ನನ್ನನ್ನು ಸಿಎಂ ಮಾಡಬಹುದಿತ್ತು. ಎರಡನೇ ಬಾರಿಗೂ ಅವಕಾಶ ಕೈತಪ್ಪಿತೆಂಬ ಮನದಾಳದ ಮಾತುಗಳನ್ನು ಬಿಚ್ಚಿಟ್ಟರು.

ಈ ಬಾರಿ ಮತ್ತೆ ಪ್ರಯತ್ನ ಮಾಡಿದೆ. ಸಿಎಂ ಆಗುವ ಎಲ್ಲ ವಿಶ್ವಾಸವು ಇತ್ತು. ಕಡೆಗೆ ಯಾವುದೋ ಕಾರಣಕ್ಕೆ ರಾಜಕೀಯದ ಬೆಳವಣಿಗೆಗಳಲ್ಲಾದ ತೀರ್ಮಾನಗಳು ಅವಕಾಶ ಕೈತಪ್ಪುವಂತೆ ಮಾಡಿತು. ಹಾಗಾಗಿ, ಉಪಮುಖ್ಯಮಂತ್ರಿ ಸ್ಥಾನ ಕೊಟ್ಟಿದ್ದಾರೆ. ಜವಾಬ್ದಾರಿ ಸ್ಥಾನ. ಹೇಗೆಬೇಕಾದರೂ ಹಾಗೆ ನಡೆದುಕೊಳ್ಳುವುದಿಲ್ಲ. ರಾಜ್ಯ, ಜನರು ನಮ್ಮನ್ನು ನೋಡುತ್ತಿರುತ್ತಾರೆ. ಸಂಪುಟದ ಸಹದ್ಯೋಗಿಗಳು ಹೇಳುತ್ತಿರುತ್ತೇನೆ. ಜನ ನಮ್ಮನ್ನು ಮ್ಯಾಗ್ನಿಫೈಯಿಂಗ್ ಗ್ಲಾಸ್​ ಹಾಕಿಕೊಂಡು ನೋಡುತ್ತಿರುತ್ತಾರೆ. ಬಹಳ ಜವಾಬ್ದಾರಿ ನಡೆದುಕೊಳ್ಳಬೇಕಿದೆ. ನಾನು ಖಣಡಿತವಾಗಿ ಮಾಡುತ್ತೇನೆ. ಎಂದೂ ಸ್ಥಾನಕ್ಕೆ, ನತೆಗೆ ಕುಂದು ಬಾರದ ಹಾಗೆ ಸರ್ಕಾರದಲ್ಲಿ ನಡೆದುಕೊಳ್ಳುತ್ತೇನೆ ಎಂದು ಹೇಳಿದರು.