ತುಮಕೂರು: ನಗರದ ಹೊರವಲಯದ ರೆಡ್ಕ್ರಾಸ್ ವಾಕ್ ಶ್ರವಣದೋಷವುಳ್ಳ ಮಕ್ಕಳ ವಸತಿ ಶಾಲೆ ಬಳಿ ಚಿರತೆ ಕಾಣಿಸಿಕೊಂಡಿದ್ದ ಹಿನ್ನೆಲೆಯಲ್ಲಿ ಅರಣ್ಯ ಇಲಾಖೆ ಇಟ್ಟಿದ್ದ ಬೋನಿಗೆ ಮೂರು ವರ್ಷ ಪ್ರಾಯದ ಚಿರತೆ ಮಂಗಳವಾರ ರಾತ್ರಿ ಬಿದ್ದಿದೆ.
ತುಮಕೂರು ತಾಲೂಕಿನ ಬೆಳಗುಂಬ ಬಳಿಯಿರುವ ವಾಕ್ ಶ್ರವಣ ದೋಷವುಳಲ್ಲ ವಸತಿ ಶಾಲೆಯ ಬಳಿ ಸೋಮವಾರ ಬೆಳಗ್ಗೆ ಕಾಣಿಸಿಕೊಂಡಿದ್ದ ಚಿರತೆ ನೀಡಿದ್ದ ಮಕ್ಕಳು, ಶಿಕ್ಷಕರು ಭಯಗೊಂಡಿದ್ದರು. ಸ್ಥಳಕ್ಕೆ ಭೇಟಿ ನೀಡಿದ್ದ ಅರಣ್ಯ ಇಲಾಖೆ ಅಧಿಕಾರಿಗಳು ಚಿರತೆ ಸೆರೆಹಿಡಿಯಲು ಬೋನು ಇಟ್ಟಿದ್ದರು. ಶಾಲೆಯ ಸುತ್ತಮುತ್ತಲೂ ಇನ್ನೂ ಒಂದೆರಡು ಚಿರತೆಗಳಿದ್ದು ಸೆರೆಹಿಡಿದು ಕಾಡಿಗಟ್ಟಬೇಕಿದೆ.